ISAYA 12:5 - PIPÏLIA

⁵ Otumchinö ECHOTYON, ompö tïkwïn cho echön cho kegh nyinte. Akanya kïlïm ngwïnya kïmïkul ngalechoni.

ISAYA 12:5 ပူးပေါင်းရင်းမြစ်များ

TUMWÖY 105:2

Otumchinö ECHOTYON ompö salat, amwatïtena ngala töngönchin cho kigh nyinte.

TUMWÖY 72:19

Asala kokay kaynatenyi nyo töror. Nya kunkïtï ngwïnya kïmïkul ororyenyi. Amen! Amen!*

TUMWÖY 98:1

Otumchinö ECHOTYON tum nyo tökïrel, ompöwölo kegh nyinte ngala töngönchin! Karïnta nyinte ompö ewunyi tagh akïlotisyö ompö owesyenyi nyo wow.

WUWÖT 15:1

Kïtumchï Musa nko pipö Israel ECHOTYON lö, “Otumchinan ECHOTYON, ompö ororyo rïntaghtanyi, nyo köwirchï nanam angoletin nko ipikwa.

WUWÖT 15:21

Kïlenchï Miriam chane, “Otumchinö ECHOTYON, ompöwölo karïnta ompö ororyenyi, köwirchï nanam angoletine nko ipi.”

ISAYA 24:14

Tumöy pïchoni köngotï ompö ngörekyö. Mwotïtoy cho mi okumpö ta wölo wow ECHOTYON kïlïkwï, teghyegho chane wölini le nanam,

ISAYA 40:9

Ngeta we Yerusalem, aipus kutïng nyo kogh atemwatïtena lökoy cho karamach! Kurö ompö kut nyo pö kiteghat, we Sayon,* aimwatïta lökoyechï karamach! Ngalana nyi pat amewöghisyö. Mwochinö kanastina Yuda lö ngwïnöy Tororötïngwa!

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

ISAYA 42:11

Nya kïsal Tororöt wölo le kew nko kanastinechi, akanya kïsal nyinte pipö Kedar. Akanya kïsal nyinte pich cho möngöy kanasyanta Sela, nya kuteghyö ompö ngörekyö ompö kutïngkot parak!

ISAYA 44:23

Otumö yïmwöy ompö ngörekyö! Otumö tïkwïl wölnö le ngwen! Otumö kutïngkotï nko ket löwïr cho mi wuw! Ompöwölo kösörï ECHOTYON Yakopo akïnyorchini nyinte ororyö koro Israel.

APAKUK 2:14

akï kwïle wölo lumöy pögh cho möngörï nanam kïlenyoni tïkwïl wölo sïchtoy pipö ngwïny kinkïtöto ororyo ECHOTYON.

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

NGONGUT 15:3

Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!