ISAYA 13:14 - PIPÏLIA

¹⁴ “Pertoy pich atoni cho le pïnot cho möngöy Papilon kutöngöy wölini kipkana. Toytoyot chane le cheptirkich nyo kïyonöy ato kïsökosöy, akïlata kechir cho puryö mösöwon.

ISAYA 13:14 ပူးပေါင်းရင်းမြစ်များ

1 PÖYTOGHÏ 22:17

Kuyokyï Mikaya lö, “Kasïwan pipö Israel cho pö lïk kitoytoyö ompö kutïngkot le kechir cho puryö mösöwon. Atolapay kïlö ECHOTYON, ‘Mötïngcha pïchï kintöghoghin, nya kïmïlonchö chane kestonikwa ompö kalya.’ ”

1 PÖYTOGHÏ 22:36

Otini kiröytö asis kemwochï pipö Israel cho pö lïk lö, “Wïyö chi tïkwïl katangu!”

ISAYA 17:13

Ryoghöy pipö punton le mirtino pögh cho chang, wölo teghchini Tororöt chane atökïmïlonchö löt, akïyon le terïtyon nyo kïkutöy kïröytö kutïng, kïkarkegh nko mopö cho kutöy pïchpïchö,

ISAYA 21:15

Kepertoy pich kïchïwïtyeghö chokon cho mi kïpsach kuwany chane, akupertoy ompö kotï cho karich kïwut chane nko tapanpa poryot.

ISAYA 47:15

Nka nyoni kïgh nyu wölo lïku kiruriku, choni kirurinyi kïtenö ichinyi mïnïng. Pïstoninyi chane akïpechï kegh pantangwa amelö ngötu ompö akonga nyo sörunyi.”

YEREMIA 25:12

Kïkany kuwonyö könyiswechoni le 70 ongwïnan omungöy pöytoghinto Papilon nko koro Papilonia akwompö ngokikwa, aghan kore kïlïkwï kïratyan kokay.

YEREMIA 50:16

Mochömchï pich kïleta kösïgh ompö Papilon, amopïsï pich kwipï rotwöyi kasa ato rïr pagh. Kiwagh to pung chay kipka kupokï Papilon, kiwagh ntökïtenö kuyoda kegh kïpa kughegh korengwa, kiryögh kïsor pikökwa.

YEREMIA 51:9

Kilö pipö koros walaka cho kimöngöy Papilon, ‘Kikïlecha kesopö Papilon wölo kesïwecha lö memukonye. Mïchinecha ye nyu kepïstenö nyinte akïmïla chi anka tïkwïl korenyi. Ompöwölo kikurwokyï Tororöt nyinte akikutö sitöt nyo ngwan nyoman Nyo möngötunye koronete kokay!’ ”

NAUM 3:18

Nyi we pöytoghinto Asirya, kikïmeghö yetïntineku, kikïnam rïwöntö nyo pö kokay piköku cho echön! Kitoyechï piköku kutïngkot, puryö chi nyo ghömïtu chane kïpka kaw ngat.

MATAYO 9:36

Kikany kisïwa nyinte söpïchis, kusyonchï nyinte chane nyoman, ompöwölo kyoghochö akïtoytoyö le kechir cho kipuryö mösöwon.

MARKO 6:34

Otini kingetunö Yeso melinay kïsïwa tuyot nyo wow, kusyon nyinte, ompöwölo kikarkegh tuyononi nko kechir puryö mösöwon. Kutor kunet chane ngal cho chang.

1 PETRO 2:25

Kyalatekwa kechir cho kikupotyö, wölo kyoyokukwa kegh ye, atarïpa Mösöwon akï Ripinto mïkulöwekwa.