ISAYA 13:21 - PIPÏLIA

²¹ Wölo lïku wölo möngöy tïpö wudïn, akïlïkwï wölo teköy pyukïktin panchenikwa. Möngöy korononi cheptusonkoltin, akïlïkwï wölo le kïratis pironchegho oy.

ISAYA 13:21 ပူးပေါင်းရင်းမြစ်များ

ISAYA 14:23

Owöghökan korononi kïlïkwï wölo möngöy chemasinchen akïlïkwï takaray, opuktenan korononi kïlowit ompö kopukyonto kiwurat.” Mwoghöy ECHOTYON Kimuktoghin.

ISAYA 23:13

(Ki pipö Papilonia cho kiyotyï tyonkïn kuwur kanasyanta Tiro, melö pipö Asirya. Kitek teksyewut cho koghöch cho kïripsyegho akurultö nïyetwo Tiro akïpïstö kanasyante kïtïryalit.)

ISAYA 25:2

Ompöwölo kewaghakanyi kanastin kïlïkwï kïratis aingany nïyetwekwa cho kigheto kegh. Keghanyi korïn cho kitek pungköcha kïpa löpoy.

ISAYA 32:14

Ompöwölo kïpökoktoy kö pö pöytoghin akesurö kanasyante kïtuwit. Kiwuröy keston nko nïyet cho kikïripsyegho akegh kïlïkwï möngot pö tyonkïn kokay. Lïku wölo tisonchegho sïkïröyi wuw akïlïkwï acheypa kechir.

YEREMIA 50:39

“Kïlenyona, tïpo wudïn opïn cho kïnyoru kïmöngöy Papilon, tyonkïn cho lata suyï nko cheptusonkol. Puryö chi nyo möngöy su korononi kokay.

MIKA 1:8

Kilö nyu Mika, “Oriran asönön ompö ngalechi, ongwïsan sïro, awö kïchïrut, oriran le chepkonöw cho teghyot, arir le cheptusonkoltin.

SEPANIA 2:14

akïlïku wölo rusot kyakï nko tïpö wudïn, wölo möngöy kukayoyï nko chemasinchen. Tumo pyukïktinö tïrisyeni kïratiskachi, ompöwölo kïpïtöy kori kïngotï keti kö opïn.

NGONGUT 18:2

Kuta ompö kut nyo wow lö, “Kikïrul! Kikïrul Papilon nyay wow! Kasor kïmang orinyi oy nko mïkulis cho le sïmnyon. Kalïkwï wölo wïnchini kegh mïkulis nko törit cho le sïmnyon.