ISAYA 12:2 - PIPÏLIA

² “Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

ISAYA 12:2 ပူးပေါင်းရင်းမြစ်များ

2 SAMWEL 7:24

Keghanyi Israel kïlïkwï piköku kokay ailïkunyi ECHOTYON Tororötïngwa.

AYUPU 13:16

Lïku nyoni sörunötenyan ompöwölo möwetönye mwokïyon ntökwit tawunyi.

TUMWÖY 112:8

Melö potpotönöy amewöghisïyinye, tökïtenö kïsïwa lö karïnta pungkachi.

TUMWÖY 118:14

ECHOTYON nyo konanïn owesyö nko rïntagh, kakïlïkwï nyinte ghetintenyan.

TUMWÖY 118:21

Oyokunyi sörö, we ECHOTYON, ompöwölo keterwaninyi saghatenyu, akelïkunyi sörunintenyan.

TUMWÖY 27:1

ECHOTYON kï Löpoyïntönyan akï sörunötenyan, ngo anka nyo owöghan? ECHOTYON kï ripintenyan. Ngo nyo otyeghonanïn?

TUMWÖY 65:6

Kighanyi kutïngkot ompö owesyengu aiporï kimukatengu ompö choni.

TUMWÖY 68:20

Tororötïncha kï Tororöt nyo pö sörunötö, nyinte kï ECHOTYON, Echotyotencha nyo söru pich ompö meghat.

TUMWÖY 68:21

Nyoman, lïwöy Tororöt mötöwo pungkachi, chane cho melö pïstoy otöptinekwa cho ghach.

TUMWÖY 83:18

Nya kunkïtï chane lö ichinyi ECHOTYON onkït aichï Tororöt nyo Töror Tya, nyo ipöytoy ngwïny kïmïkul. Ompö kintöghoghinto tumï, kïrïp kegh nko kuti Kat. Tum pö werpö Kora.

WUWÖT 15:2

Okwolan ECHOTYON nyo le owesyenyan akï sörunötenyan. Nyinte kï Tororötïnyan nyo okwolan, Tororöt pö paponyan, otöroran nyinte tya.

ISAYA 10:24

Mwochini Echotyon, ECHOTYON Kimuktoghin pikachi cho möngöy Sayon lö, “Mawagh pipö Asirya, kïrkegh kechopekwa kong chane le wölo kidakwa pipö Misri.

ISAYA 17:10

Kowutyeghekwa, pipö Israel, Tororöt nyo sörwokwa akïkartakwa le ghat nyo wow, apekwa akatkat ket atasagha tororötin cho sis.

ISAYA 27:5

Wölo ato mököy pungko piköchan oghetan, akany kwam chane mis nko ani. Owöy, akanya kwam chane mis nko ani.”

ISAYA 32:2

Kikongityot atoni chi nko wölo kïghïpchegho ompö yomat nko wölo kikolo ompö chepkiriri. Kikongityot chane nko lalwatïn cho yintoy kuweröy kor wölo tïyame, akïkarkegh nko rurwo kogh nyo wow ompö kor nyo ngwan maral.

ISAYA 33:22

Ompöwölo ECHOTYON nyo tïlwecha ngalecho akï nyinte nyo pöytonecha. Nyinte nyo le pöytoghintencha. Sörwecha nyinte.

ISAYA 38:20

Kesopaninyi we ECHOTYON. Kïtumecha nyu tumwöy cho sölinyi cho kïtumo pïkantis. Kïsölecha nyi ompö Kongu nyo pö saghat ompö osiswecha löwïr cho tökesöpchonecha.

ISAYA 45:17

Wölo söru ECHOTYON pipö Israel ompö sörunöt nyo pö kokay. Mololïyönekwanye anta omïghyö kokay.’ ”

ISAYA 49:5

Kikïlanïn ECHOTYON kïtomö keyiyanïn, akwighanïn alïkwan mötworintenyi nyo yoku pikachi, ataghamïtan pikachi Israel cho kitoyö kïmïlonchö. ECHOTYON nyo konanïn konyït, nyinte nyo le owesyenyan.

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

ISAYA 51:12

Mwoghöy ECHOTYON lö, “Ani nyo osoghsoghinyi. Kwompö ne tewöghenyi chi nyo meghöy, nyo möngötunye nyo kogh kïsir suswon?

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 62:11

Lechini ECHOTYON pipö ngwïny kïmïkul, omwochinö pipö Sayon lö, “Ngwïnöy ECHOTYON kïsörwokwa, akungwïnöy nko pich cho kikïsörï nyinte.”

ISAYA 65:18

Ongörekyenö, aturonchö kokay ompö kïgh nyo oghan. Ngörekyot pich tya ompö Yerusalem nyo rel nyo oghan akïturonchot pikachi.

ISAYA 7:14

Kïlenyona nyu konokwa Echotyon nyinte kiporunöt. Arosa lö sïkisïyi mïrar akïyï worö nyo kuro kaynenyi Imanuel.

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

YEREMIA 3:23

Kitö kipotyecha nyoman, atanya kikïpusacha kutïngkot kesagh ompö ortïn cho meroko. Ompö man, ngwïno sörunöto Israel ECHOTYON Tororötïncha.

DANIEL 3:28

Kïlö Nepukadnesa, “Nya kïsala Tororöt pö Syadrak nko Mesyak nko Apedneko nyo kiyokwï malaykayantenyi kungwïn kïsörï mötworichi cho kighönöy nyinte. Kitagh ngalechan akusalta kegh, kïtïl kïpöghisyechï akïsagh tororötin walaka kïpoto Tororötïngwa.

OSEA 1:7

Wölo osyonchinan pipö Yuda. Ani, ECHOTYON Tororötïngwa, nyo osöru chane, wölo melö ompö kari lïk cho lata chokon anta kotï anta ompö angoletin nko kotikwa.”

YOEL 2:23

“Ay, oturönökwa werpö Sayon, oserönö ompö ECHOTYON Tororötïngwo, nyo kakonokwa pögho kitokot ompö chamatenyi, kakonokwa ilat nyo wow, ila sarngatat nko nyo pö pengat, le wölo kilenye tagh.

YONA 2:9

Wölo okoninyi amöros ompö sölut, aghokunyi kïgh nyo kawalwalan. Ngwïno sörunötö wölo mi ECHOTYON.”

RUMI 1:16

Mololïyönchinanye Lökoy cho Karamach, ompöwölo nyoni kï owesyo Tororöt nyo söru pich löwïr cho ghönöy, pipö Yaudi nyo tagh nko pipö punton tïkwïl.

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

NGONGUT 7:10

Kuteghyö lö, “Ngwïno sörunötencha wölo mi Tororötïncha, nyo töpo ngacharu paytagh akungwïno wölo mi Wawa Kech!”

1 SAMWEL 2:1

Kïsagh Ana akïlö, “Ngörökyini mïkulöwunyan ECHOTYON, keghanïn ECHOTYON alïkwan chi. Ororöchinan pungköchan, ompöwölo ongörökyinan sörunötenyi.