ISAYA 10:20 - PIPÏLIA

²⁰ Itu osiswö ato melö tökukönöy pipö Israel cho ngötu pipö puntoni walaka cho kimököy kuwuröy chane kuwonyö. Könöy chane lasiny ECHOTYON Tororöt pö Israel nyo Tïlil.

ISAYA 10:20 ပူးပေါင်းရင်းမြစ်များ

2 PÖYTOGHÏ 16:7

Kïyonta Aas pich wölo mi Tikla Pileser pöytoghinto Asirya akïlenchï, “Ochan mötworintengu, kïlenyona, nyonö sörwonte achïwïta pöytoghinto Sirya nko nyo pö Israel, mi chane kïporyot nko ani.”

2 PÖYTOGHÏ 19:31

Ompöwölo ngötuno pich Yerusalem nko kutïng pö Sayon,* ompöwölo ECHOTYON nyo tötöy lenyoni.

2 OTÖPTINO OSIS 14:11

Kïlokyï Asa ECHOTYON Tororötïnyi lö, “ECHOTYON, möminye chi nyo lata nyi nyo ngöroköy cho nyarkalal ompö kwenu cho tïng owesyö. Ngarakecha, we ECHOTYON Tororötïnyo, ompöwölo kitwoytonecha kegh nyi kakïpkanacha kepar kegh nko söpïchï wöw le nyï ompö kaynengu. We ECHOTYON, ichinyi Tororötïncha. Mekany kïkwol kegh ptangengmöt ompö tawungu.”

2 OTÖPTINO OSIS 28:16

Kiyonta pöytoghintö Aas pich osiswechoni kïpa kïmwochï pöytoghinto Asirya kungarak nyinte,

2 OTÖPTINO OSIS 28:20

Kïlenyona kungwïn Tilkat Pilneser pöytoghinto Asirya kupokyï nyinte akunyaril kong nyo kitö ngöroköy.

ESRA 9:14

Ato kïpenyacha ngat kirurutköku kep kegh nko pich cho le sïmnyon, inörekyinechanyi aiwangecha lömïs nyo melö mi chi ompö akong nyo chïwïtöy.

ISAYA 1:9

Ntökimetuch ECHOTYON Kimuktoghin pikö walaka kïchïwïtyö, kitökikewur Yerusalem lökarpïs, le wölo kikida Sodoma nko Komora.

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 11:16

Akïrumunö or nyo wow nyo pkono pipö Israel cho le ngötunön koro Asirya kïkarkegh nko wölo kilïkwï asis nyo kingetunö pikökwa koro Misri.

ISAYA 37:4

Muko lö kikïlïm ECHOTYON Tororötïngu ngala Rapsyake nyo köyonï pöytoghintö Asirya kungwïn kumwagh Tororöt nyo satate. Malïm sonye ECHOTYON Tororöt akïmuny pïchoni löwïr ompö kimwosyengwa nyo kalïm nyinte. Kïlenyona soghchinö pich cho köngötï.’ ”

ISAYA 46:3

“Alïme ngalechan akwa pipö ara Yakopo akwa löwïr cho le ngötunön pö piköchan. Kyoripokwa kïngeta otini kikïyiyokwa.

ISAYA 50:10

Ngo ompö akwa nyo konyïtöy ECHOTYON nya? Akï ngo nyo rïpöy ngaleko mötworintenyi? Kïrkegh kötuw lö ne or nyo orïpekwa wölo aghanakwa ECHOTYON, otighenö kegh Tororötïngwo.

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

YEREMIA 3:23

Kitö kipotyecha nyoman, atanya kikïpusacha kutïngkot kesagh ompö ortïn cho meroko. Ompö man, ngwïno sörunöto Israel ECHOTYON Tororötïncha.

YEREMIA 44:14

Kïlenyona möngötunye ompö akong ompö ngötunön pö Yuda cho kapa kimang koro Misri, amöchïwïtönye, amösöpönye, amökïmïlonye Yuda kokay kïrkegh kïpïrchï lö opï kamïla ngat. Puryö cho mïlisyot nyo karam kïpoto cho ngörï cho pertoy akïryöghchï kegh.”

OSEA 14:3

Melö sörwecha Asirya, amelö tökemontocha kegh angoletin. Melö tökemwochinecha ngat körkeyïntinekwa cho kikighecha morïn lö, ‘Ochika Tororötincha.’ Ompöwölo nyoru panana kisyonchin ompö nyï.”

OSEA 5:13

“Otini kisïwa pipö Israel lö kikewongwï lenyoni akïkany kïsïwa pipö Yuda moyokökwa, kïpa pipö Israel lawel kutang koro Asirya kïsom kingarokut pöytoghin Yerap, wölo melö kimï nyinte ntökusop chane anta sarar moyokökwa kïsöpchö.

MIKA 5:3

Kïlenyona pïsyini ECHOTYON pikachi pungkökwa ntökïtenö kulusyö kama monïng nyo kïghöy worö, tökïsorï werkökwa löwïr kïpka kïsörï pikökwa Israel.

SEPANIA 3:13

Melö nyu tökwighöy cho ghach pipö Israel cho kingötï, pïstoy putintön nko lïs. Pöghisïyi chane nyo karam, karkegh nko kechir cho oketïyi akïrusot wölo tïghume, akï puryö kïgh nyo muköy kwotyeghö chane.”