ISAYA 13:8 - PIPÏLIA

⁸ Potonchot chane lömïs akïsïch ngwonïn nyo karkegh nko ngwonïn pö lusyogh. Topönöy kegh chane ompö nyökoryö, akïnöghyö tokochwekwa le ma ompö arasï.

ISAYA 13:8 ပူးပေါင်းရင်းမြစ်များ

2 PÖYTOGHÏ 19:26

Melö kitïng owesyö pich cho kimöngöy kanastinechoni, kikigh chane kwotyö akïtangany. Ki karkegh chane nko suswo paren anta sus cho kipita pörkö, nyo otini kila asis kïsilonchö.

TUMWÖY 48:7

Kinyaranyi chane le melino Tarsis ompö nanam, cho köryöp kuriy yomöt nyo ngwïno kongasis.

ISAYA 26:17

Nyi, we ECHOTYON nyo kighecha keriryenö le karka nyo tegho ngwonïn nyo pö lusyogh.

YEREMIA 13:21

Imwoghenyi ne ato parinyi akïpaytinyi pich cho kikinetanyi kïlïkwï kongotiku? Mechirenyinye le korka nyo lusïyi?

YEREMIA 30:6

Atepe kegh köny tökïpköchok ngala. Ayo, ngo nyo kisïwa chi nyo le mïrön kïlusïyi akïyï monïng? Kwompö ne nyu tosïwïyan mïrön anka tïkwïl kïpïröy kegh mu le korka nyo kïghöy? Akwompö ne tökworusöchitu chane tökechwö?

YEREMIA 4:31

Kalïman rira nyo lata rira korka nyo kïghöy, rira korka nyo lusïyi poretyenyi. Sayon nyoni kirir kïkar tïkïs, akughïtoy ewun kïlentöy, “Nyarïley, achona kapka kuwanyanïn!”

YEREMIA 46:5

Wölo ne kitö nyï kasïwan nya? Atï kewöghisyö lïkonay akuyoda kegh löt! Kakïrïnta lïkonay! Kewöghisyö akïryagh nyoman, ameyokunye kong löt nyonikïny mïghö kwïle nyo kinyïghï kuwit.

YEREMIA 48:41

Ngwïnöy kïrïntoy kanastinechi, akurit teköwekwa mïghsot asisoni lïko Moap le korka nyo kïghöy.

YEREMIA 49:22

Poryegho punyon Posra le sich nyo kirïchul köpepoy ato pilöy. Mïghsot asisoni nyökon pö lïko Edom le korka nyo kïghöy.”

YEREMIA 49:24

Kötïgh kïgh ko pipö Damaska, keyoda kegh löt akupertoy. Kinam chane mïghöto nyo mamïnïng! Kölïmchï kegh ngwonïn nko nyarïl, le korka nyo kïghöy.

YEREMIA 50:43

Kalïm pöytoghinto Papilon lökoyechoni akïmïgh lö chïrïm kïlïkwï morïn pörköy, akïnam ngwonïn nyinte, ngwonïn nyo lata nyo pö korka nyo kïghöy.

YEREMIA 51:30

Kikelot lïko Papilon ompö poryot köwïnchï kegh wölo mi teköwekwa amökïtïngcha owesyö nyonikïny karkegh nko kor. Kikeriy kukot pö körin ompö kanastina Papilon, akepela ma korikwa cho möngöy.

ESEKEL 20:47

Lenchinö wuw pö Nekep, Tera ngölyonto ECHOTYON, lentöy Echotyon TORORÖT onoghan ma ompö nyi nyo pelöy ket anka tïkwïl nyo tïyam nko nyo nyaril. Memukönye tökemis mayoni otini kanagh. Pelöy nyu ma tokoch löwïr kïngeta okumpö tagh ntökwit okumpö löt.

OSEA 13:13

Tomchini nyinte kichir le nyo pö lusyogh ompö korka. Wölo lïku monïng nyo le sölwö melö chömöy kungwïna muyeto kama.

YOEL 2:6

Otini karikwï kïmeghyö pich löwïr akulisö chi anka tïkwïl.

NAUM 2:10

Wechï kinyara Ninawi akïtoyeghö pich! Kalïkwï kïratyan nyo tuw! Kimeghö pich mïkulis akïkwangkwang kïgh kutïngöy akïruronchö.

YOANA 16:21

Otini mach korka kïlusyö kïtïng kichïr, ompöwölo ketïta sayenyi, wölo otini kakïlusyö nyinte, kïwutyeghö kichïrtanyi, ompöwölo ngörökyini nyinte monïng nyo kakeyïchï ngwïny.

1 TESALONIKE 5:3

Ato mi pich kïlentöy, “Mi pöghisyö nko kalya,” miröy nyu chane wïrata le ato itini kichïr korka nyo lusïyi amemuköcha pïchoni tökïchïwïtyöt!