3 Orömonekwa pögho ngörekyö, kori pöghoni sörunöto ECHOTYON.
Ichinyi towunöto söpon, kïsïwïyecha löpoyïn ompö löpoyïntöngu.
Mwoghöy tumï nko nyolï lö, “Mi ighinköcha oringu.” Tum pö werpö Kora. Ompö kintöghoghinto tumï. Kïrïp kegh nko “Maalot Leanat.” Tum pö Emon, chi pö Esra.
Le wölo lata ket pö mïrkïtwö ompö wuw, kïlenye nyoni chamanenyan ompö chumwak. Oturönan nyoman otini otöponan ngwïnyito rurwenyi akwonyïne akwechi ompö ani ochömchöman.
Oghan champilwoy cho yintegho pögh cho pkono kutïngkot cho möpitonye kïgh akïwïcha pögh wölo le mpöghoghöy cho tïyome. Owöghökan kor wölo yamate kïlïkwï takaray akïrumunö kori pöghon kor wölo tïyame.
Momöcha kömöy anta maral. Melö pelöy asis amedonye kïgh yomo surkwen, ompöwölo ntöghoghchini nyinte nyo syonchini chane. Ntöghoghchini chane ntökwit kori pöghon.
Ompöwölo kegh piköchan ngokï kïnyïl odeny, köpïstanïn nyo ochï kompö pögho söpon atolapay kwighchï kegh kösïmöyikwa, kösïmöy cho kikïkörerisyö möroröy pögh.
Wölini kewerata pögh kïsöp kïgh anka tïkwïl nyo möngöy ori akïchangit kaghagh nyoman. Petöy pöghechï kugheghöy wölini tökïkaramachitu pögho nanampa Paryan. Kïlenyona möngöy kïgh anka tïkwïl wölini kewer lalwa.
Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.
Ompö sïkönöteto pöropchenyi, kikekonecha perur nyo mewonyotnye.
Atolapay kuporwanïn malaykayantanay lalwa pögho söpon, nyo kilïwï le kiyo, nyo kirotuno ngacharu paytaghpa Tororöt nko Wawa Kech.
Kölenchï Mïkulögh nko Mïrara kensyö Yeso, “Nyonö!” Akï anka tïkwïl nyo kalïm ngölyontonete, kïmwa tïkwïl lö, “Nyonö!” Anka tïkwïl nyo amate maral akömököy, kumuköy tach kungwïn akï pögho söpon, cho pö kwïle.
Ompöwölo lïku Wawa Kech nyo mi kwenu ngacharu paytagh mösöwontengwa akuntöghoghchini chane ntökwit wölo kosuno pögho söpon. Miso Tororöt lok konyikwa löwïr.”
Kïsagh Ana akïlö, “Ngörökyini mïkulöwunyan ECHOTYON, keghanïn ECHOTYON alïkwan chi. Ororöchinan pungköchan, ompöwölo ongörökyinan sörunötenyi.
