ISAYA 13:19 - PIPÏLIA

¹⁹ Pïchigh Papilon kïsir paytagh anka tïkwïl, kwolo kegh pipö Papilonia. Wölo ani ECHOTYON Kimuktoghin nyo oköpïghöy Papilon kïle wölo kyadan Sodoma nko Komora!

ISAYA 13:19 ပူးပေါင်းရင်းမြစ်များ

TOWUNÖT 19:24

Kutor ECHOTYON kïropönchï ngeset kanastina Sodoma nko Komora.

TOWUNÖT 19:25

Kunyar kestonichay nko mpöghoghye kïmïkul nko pich löwïr cho kimöngöy kestonichoni nko tïkwïn lapay cho kipito korononi.

ISAYA 13:1

Anyï ngölyon nyo ngölono Papilon nyo kimwochï Tororöt Isaya wero Amos.

ISAYA 21:9

Achï ketï yeteyi! Pkono chane angoletin cho peghotegho odeny odeny. Atolapay kïlö ripintonay, “Kakirultö Papilon! Kakïdïngodïng lömïs körkeyïntineko tororötinechi cho kösoghöy.”

ISAYA 47:5

Lentöy ECHOTYON, “Nyi we Papilonia, sisa lasay alït wölo tuw, mökïminye chi nyo tökïkuroninyi ngat lö pöytoghinto pipö koros.

ISAYA 48:14

“Aghamïta kegh akwane ater! Nko tororötïnkwa ompö akonga nyo kimï kïngor lö tïkuchï? Ochöman ante ECHOTYON Sayras, nyinte nyo lïtitöy kerötenyan ompö Papilon, ay, nyinte nyo pöröy pipö Papilonia.

YEREMIA 25:12

Kïkany kuwonyö könyiswechoni le 70 ongwïnan omungöy pöytoghinto Papilon nko koro Papilonia akwompö ngokikwa, aghan kore kïlïkwï kïratyan kokay.

YEREMIA 49:18

Onyorinyi le wölo kyanyartan Sodoma nko Komora nko kanastin walaka cho kilekïtinö. Puryö chi nyo ngötu kïmang Edom. Kamwaghan ante ECHOTYON lenyoni.

YEREMIA 50:40

Kïle wölo kyanyaran Sodoma nko Komora nko kanastin cho kilekïtinö, owetan ante ECHOTYON onyoröy Papilon ntömökïmi chi nyo ngötu kïmöngöy orinyi. Mwoghöy ECHOTYON.

YEREMIA 51:26

ntömakïnyorchininye chi oringu kogh nyo kïteksyegho. Mörumunonye oringu kogh pö luch! Ikorenyi kegh nko kor nyo le surkwen kokay! Kamwaghan ante ECHOTYON lenyoni.

YEREMIA 51:29

Wechï kipotan akupelpel terït koro Papilon ompö ngwonïn! Ompöwölo kamwaghan akonga ante ECHOTYON lö lïku koro Papilon surkwen nyo puryö chi nyo möngöy orinyi.

YEREMIA 51:41

“Kakïrïnta Papilon lö ne nya wey! Papilon nyo kikwolöy ngwïnya kïmïkul! Kalïkwï nyo otyegho pipö koros ato sïwa!

YEREMIA 51:62

akwato iwany, isagh ECHOTYON lö, ‘Kiwaghanyi, we ECHOTYON lö inyorenyi koronete ntömökïminye kïgh anta ptangengmöt nyo möngöy orinyi. Lïku kore surkwen kokay!’

DANIEL 4:30

“Arose wölo teno Papilon köny! Nyo kyatekan ompö kimukatenyan nko owesyenyan, kïlïkwï kanasyanta pöytoghin ompö ororyo paytaghtanyan.”

AMOS 4:11

Kyawanyakwa walaka le wölo kiwangta Tororöt Sodoma nko Komora. Kyalatekwa machey nyo kakïchengunö ma, wölo moyokukwanye kegh wölo omitan. Mwoghöy ECHOTYON.

SEPANIA 2:9

Kïlenyona, le ato ochan satate ECHOTYON Kimuktoghin, Tororöt pö Israel, owolwolan lö, ‘Oghan Moap nko Amon le Sodoma nko Komora. Lïku koro kato nko ngormöm akunyara kokay.’ Pkonöy nyu piköchan cho köngötï kïchengo tïku akïmïl korengwa.”

RUMI 9:29

Lenye nyoni ngat ngölyon nyo kingor Isaya lö, “Ntökile nyo kimetukwechanye Echotyon Kimuktoghin monïng, kötökikewonyecha le pipö Sodoma nko pipö Komora.”

KINONO KIRURUT 29:23

Lïku parenikwa ghatoy cho nöghyot le ngeset cho kilum paryan. Puryö kïgh nyo kïkötkötyini akïghya, melö pito ompö cho le ratok. Lïku korenkwa le kanastina Sodoma nko Komora nko Adma nko Sepoim, cho kinyar ECHOTYON kuwonyö ompö nörekyenyi nyo wow tya.

NGONGUT 18:11

Rirchini akïlokyï mïnchïrïs pö ngwïny tïkwïl nyinte, ompöwölo mököminye chi ngat nyo tökwolöy tïkukwa,

NGONGUT 18:19

Kïlösyï mötöwekwa terït akïlokyö akuteghyö kïlentöy, “Heywey! Nyarïl nyo tya nya wey ompö kanasyantanï wow! Kanasyan nyete nyo kinyorchï mökosyengwa pich cho pochï melin ompö mökosyenyi! Anyï ye lawel kapegha tïku lö weng!”