ISAYA 12:1 - PIPÏLIA

¹ Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!

ISAYA 12:1 ပူးပေါင်းရင်းမြစ်များ

NEEMIA 8:10

Arota keston apa am ichon aghegh dipay* cho onyïn atö mey. Kïlenyona molokyot tïlil asisï ompö echotyontenyo, ompöwölo owesyenkwa ngörekyo ECHOTYON.”

AYUPU 11:16

Iwutyeghonenyi nyu nyörïlwoköku inonenyi le puseryon nyo kikuwer.

AYUPU 13:16

Lïku nyoni sörunötenyan ompöwölo möwetönye mwokïyon ntökwit tawunyi.

TUMWÖY 30:5

Töpo nörekyenyi nyo tangogh, wölo pö kokay köromnyenyi. Muköy lok kïtörengu ato le oghö, wölo itu kuti ngörekyö ato le tökwoghö.

TUMWÖY 71:21

Itöswaninyi konyït aisoghsoghaninyi ngat.

TUMWÖY 85:4

Yokwecha, we Tororöt pö sörunötencha, ainategha nörekyengu ompö acha!

TUMWÖY 86:17

Porwante köromnyengu, we ECHOTYON, atö kïsïwa arasï cho reyanïn kïnyorï chane arasï, ato sïwa lö kengarakaninyi aisaghsaghanïn. Tum pö werpö Kora.

TUMWÖY 9:1

Oyokunyi sörö tya, we ECHOTYON, ompö mïkulöwunyan kïmïkul. Omwochinan pich töngönchin cho kighanyi.

ISAYA 10:25

Ompöwölo tomönye kite kuwonyö kichopatenyan ompö akwa, atökutang nyu kiwuratenyan wölo mi chane.

ISAYA 10:4

Kïpörokwa otini osetekwa anta kïrangakwa alïkuna mampustin. Akï kïrkegh keghisyö lenyoni, kïmelö wonyot nörekyo ECHOTYON, wölo tökïghïteghote ewunyi nyo nyete le ye.

ISAYA 11:16

Akïrumunö or nyo wow nyo pkono pipö Israel cho le ngötunön koro Asirya kïkarkegh nko wölo kilïkwï asis nyo kingetunö pikökwa koro Misri.

ISAYA 14:3

Otini ketö ECHOTYON pipö Israel kimïny ompö kichopata kong nko nyarïltangwa nko sekeynönenkwa,

ISAYA 2:11

Itu asis ato wonyot menöto ptangengmöt, akewur kwolötenyi, ECHOTYON nyu onkït nyo kïsölöy asisoni.

ISAYA 25:1

Ichinyi Tororötïnyan, we ECHOTYON, okonyïtinyi asal kaynatengu. Ompöwölo keghanyi tïkwïn cho pö töngönchin, kepuntenyi ompö man möchutköku cho kitatanyi könyisyok.

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

ISAYA 26:1

Itu asis akonga ato tumo pich tum koro Yuda lö, Awes kanasyantencha! Tororöt nyinte nyo körtoy nïyetwechi!

ISAYA 35:10

Mïlisyot pich kösörï ECHOTYON Sayon,* pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, ompöwölo kangeta chane nyarïl nko ngwonïn kokay.

ISAYA 49:13

Otumö yïmwöy! Aitegh ngwïnya ompö ngörekyö! Akanya kuteghyö kutïngkotï ntökïkörerisyö otini tumöy! Soghsoghöy ECHOTYON pikachi, syonchini chane ompö kiwongunötengwa.

ISAYA 51:3

“Osyonchinan kanasyanta Sayon* nko pich löwïr cho möngöy kïratiskachi. Oghan kore nyo tïryal kïpïchighitu le para Eden, lïku kore wölo le surkwen para ECHOTYON. Kïnyoruno orinyi ngörekyö nko turönöt aketumo wöloni tumwöy cho sölanïn.

ISAYA 54:7

Kyopïstinyi nyo tangogh pat, wölo oyokunyi kaw ompö chomnyogh nyo wow.

ISAYA 54:8

Kyawïngeninyi tokochunyu nyo le kite, wölo oporunyi chomnyenyu kokay. Mwoghöy ECHOTYON Ghetintengu.

ISAYA 54:9

“Karkegh osiswechete nko osiswo Noa, ato kyaman muma lö, melö tökewuro ngwïny pögh ngat. Kaman yenyu muma lö, melö tonörekyininyi ngat, amelö toteghchinyi.

ISAYA 60:10

Mwochini ECHOTYON Yerusalem lö, “Teköy pich cho menkïtönyinye ngat nïyetweku, akïpöghisyewunyi pöytoghikwa. Kïrkegh kyachopinyi kong ompö nörekyenyan, wölo oporunyi ye nyu chomnyenyan nko kisyonötenyan.

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 64:5

Itokenyi pich cho ngöreksot otini ighöy tïkwïn cho pö man, chane cho nonöy wölo imöktonyi chane kïtïpisot. Kinarekanyi ompö acha, wölo kikiletacha tagh kegh ngokï, kïrkegh kinarekanyi lö ne, wölo kikïtasacha tagh kegh tïkwïn cho ghach. Kïngeta otini le awïyay.

ISAYA 65:18

Ongörekyenö, aturonchö kokay ompö kïgh nyo oghan. Ngörekyot pich tya ompö Yerusalem nyo rel nyo oghan akïturonchot pikachi.

ISAYA 66:13

Osoghsoghokwa, ompö Yerusalem le ato soghsoghöy korka montanyi.

YEREMIA 30:19

Kïlïmöy pich cho möngöy orito kanasyantanoni cho tumöy tumwöyi kiyokyinogh pö sörö Akelïmöy tïkwïl kutïwa pich cho mi kïturonsot. Operuran chane kïtösisyö amelö ngörïngitu oghan chane kekonyït puryö chi nyo sösöy chane.

YEREMIA 31:13

Pkonöy monekwa cho le tipïn akïnyal ompö ngörekyö akwigh mïrön nko poy kïturonchö. Osoghsoghan chane, awaghach sönönötengwa kïlïkwï ngörekyö, owöghökan nyörilwokökwa kïlïkwï turönö.

OSEA 11:8

Opïröneninyi lö ne nya Epraim, apïsteninyi lö ne nya Israel? Omukan lö ne taghinyi le wölo kyadan Adma, anta aghinyi lö ne le Sepoim? Möchömönye mïkulöwunyan kokay ngalechoni akïmi kïyetu kisyonötenyan ompö nyi.

OSEA 6:1

Lentöy nyu pich, kepa kemïlisyechinö ECHOTYON nyinte nyo kuparecha, tökusopech kikukotönecha nyinte, wölo rötwecha moghoyoköcho.

SAKARIA 1:16

Kïlenyona, osyonchinan ngat kanasyanta Yerusalem aketek Konyan ngat nko kanasyante tïkwïl.

SAKARIA 14:20

Kikirchini osiswechoni pemwoy cho kïrotini angoletin lö, “Kiketïlilchï ECHOTYON.” Tïlilöchitu karïn ompö Kö pö Tororöt* lata otupöy cho mi ato kïpelo amöros.

SAKARIA 14:9

Lïku nyu ECHOTYON, pöytoghinto ngwïny kïmïkul akïlïku nyinte Tororöt onkït akesoghöy nyinte onkït.

SAKARIA 8:11

Wölo omwoghan ante ECHOTYON Kimuktoghin lö melö toghchinan ngat pipö koronï cho kingötï le wölo kyoghchan tagh.

SAKARIA 8:19

“Lentöy ECHOTYON Kimuktoghin, lïku kïrurata nyo pö arawa angwan nko nyo pö arawa taman osiswo ngörekyö nko turönöt akï osiswo ichontin ompö pipö Yuda. Kïlenyona achamena kegh man nko kalya.”

RUMI 11:15

Ompöwölo ato otini kitagh Tororöt chane, kumuka nyu kïnyorï ptangengmöt linyogh nko Tororöt, ekïlïku ne nyu ato kïcham chane? Sïköy söpon cho kimeghö!