ISAYA 11:15 - PIPÏLIA

¹⁵ Ighöy ECHOTYON Nanam nyo ipöy pögh lalwa Misri kïteny, akïyonï yomat nyo layate kungwïn kïpel lalwa Yuparet kïteny lakaw, kïpoto kori pöghon cho le mut nko odeny cho kosuno pögh, atökumï chi anka tïkwïl kwoghyö antakwagh.

ISAYA 11:15 ပူးပေါင်းရင်းမြစ်များ

WUWÖT 14:21

Kughïtochï Musa ewunyi nanam. Kïyumtö ECHOTYON pögh nangat ompö yomöt nyo awes nyo kïngwïna kongasis, kwigh nanam kïlïkwï kor nyo tïyame akïchagh kegh pögh.

WUWÖT 14:22

Kuwer pipö Israel nanam kwen wölo tïyame, kïlïkwï pögh nayat ompö ewu tagh nko ewu löt ompö chane.

WUWÖT 14:29

Wölo kuwer pïchay pö Israel kor nyo tïyame ompö nanamnay, kïlïkwï pöghechay nayat ompö ewu tagh nko ewu löt ompö chane.

ISAYA 19:16

Itu asis ato nyökoritu pipö Misri le kor. Mïghsot chane ompö otyogh otini kasïwa lö keghïtö ECHOTYON Kimuktoghin ewunyi atökunyaril kong chane.

ISAYA 43:16

Kigh ECHOTYON könyisyok ara mït kuwer nanam, or nyo weröy pögh cho chang.

ISAYA 44:27

Ani nyo ongölonchini nanamtin lö, ‘Otenyenö!’

ISAYA 50:2

“Kilö ne tömonyorwan chi atanya kyorutowokwa? Kilö ne tömöngitonchö chane ato kyokursyan? Ayo, tangogh so ewunyan nyo momukanye osöru chane? Omukan oghöy nanam kïteny ompö ngölyontenyan, awaghach lalwatïn kïlïkwï surkwen, kïmeghyö kaghagh cho mi oringwa ompö rörchin pö pögh.

ISAYA 51:11

Mïlisyot pich cho kisörï ECHOTYON Sayon, pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, akïngeta chane nyarïl nko ngwonïn kokay.

ISAYA 63:12

nyanya kintöghoghchï ompö ewunyi nyo awes akwigh tïkwïn cho echön kuwerï Musa?

ISAYA 7:20

“Olöy Echotyon chi nyo le rwokin nyo ngwïno lalwa Yuparet antakwagh ato itï asisoni nyinte kï pöytoghinto Asirya! Rwoköy nyinte tamughayikwa lömïs nko cho pito mötöwekwa nko porwoyikwa tïkwïl.

ISAYA 8:7

Ani Echotyon nyo omïtu pöytoghinto Asirya nko pikachi kïmïkul pö lïk atökïpka kïporyeghö Yuda. Pokyini chane korononi le puseryon nyo kawir lalwa Yuparet nyo nyïghiti pöghechi akïpa sany wölo low.

ESEKEL 29:10

Kïlenyona keghöchaninyi akïghochanïn lalwatïneku. Oghan koro Misri kïlïkwï kïratyan, kïngeta Mikdol ntökwit Aswan, rotyo Etopya.

ESEKEL 30:12

Atolapay oghan lalwa Nile kïyam atönan kore mori mwokïyis aghan korononi kïlïkwï kïratyan nko kïgh anka tïkwïl nyo mi ori ompö mori pich cho le to. Ani ECHOTYON nyo kamwagh.

SAKARIA 10:11

Weröy chane nanamu Misri, okörtonan chane ompö chepkiriri pö nanam, aghan lalwa Nile kïteny! Owonyan menöto Asirya, aghan owesyo Misri kupot.

NGONGUT 16:12

Atolapay kïmïlchï malaykayanteto mut nko akonga tïkwïn cho kimi pakulinyi paraku lalwanay wow kïkuro Yuparet. Kïteny lalwanay, atökïrumchï or pöytoghï cho kipkono kongasis.