ISAYA 13:5 - PIPÏLIA

⁵ Pkono chane koro wölo lowöch, wölo teno sörömu ngwïny. Ngwïnöy ECHOTYON ompö nörekyenyi kuwuröy ngwïny kïmïkul.

ISAYA 13:5 ပူးပေါင်းရင်းမြစ်များ

2 SAMWEL 1:27

“Kimeghö nyökon cho pö lïk, akunyorisyö karikwa pö poryot!”

ISAYA 10:5

Kilö ECHOTYON, “Kïkany nyo le nyi Asirya! Opöghisyegheninyi le lïkïp nyo pö narekat, nyo ochoponan kong pich cho konörekyan.

ISAYA 13:17

Mwoghöy ECHOTYON lö, “Ongetan pipö Mede tökïpa kïporyeghö Papilon. Melö yitöy chane silpa, amelö ngörekyini chane koltin.

ISAYA 24:1

Ighöy ECHOTYON ngwïny kïtïryolitu akïpïstö kïlïkwï surkwen, akïköpïgh, akutoytoyö pich.

ISAYA 26:20

Ape pikachu atanga korikwo, apa akar kukotwekwo. Awïnga kegh kite, ntökïtenö kuwonyö sïngiryo Tororöt.

ISAYA 30:27

Kïsöchini owesyö ECHOTYON nko ororyenyi wölo low. Poru man nko ighot nörekyenyi. Ngölonu nyinte, kïwöghökisyö ngalechi kïpelsyö.

ISAYA 34:2

Ompöwölo tïng ECHOTYON nörekyö nyo wow ompö pipö punton kïmïkul. Könörekyï nyinte pipö punton löwïr cho pö lïk ompö nörekyö nyo ngwan kerwokyï chane kiwurat lömïs.

ISAYA 48:14

“Aghamïta kegh akwane ater! Nko tororötïnkwa ompö akonga nyo kimï kïngor lö tïkuchï? Ochöman ante ECHOTYON Sayras, nyinte nyo lïtitöy kerötenyan ompö Papilon, ay, nyinte nyo pöröy pipö Papilonia.

ISAYA 5:26

Porchini ECHOTYON pipö punton cho lowöch kïporchini. Kutini chane pirimpi kïpkana söremwok pö ngwïny. Arose, achï keti akïmi kïryowu chane lawel!

ISAYA 66:14

Ongörechokwa ato asïwekwa kïyoni kwigha. Konokwa owesyö nko porwöy cho karamach. Atolapay onkïtukwa nyu lö ani ECHOTYON nyo ongöroköy pich cho tekanïn, wölo oporchinan nörekyenyu punkachu.”

ISAYA 7:18

“Kutöy ECHOTYON pirimpi otini ketï tökuporchï machey pipö Misri kupilu le kolyong cho piluno mori keti lalwa Nile, cho mi pakata, akïkut pipö Asirya kïpkana korengwa le sakam.

YEREMIA 50:25

Kayata konyan nyo kïrorchini kari lïk, angwïswan kari cho ngwonöch, cho opöghisyeghenan tasïwena nörekyenyan. Ompöwölo otïngön ante ECHOTYON Kimuktoghin achey, achey nyo mïchini aghan ompö koro Papilonia.

YEREMIA 50:3

“Ompöwölo, ngwïno korö okumpö löt kïporyegho Papilon akunyar kekarkegh nko surkwen. Ryöghöy akïtoyeghö pich nko tïpö wudïn korononi, kïlenyona puryö chi anta tyompö wuw nyo möngöy korononi.”

YEREMIA 50:9

Ompöwölo owïkunan koros cho owesöch cho mi okumpö löt kïpa kïporyeghö akïrïnta koro Papilon. Pipö sakas chane nyoman, wutïtoy kotï cho möpetönye ngwïny amörotunye kaw manamanï pany.

YEREMIA 51:11

Lentöy ECHOTYON, “Owïkunan pöytoghi Mede pkonöy kïpöröy Papilon otökisïyan ompöwölo kinyar Konyan. Alïta kotikwo! Ateka longoy!

YEREMIA 8:19

Atere piköchan cho lokyot, karir kore kïmïkul kïlentöy, “Mökïminye so ECHOTYON Sayon?* Kiwö onö Pöytoghinto Sayon nya wey?” Yokyini nyu chane ECHOTYON Pöytoghintengwa lö, “Kyanarekan ompöwölo kyasaghakwa tororötin cho le kwïle, akïtïngchï körkeyïntin cho monkïtökwanye?”

ESEKEL 22:31

Kïlenyona komïlchokwa yenyu nörekyenyan owonyenan chane ompö mapa nörekyenyan. Oghchinan chane kïrïp kegh nko ighisyewutkachi.” Mwoghöy Echotyon TORORÖT.

MATAYO 24:31

Yontoy nyinte malaykenichi nko kontï nyo chöghöy tya kïghamïtyï kïlankachi kïngetunö wop anka tïkwïl ompö ngwïny, kïngetunö yïm söröm nko söröm.