ISAYA 13:20 - PIPÏLIA

²⁰ Melö tökïmi chi nyo möngöy wöloni ngat. Möminye Marapyan nyo tökïpörtochini emenyi wölini kokay, amelö tökïmi mösöwontö nyo tökuyokwïyi kechiryechi korononi ngat.

ISAYA 13:20 ပူးပေါင်းရင်းမြစ်များ

2 OTÖPTINO OSIS 17:11

Kwipchï pipö Pilisti walak Yeosyapat ropöw, akwipchï silpa kïlïkwï surï kwipï pipö Arepya mökol 7,700 nko kwöghe 7,700.

AYUPU 3:7

Nya kïsonön oghononi amakïlïma orinyi turönö.

TUM PÖ TUMWÖY 1:7

Mwowante, we chamanenyu wölo oketïyi kechiryeku nko wölo wuro chane atay keghyö asis. Ompöwölo pö ne atampararan ayaratinyi ompö okwotino kechiryeko pörörisköku?

ISAYA 14:23

Owöghökan korononi kïlïkwï wölo möngöy chemasinchen akïlïkwï takaray, opuktenan korononi kïlowit ompö kopukyonto kiwurat.” Mwoghöy ECHOTYON Kimuktoghin.

ISAYA 21:1

Anyï ngölyon nyo ngölono Papilon. Ituno kiwurata kor nyo pö otyogh, nyo kikongityot nko wïwïchö nyo weru wölo le Surkwen.

ISAYA 25:2

Ompöwölo kewaghakanyi kanastin kïlïkwï kïratis aingany nïyetwekwa cho kigheto kegh. Keghanyi korïn cho kitek pungköcha kïpa löpoy.

ISAYA 34:17

Nyinte ECHOTYON nyo porchini chane koroswekwa atökutö anka tïkwïl ompö chane karerantangwa. Möngöy chane korononi ompö pïnwöy tïkwïl atökïlïkwï nyingwa kokay.

YEREMIA 49:33

Lïku kanasyanta Asor kïratyan nyo möngöy chepkonöw. Möminye chi nyo möngöy orinyi kokay.”

YEREMIA 50:13

Ompö nörekyenyan lïku Papilon kor nyo mömöngönye chi, surkwen nyinöna! Otyot pich cho weröy Papilon, akïmïghyö otini kasïwa moyokachi!

YEREMIA 50:21

Kilö ECHOTYON, “Apusa koro Merataim, ape apara. Opokyinö tïkwïl pipö Pekod, apara pikökwa kuwonyö lömïs. Kamwaghan ante ECHOTYON lö, mïchini ape agha lenyini kamwaghan.

YEREMIA 50:3

“Ompöwölo, ngwïno korö okumpö löt kïporyegho Papilon akunyar kekarkegh nko surkwen. Ryöghöy akïtoyeghö pich nko tïpö wudïn korononi, kïlenyona puryö chi anta tyompö wuw nyo möngöy korononi.”

YEREMIA 50:39

“Kïlenyona, tïpo wudïn opïn cho kïnyoru kïmöngöy Papilon, tyonkïn cho lata suyï nko cheptusonkol. Puryö chi nyo möngöy su korononi kokay.

YEREMIA 50:45

Kïlenyona atera ngölyonto sitöt nyo katatan lö nyoru pipö Papilon nko wölo odenan pipö Papilonia. Nyo pö nyoman kichïto kat monekwa akep kïpo do. Otyot akïmïghyö nyoman pich löwïr.

YEREMIA 51:25

Ilatenyi kutïng nyo awes nyo le kinyorin, we Papilon. Kinyaranyi ngwïny kïmïkul. Wölo ichinyi punyontenyan nyoman. Kamwaghan ante ECHOTYON lenyoni. Osyolchininyi ewunyan, atyorunyi rökunenö koghichona mi parak, aghinyi kara kegh nko kutïng nyo kinagh lömïs,

YEREMIA 51:29

Wechï kipotan akupelpel terït koro Papilon ompö ngwonïn! Ompöwölo kamwaghan akonga ante ECHOTYON lö lïku koro Papilon surkwen nyo puryö chi nyo möngöy orinyi.

YEREMIA 51:37

Orulan Papilon kutïkumisyö koghïn. Lïku möngot pö chepkonöw wölo kïsösöy akewöghöy kewer akï wölo puryö chi nyo möngöy ori.

YEREMIA 51:43

Kalïkwï Papilon kor nyo otyot pich ato sïwa surkwen nyo kiyam puryö pögh akï puryö chi nyo möngöy, kor nyo mewerönye chi kokay.