ISAYA 10:5 - PIPÏLIA

⁵ Kilö ECHOTYON, “Kïkany nyo le nyi Asirya! Opöghisyegheninyi le lïkïp nyo pö narekat, nyo ochoponan kong pich cho konörekyan.

ISAYA 10:5 ပူးပေါင်းရင်းမြစ်များ

TOWUNÖT 10:11

Kïweghö Nimrod korononi akïwö koro Asirya akïtek kanasyanta Ninawi nko Reopot Ir nko Kala nko

2 PÖYTOGHÏ 18:25

Ilentenyi so koporyeghan korenkwa anyar amengarakanïn ECHOTYON? Ki ECHOTYON nyini kimwowanïn oporyeghö koronete anyar!”

2 PÖYTOGHÏ 19:25

“Tomönye so lïmanyi lö kyatatan choni otini le könyisyok? Nka nyï ye kaghan kwitïta. Kyokoninyi owesyö para kanastin cho kikïteka nöyet ainyar.

TUMWÖY 125:3

Ay möpöytonye mwokïyis kor nyo kiketö pipö man atömötöp chane tökwigh ngokï.

TUMWÖY 17:14

Sörwante we, ECHOTYON ompö pich cho le nyingwa ngwïnyinï Tönö chane sitoninö kirorchinyi chane. Nya kïnyorï chane cho mïchini monekwa akïnyorï nko moneko monekwa.

ISAYA 10:15

Wölo kïlö ECHOTYON, “Muköy so oywö kwighöy kegh lö ochï wow kïsir chitö nyo pöghisyegho? Pïchigh so mïsumenö kïsir chitö nyo pöghisyegho? Melö syolöy lïkïp chi, chi nyo syolöy lïkïp.”

ISAYA 10:25

Ompöwölo tomönye kite kuwonyö kichopatenyan ompö akwa, atökutang nyu kiwuratenyan wölo mi chane.

ISAYA 13:5

Pkono chane koro wölo lowöch, wölo teno sörömu ngwïny. Ngwïnöy ECHOTYON ompö nörekyenyi kuwuröy ngwïny kïmïkul.

ISAYA 14:24

Kam ECHOTYON Kimuktoghin muma lö, “Igha kïgh anka tïkwïl nyo ononan nyo mötïny. Akwighöy kïyoni lenyini omöktonan ante.

ISAYA 14:25

Owuran pipö Asirya ompö koreto piköchan Israel, atïkatïkan chane kutïngkotichan cho mi korononi. Otyokan pikachu cho kirat pipö Asirya, atyaka chane nïkisïntin cho kikitö kïkasan.

ISAYA 23:13

(Ki pipö Papilonia cho kiyotyï tyonkïn kuwur kanasyanta Tiro, melö pipö Asirya. Kitek teksyewut cho koghöch cho kïripsyegho akurultö nïyetwo Tiro akïpïstö kanasyante kïtïryalit.)

ISAYA 26:20

Ape pikachu atanga korikwo, apa akar kukotwekwo. Awïnga kegh kite, ntökïtenö kuwonyö sïngiryo Tororöt.

ISAYA 29:2

atökwipchï Tororöt nyarïl kanasyantanoni kïkuro, “Ato kïpelo amöros pö Tororöt.” Lïku nyu rira nko kiriköt, atökekongityö kanasyante kïmïkul nko ato kïpelo amöros nyo kilum kisön.

ISAYA 30:27

Kïsöchini owesyö ECHOTYON nko ororyenyi wölo low. Poru man nko ighot nörekyenyi. Ngölonu nyinte, kïwöghökisyö ngalechi kïpelsyö.

ISAYA 30:30

Ighöy ECHOTYON chi anka tïkwïl kïlïmöy kutinyi nyo pö töroryö atökuporchï chane wölo nïkis kïlïkwï nörekyenyi. Kïsïwïyi atoni lyopötin nko kiryal nko takarïstin nko rop nyo ipu chepkiriritin.

ISAYA 30:9

Chumpönöy chane nko Tororöt kïtenö osis, mïröy ngat putintön kïnomnyö akïtagh kïlïm kinetut pö ECHOTYON osis lapay.

ISAYA 34:2

Ompöwölo tïng ECHOTYON nörekyö nyo wow ompö pipö punton kïmïkul. Könörekyï nyinte pipö punton löwïr cho pö lïk ompö nörekyö nyo ngwan kerwokyï chane kiwurat lömïs.

ISAYA 66:14

Ongörechokwa ato asïwekwa kïyoni kwigha. Konokwa owesyö nko porwöy cho karamach. Atolapay onkïtukwa nyu lö ani ECHOTYON nyo ongöroköy pich cho tekanïn, wölo oporchinan nörekyenyu punkachu.”

ISAYA 7:17

“Ipunyi ECHOTYON akwipchï piköku nko koto papongu osis cho ghach kïtïl asis anka tïkwïl kïngeta otini kipesyö paytaghpa Israel nko Yuda. Ipu pöytoghinto Asirya!

ISAYA 7:20

“Olöy Echotyon chi nyo le rwokin nyo ngwïno lalwa Yuparet antakwagh ato itï asisoni nyinte kï pöytoghinto Asirya! Rwoköy nyinte tamughayikwa lömïs nko cho pito mötöwekwa nko porwoyikwa tïkwïl.

ISAYA 8:4

Ompöwölo ghömïtöy pöytoghintö Asirya Damaska kïmïkul nko pöröwo Samaria löwïr kïtomö kumï monïngoni kïmwa lö, ‘Yoyo,’ nko ‘Papo.’ ”

ISAYA 8:7

Ani Echotyon nyo omïtu pöytoghinto Asirya nko pikachi kïmïkul pö lïk atökïpka kïporyeghö Yuda. Pokyini chane korononi le puseryon nyo kawir lalwa Yuparet nyo nyïghiti pöghechi akïpa sany wölo low.

ESEKEL 22:31

Kïlenyona komïlchokwa yenyu nörekyenyan owonyenan chane ompö mapa nörekyenyan. Oghchinan chane kïrïp kegh nko ighisyewutkachi.” Mwoghöy Echotyon TORORÖT.

ESEKEL 7:10

“Arose kikutomï kiwonyoghtönkwa, kiyetï rïmö nko menotön.

DANIEL 11:36

“Ighöy nyu pöytoghinto Sirya kïrïp kegh nko machatenyi. Kwolöy kegh akïsït kegh parak kïtïl tororötin löwïr. Akïtagh Tororöt pö tororötin kïngalana nyo gha. Sïkönonöy ntökwitïta asisoni, itïtoy nörekyo Tororöt.

NAUM 1:1

Anyï ngölyonto ECHOTYON nyo ngölono kanasyanta Ninawi le wölo kimwochï Naum nyo ngwïno Elkos ompö ara sïwïyagh.

APAKUK 1:12

Melö so iponyi kokay nko kokay, we ECHOTYON Tororötïnyan nyo Tïlil? Melö kïmeghocha nyonikïny. We ECHOTYON, keghanyi pipö Papilon kïparecha, nyi nyo ichï Ghatyencha, keghanyi chane kïlïkwï sitencha.

SEPANIA 2:13

Nyoröy ompö owesyenyi koro Asirya nyo mi okumpö löt. Ighöy nyinte kanasyanta Ninawi kïlïkwï kïratyan, lïku surkwen nyo puryö pögh,

KIYITUT 24:24

Pkono melinö Kitim akïpar Asyur nko Eper, wölo kïpöröy chane tïkwïl.”