ISAYA 11:9 - PIPÏLIA

⁹ Möminye kïgh nyo omöy kïgh ompö kutïngtönyan nyo tïlil, ompöwölo ghömu ngwïny kïmïkul ngöghomnyo ECHOTYON, le pögh cho ghömu nanam.

ISAYA 11:9 ပူးပေါင်းရင်းမြစ်များ

AYUPU 5:23

Kilowitöy koghïn ompö paren cho ingorenyi aimöngenyi ompö kalya nko tïpö wudïn.

TUMWÖY 72:19

Asala kokay kaynatenyi nyo töror. Nya kunkïtï ngwïnya kïmïkul ororyenyi. Amen! Amen!*

TUMWÖY 78:54

Akuwï chane kïpa ntökwit korenyi nyo tïlil, ntökwit kutïng nyo kirïnta nyinte ompö owesyenyi.

ISAYA 11:13

Amelö tökwomchini paytaghpa Israel Yuda nyonyintön ngat, amelö tökïlïku Yuda pung pö Israel.

ISAYA 11:8

Medonye kïgh moroya mnyarkil, kïrkegh köpirönö atolekïtö kö pö mïny.

ISAYA 2:4

Linyot koros cho ororöch, akïsat pich cho chang. Tongöy chokonikwa kïlïkwï mökompöy, akutang ngötwekwa kïlïkwï rotwoy cho kïköso pagh. Amelö tökïpöröy kegh ngat koroswö, amelö tökïsetöy ngat kokay.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 32:16

Kïpöghisyeghö man onkït ompö korononi kïmïkul.

ISAYA 33:6

akutö pich chïchïmat. Ghetöy pikachi osis löwïr akutö chane ngöghomnyö nko chïreryö. Kuwagh chane ECHOTYON kï kaplawachtangwa nyo wow.

ISAYA 35:9

Mömicha ngötunywö cho kïsöchini wöloni, amewerönye aranoni tyonkïn cho köromöch. Wölo weröy pich cho kakïsörï ECHOTYON kïpoto.

ISAYA 45:6

Nkïtu nyu chi tïkwïl kïngeta kongasis ntökwit ta, lö ochan ECHOTYON amöminye anka kokay.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 54:5

Karkegh Ighintengu nko santengu, kïkuro nyinte ECHOTYON Kimuktoghin. Sörunyi Tororöt pö Israel nyo Tïlil pöytoghinto ngwïny kïmïkul nyinte.

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

ISAYA 59:19

Lïmöy chi anka tïkwïl ngaleko owesyenyi kïngetunö kongasis ntökwit wölnö le to. Ngwïnöy nyinte le puseryon nyo kiwachta nyo toru kimïny pö ECHOTYON.

ISAYA 65:25

Oketïyi suyï tïkwïl nko wara kechir. Omöy ngötunywö sus le tïch amelö tökesïko meghat moroyut. Mökïminye kïgh kutïng pö Sayon* nyo ngwan anta mwokïyon.”

ISAYA 66:18

Onkïtön kinonutkökwa nko ighisyewutkökwa. Ongwïnan ataghamït pich pipö punton löwïr. Sïwïyi nyu otini kötuyö chane, kïgh nyo muköy owesyenyan kwighöy

ISAYA 66:20

Yoku chane pikökwa cho kitoyechï koroswechoni atökïpkana puntonichoni akïkonanïn kïlïkwï ropöw. Mïtu chane kïpkonöy kutïngtönyan nyo tïlil nyo mi Yerusalem, pkono chane angoletin nko sïkïröy nko tamasay nko nkaritin cho kichutöy kïkongityö nko ato ipu pipö Israel ropöwo pagh Konyan ompö tïkwïn cho tïlilöch.

YEREMIA 31:23

Lentöy ECHOTYON Kimuktoghin, Tororöt pö Israel, “Otini koyokwan pipö Israel kïpka korengwa, mwoghöy chane ngat ompö koro Yuda nko kanastinechi lö, ‘Nya kusoyönin ECHOTYON we kutïng pö Yerusalem nyo tïlil, Ichinyi kimpïr pö tïlilyö!’

YEREMIA 31:34

Mökïminye machata osiswechoni kenet chi lö, ‘Mïchininyi nkïtunö ECHOTYON,’ ompöwölo nkïtwanïn pich cho echön nko cho mïnkech. Mwoghöy ECHOTYON. Olöstoghchinan chane ngokikwa amononanye ngat.”

ESEKEL 34:25

“Oman muma* nko chane nyo pö kalya ayonan tïpö wudïn ompö korengwa. Atökïmang surkwen ompö kalya, akwaketa kechir kïchïpo.

ESEKEL 47:5

Kupim ngat miten 500 kïröytö nyu pöghechay tya mach kulumanïn, akupölanïn oweghö kïpoto ato kiwir kepegha parak tökyoghyö.

DANIEL 11:45

Akïparta emenichi cho pö paytagh kwenu nanam nko kutïng nyo mi Kö pö Tororöt, wölo meghöy akï möminye nyo ngöroköy nyinte.

DANIEL 12:4

“Wölo nyi Daniel, rora ngalechï, aikar kitapu ntökwit asispa söröm ompöwölo ryöghöy cho chang wöl nko wölnö akïtöso chïreryö.”

OSEA 2:18

Oman nyu muma* asisoni nko tïpö wudïn nko törit nko tïkwïn cho chuto kegh ngwïny akwompö chane, atömökïswany ngat piköchan. Ochengonan kari lïk löwïr korengwa nko chokon nko kïwantis, apïsyan piköchan kïmöngisyö ompö kalya wölo tïghume.

YOEL 3:17

“Onkïtunekwa nyu lö ochan ECHOTYON Tororötïnkwa nyo omöngöy Sayon kutïngtönyan nyo tïlil. Akïtïlilitu Yerusalem amökïtïkönye pïnotyontö orinyi ngat.

APAKUK 2:14

akï kwïle wölo lumöy pögh cho möngörï nanam kïlenyoni tïkwïl wölo sïchtoy pipö ngwïny kinkïtöto ororyo ECHOTYON.

SAKARIA 14:9

Lïku nyu ECHOTYON, pöytoghinto ngwïny kïmïkul akïlïku nyinte Tororöt onkït akesoghöy nyinte onkït.

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

1 TESALONIKE 5:15

Asïwa kegh tömeker chi ompö akwa kukerchï chitö anka ghöyityö ompö ghöyityö, wölo akanya kïlïkwï machatengwo nyo oghchini kegh nyo karam kïtenö osis aghchï pich lapay nyo karam.

NGONGUT 21:27

Wölo möminye kïgh nyo le sïmnyon nyo lïtöy kanasyantanoni anta chi anka tïkwïl nyo ighöy tïkwïn cho pö arasï anta nyo mwoghöy putintön. Pich opïn cho lïtöy kanasyantanoni kï cho kikekirchï kaynötutkökwa kitapu Wawa Kech nyo pö söpon.