ISAYA 13:13 - PIPÏLIA

¹³ Kïlenyona nyu, oghan yïmwöy kïpotonchö, aghan ngwïny kïpotan atökïngeta otini kömi ompö asisoni ongwïnan ECHOTYON Kimuktoghin nko nörekyenyu.

ISAYA 13:13 ပူးပေါင်းရင်းမြစ်များ

AYUPU 9:6

Timtimöy nyinte ngwïny kunaka otini kömi ighöy pchörinechi kïpotonchö.

TUMWÖY 18:7

Kïpotan ngwïnya akuyotyot, kipotonchö pchörino kutïngkot akurïngring, ompöwölo kinyala Tororöt.

TUMWÖY 88:16

Kelumanïn nyölotyengu nyo ngwan, kewanganïn pörchengu nyo pö otyogh.

ISAYA 2:19

Pertoy pich nyu kïpetöy kïghïpcheghö köpönot anta pïrïmpot cho mi ngwïny kumukyï kïchïwïtyeghö sïnyoryo ECHOTYON nko owesyenyi nko ororyenyi nyo itu otini ngwïnöy nyinte kutimtimöy ngwïny.

ISAYA 21:1

Anyï ngölyon nyo ngölono Papilon. Ituno kiwurata kor nyo pö otyogh, nyo kikongityot nko wïwïchö nyo weru wölo le Surkwen.

ISAYA 23:11

Keghïtö ECHOTYON ewunyi kwoghyö nanam akuryew pöyunötin. Kamwa nyinte ompö koro Poinike lö kiwuröy wölo tigho kegh chane.

ISAYA 24:1

Ighöy ECHOTYON ngwïny kïtïryolitu akïpïstö kïlïkwï surkwen, akïköpïgh, akutoytoyö pich.

ISAYA 24:18

Atolentöy chi omukyini ochïwïtöy anka ochïwïto pïrïm, kenömo ngöghöp. Ompöwölo yotisyot konyi pögh ompö yïm, kïpotonchö nyu pchörino ngwïny.

ISAYA 24:19

Köreroy ngwïnya lö tya, körero akïpasyangana akutimtimö ompö owesyö.

ISAYA 34:4

Kiwuröy asis nko arawa nko kokel kïlïku terïtyon. Pertoy yïmö le kartasïyan nyo kakïmaman, törengu kokel le sökö cho chïnuno ket pö sapipïyon anta nyo pö moköngwö.

ISAYA 47:1

Lentöy ECHOTYON, “Rökunenö we Papilon, ngacharungu nyo pö paytagh, rökunö aingwïn itöpö terïtyon. Kilatenyi tagh chepkïltït, kanasyan nyo awes, melö tökïkurinyi pich ngat lö nyo tapïlïl akï nyo ngarngar! Kelïkunyi ye nyu sekeyon!

ISAYA 51:6

Otopöne köny wölnö le yïm, aros ngwïny, weröy yïmö le kapuret, kuwer ngwïnya le sïra nyo kawïr, akuwonyot pikachi lömïs le kolyong. Wölo töpo sörunötö nyo opunan kokay, amöngötönye ghetunötö nyo opunan.

ISAYA 9:19

Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

YEREMIA 51:1

Lentöy ECHOTYON, “Arosa! Owïkunan yomöt nyo le kinyorin, ngwïnöy kunyoröy Papilon nko pikachi

LOK 1:12

Akïrirchï chi anka tïkwïl nyo kiwetöy arenyi kïlentöy, “Ayo, moyongekwanye so kïgh? Arosïtene köny! Ngo nyo kikïnyorï nyarïl nyo lata nyï konyorunan ECHOTYON ompö asispa nörekyenyi nyo ngwan?

YOEL 3:16

Akïtïlö ECHOTYON Sayon* akïngalan nyoman kelïma Yerusalem kutimtimö yïmö nko ngwïny.

MATAYO 24:29

“Otini kewonyö kinyarilata osiswechoni, meghöy asis amelïwunye arawa ngat nyonikïny, chïnuno kokel yïm aketimtimöy owesyotïno yïm.

MATAYO 24:35

Weröy yïmö nko ngwïny, wölo meweröcha nyonikïny ngalechan.

2 PETRO 3:10

Wölo miru asispa Echotyon le chorin. Weröy yïmöy Asisoni nko kighumöt nyo wow, kiwuro ma tïpö yïm, kïpelöy ngwïny nko tïkwïn löwïr cho mi orinyi.

NGONGUT 20:11

Atolapay asïwan Tororöt ngacharu kïtöpo paytagh ngachar nyo wow akï rel kïpa lö weng ompö tawunyi ngwïnya nko yïm amelö kitökesïwa chane ngat.