ISAYA 10:6 - PIPÏLIA

⁶ Kayontan koro Asirya kïporyeghö punton cho menkïtcha Tororöt, pïch cho kighanïn anarek. Kayontan chane kïpa kïpörï tïkwïn akuritï akïtyakata pikö le norayon nyo mi arawet.”

ISAYA 10:6 ပူးပေါင်းရင်းမြစ်များ

2 SAMWEL 22:43

Kyangaghan chane le pïsya, kyatïkan chane le nyïngwïny cho mi or.

2 PÖYTOGHÏ 18:25

Ilentenyi so koporyeghan korenkwa anyar amengarakanïn ECHOTYON? Ki ECHOTYON nyini kimwowanïn oporyeghö koronete anyar!”

ISAYA 19:17

Akïlïku koro Yuda otyogh ompö pipö Misri, wöghisïyi chi anka tïkwïl nyo kïmwochini ngalechoni, ompö kïgh nyo kikïtat ECHOTYON Kimuktoghin ompö chane.

ISAYA 22:5

Ompöwölo asispa nyarïl nyete, akï nyo pö rïntagh, akï nyo pö arata kegh ompö mpöghoghyo sïwïyagh, akï nyinte Echotyon, TORORÖT Kimuktoghin nyo köyonwecha. Kakirultö nïyetweko kanasyantencha, nka nyï kichögh rirata kïmarikit ompö kutïngkot.

ISAYA 24:5

Kesïmnyon pich ngwïny ompöwölo kawaghach chane kirurut pö Tororöt, akïpeny muma* nyo kitöpo kokay.

ISAYA 29:13

Kïlö Echotyon, “Lentöy pïchï kïsoghanïn, wölo melö tïng kinyiwut ngalekwa, ompöwölo lowöch mïkuliskökwa. Tigho kegh chane dini nyo rïpöy kinetut pö pich nko otöptinekwa cho kenet kegh akelimlim.

ISAYA 32:6

Ngölonöy chi nyo le sölwö ngala sölwontön akunonöy tïkwïn cho ghach. Ighöy akïngölonöy tïkwïn cho ghöchini ECHOTYON. Melö pöghöy pich cho amate kömöy anta tö chane pögh cho gheghöy.

ISAYA 33:1

Heywey, ochech pich cho le mosï, akï puryö chi nyo kamas chane anta wïchtö! Wölo itïtoy söröm masatengwa nko wïchtoghtöngwa, chane kegh cho wonyegho masat nko wïchtogh.

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

ISAYA 41:25

“Kakïlan chi nyo möngöy kongasis, oyonunan nyinte kupokinokwa ompö okumpö löt. Tïkotoy nyinte pöytoghï le norayon, kïle wölo idoy ighinto tören mönö.

ISAYA 49:17

“Karich kwitï pich cho pkonöy kïtekinyi ngat, kïmi pïchoni kiwurinyi kïpetöy.

ISAYA 49:25

Mölyöngu nyu ECHOTYON lö, “Nka nyoni kïgh nyo igho, kïsöro askaryan mampustin akerit tïpö chi nyo kolkol. Oporyeghonan chi anka tïkwïl nyo poryeghenokwa asörunan monekwa ompö morikwa.

ISAYA 5:25

Kïnagh nyu nörekyo ECHOTYON ompö pikachi akughïtö ewunyi atö kunyaril kong chane. Potonchot kutïngkotï atökesupchï mïntïruch ortïna kanasyan le samï. Amelö choni opïn, melö wonyot nörekyenyi, wölo tökughïtoy ewunyi kïnömöy sitenyi nyo mungoy pikachi.

ISAYA 5:29

Karkegh kelyeko nkarinekwa nko ngötuny cho kapar tyony akïmi kwipöy kutang wudöngwa wölo memukönye ntökösörunö chane.

ISAYA 5:5

“Anyï nyu kïgh nyo oghchinan paranï pö sapipun. Ongongan karatu kïtïryalit angany nayatu nyo körtoy tökwam tïpö wudïn akïtïkatïk.

ISAYA 63:3

Kïmölyöngwï ECHOTYON lö, “Kopïrön pipö punton le sapipun amelö kimi chi nyo kingwïn kungarakanïn. Kyonyerön chane ompöwölo kyanarekan. Nka nyoni kighömï kisönkökwa sïroköchan.

ISAYA 63:6

Kyatïkatïkan pipö punton kïmïkul ompö nörekyenyan, arïngarïngan chane, amïlchan kisönkökwa ngwïny.”

ISAYA 7:17

“Ipunyi ECHOTYON akwipchï piköku nko koto papongu osis cho ghach kïtïl asis anka tïkwïl kïngeta otini kipesyö paytaghpa Israel nko Yuda. Ipu pöytoghinto Asirya!

ISAYA 8:4

Ompöwölo ghömïtöy pöytoghintö Asirya Damaska kïmïkul nko pöröwo Samaria löwïr kïtomö kumï monïngoni kïmwa lö, ‘Yoyo,’ nko ‘Papo.’ ”

ISAYA 8:8

Pukotoy koro Yuda ompö puseryon nyo itöy pugh, akulum kïgh anka tïkwïl.” Mi Tororöt nko acha! Körtoy köpepokachi cho kakikarkar koronete.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

ISAYA 9:19

Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

YEREMIA 25:9

okurunan punton kïpkana koros cho mi okumpö löt nko mötworintenyan Nepukadnesa, pöytoghinto Papilon. Okurunan kïpka kïporyeghö pipö Yuda nko pöröriskachi. Owongan chane lömïs, aghan chane kïlïkwï cho mïghyot akwotyö akïroröchï pich kokay cho sïwïyi.

YEREMIA 3:10

Amelö ompö kitökïmïleghchanïn Yuda, cheptompö Israel nyo le lïsin ompö mïkulöwunyi kïmïkul wölo ompö lïs.” Mwoghöy ECHOTYON.

YEREMIA 34:22

Arosa! Kamwaghan ante ECHOTYON lö, oyoktenan kut kuyokwï kegh lïkononi pö pöytoghinto Papilon. Pkonöy kïporyegho kanasyantanete akïnam akïpela ma. Oghan kanastina Yuda kïlïkwï surkwen nyo puryö chi nyo möngöy.” Mwoghöy ECHOTYON.

YEREMIA 4:14

Nyi we Yerusalem, wuntenö ngokï ompö mïkulöwungu, tenyorunö sörunöt. Töpïsot nko oyï kinonut cho ghach oringunyi nya?

ESEKEL 29:20

Kyotönön nyinte koro Misri kïlïkwï mïsyarechi ompö kasinini kïgh nyinte ompöwölo kipöghisyewanïn chane. Mwoghöy Echotyon TORORÖT.

ESEKEL 38:12

Kipecha nyu pöröw akep tïku chinö kakïsakasa koronini kikimang ngat pich cho kighamïtuna kegh punton cho le sïkön ompö kyak nko tïkwïn akïmang kwenu koronini.

ESEKEL 38:13

Lenchininyi nyu pipö Syepa nko Dedan nko mïnchïrïs pö Tarsis nko kanastinekwa löwïr, “Kengwïnanyi techenga pöröw aighamït pipö lïk, ap silpa nko koltin, arang tuka nko tïku cho möngörï le pöröw?” ’ ”

MIKA 7:10

Sïwïyi nyu pungköchan, akïnam arasï chane cho mwowanïn lö, “Mi onö ECHOTYON Tororötïngu tagh nya?” Orosan ye nyu chane ketyökotyököy le norayonto ara kanasyan.

APAKUK 1:12

Melö so iponyi kokay nko kokay, we ECHOTYON Tororötïnyan nyo Tïlil? Melö kïmeghocha nyonikïny. We ECHOTYON, keghanyi pipö Papilon kïparecha, nyi nyo ichï Ghatyencha, keghanyi chane kïlïkwï sitencha.

SAKARIA 10:5

Petïtoy akonga pipö Yuda le nyökon pö lïk. Tïkyini ngwïny pungkökwa le norayon ompö or. Poryot lenyoni ompöwölo mi ECHOTYON nko chane Rïntoy ntökïwir arasï poryeghikwa cho pegho angoletin.

MATAYO 15:7

Heywey lïsichï! Kingor Isaya ngalekwa nyoman ato kimwa ompö parakunkwa lö lentöy Tororöt: