ISAYA 10:17 - PIPÏLIA

¹⁷ Lïku löpoyïn pö Israel ma, kïlïkwï Nyinte nyo Tïlil lyopöt nyo pelöy ompö asis akonga kïgh anka tïkwïl akipelöy ompö katokachi nko takalawkachi.

ISAYA 10:17 ပူးပေါင်းရင်းမြစ်များ

TUMWÖY 18:8

Kipusta ighöt nyo kingwïna sörunöyichi, kungwïna lyopötö nyo ngwan kutinyi, kingwïtu ngöset cho nöghyot.

TUMWÖY 21:9

Wuröy chane le lyopöto ma otini ketï. Wongöy ECHOTYON chane ompö nörekyenyi akïpel lömïs.

TUMWÖY 27:1

ECHOTYON kï Löpoyïntönyan akï sörunötenyan, ngo anka nyo owöghan? ECHOTYON kï ripintenyan. Ngo nyo otyeghonanïn?

TUMWÖY 50:3

Ngwïnöy Tororötïncha amelö sisonu, mi lyopötö nyo ngwan tawunyi, chepkïrïri nyo wow nyo kiwit nyinte.

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

TUMWÖY 97:3

Ntöghoghchini ma tawunyi akïpel pungkachi ompö wop löwïr.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 27:4

Melö tonörekyinan ngat pareto sapipunechu, kötö karam ntökömi kato nko takalaw, kötö oporyeghonan chane akötö opelan chane lömïs.

ISAYA 27:7

Tomönye kuchop kong ECHOTYON pipö Israel tya le wölo kida pungkökwa, amelö kipar nyinte pikökwa cho teno cho pö pungkökwa.

ISAYA 30:33

Kikigh könyisyok wölo kinagha ma nyo wow nyo kïpelo pöytoghinto Asirya. Kiröytö to akïtapes, akenyïghit kwen kutïkumö. Kutini ECHOTYON kimïny nyo ngwïnöy le puseryonto ma nyo pelöy atoni.

ISAYA 31:1

Heywey! Wechï kepotyö pich cho petöy koro Misri lö tökengarakech. Mito chane kutwoytoy kegh pipö Misri cho chang cho pö lïk nko karikwa cho pö poryot, cho lata: angoletin nko nkaritin nko askarin. Wölo metwoytocha kegh ECHOTYON, Tororöt pö Israel nyo Tïlil anta tep nyinte kungarak chane.

ISAYA 31:9

Pertoy wowïntöngwa ompö mïghöt nyo wow akuwöghisyö opisatinekwa ntökucholchï penterenikwa wölini köporyegho.” Mwoghöy ECHOTYON nyo mi manyi Sayon akinögho Yerusalem, akï nyinte nyo pelo manyi atoni nyo pö amörostin.

ISAYA 33:12

Ochïntokwa le koghïn cho kakïpel atökegh kïlïkwï choka, akarkegh nko kato cho kakïpel kïlïkwï aryon.

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

ISAYA 37:23

Ngo nyï imwoghenyi airoröchini? Ngo nyï isyolchinenyi kut akï ngo nyinte nyini ingwïryelenyi lenyoni? Ani Tororöt pö Israel nyo Tïlil!

ISAYA 37:36

Kïwö oghononi malaykayanta ECHOTYON wölo kimöngöy pipö Asirya akïpar pipö lïk 185,000. Nyini kiyech atole asïyech, kelö kïtopön kimeghö chane löwïr!

ISAYA 47:14

“Lata chane mopö cho kiyomö, pelöy ma chane lömïs! Amemukönye ompö ntökïsörï kegh chane, ompö lyopöt pö mayoni nöghöy. Melö ma nyoni nyo lentöy chi oyïwöy, melö ma pat nyo töni chi lölöngyö!

ISAYA 60:19

“Melö tökïlïku asis löpoyïntöngu atole pöghet. Anta lïkwï arawa löpoyïntöngu ato le oghö. Ani ECHOTYON nyo olïku töpewengu nyo pö kokay. Lïwunyi löpoyïnto töroryenyan.

ISAYA 66:24

“Sïwïyi chane otini petöy mïntïruch pö pich cho kipeny ngalechan. Mömeghsocha mökukwa kokay, amemisonye ma nyo pelöy chane. Ghöchini chane pipö ngwïny löwïr.”

ISAYA 9:18

Ompöwölo nöghöy ghöyityo pich le ma, nyo wuröy tapalak nko kato. Pelöy kïkarkegh nko ma nyo nögho wuw, nyo yumtoy kegh parak akuyen yïm le poltoy.

YEREMIA 4:4

Akwa pipö Yuda nko Yerusalem, otïlilö kegh ompö tawu ECHOTYON, achïrtena sïmnyon ompö mïkuliskökwo, tömanarekan ompö nörekyö nyo ngwan lakat, nyo nöghöy amemukönye chi kumis. Onörekan lenyoni akwompö ighisyewutkökwa cho ghach.”

YEREMIA 7:20

Kïlenyana, kamwaghan ante Echotyon TORORÖT lö, arosa, omïlchinan yete nörekyenyan, omïlchinan ptangengmöt nko tyonkïn nko keti wuw nko pagh cho tökïmi paren. Nöghöy nörekyenyan nyoman nyo memukönye chi kïnuk.”

NAUM 1:10

Kïpelöy chane le wuw pö kato, nöghyot le mopö cho kiyomö.

SEPANIA 1:18

Memukönye kïsörï chi silpa nko koltin asisoni pö ECHOTYON, ompöwölo nyoröy ECHOTYON ngwïny kïmïkul ompö nörekyenyi nyo ngwan akuwany lömïs pich cho möngöy ori.

SAKARIA 12:6

“Oghan osiswechoni pipö ortïna Yuda kïlïkwï ma nyo pelöy wuw, le ma nyo pelöy roro pagh. Pelöy koros cho le pöröris pö Yerusalem kuwonyo lömïs wölo ngötu pipö Yerusalem akïmöngisyö ompö kalya.

KIYITUT 16:35

Kuyokwï ECHOTYON ma nyo kipel pïchay le 250 kitïng tïkuchay ngutoy cho onyïn.

MATAYO 3:12

Tïng seröwontenyi nyo sero paghechi akïghömïtyini paghe töpotenyi, wölo pelo morïre ma nyo memisonye.”

KINONO KIRURUT 4:24

ompöwölo ECHOTYON Tororötïnkwa kï ma nyo pelöy kïgh anka tïkwïl. Kï Tororöt nyo le söstoghin ompö tororötin walaka.

EPRANIA 12:29

ompöwölo ma Tororötïncha nyo pelöy lömïs.

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.

NGONGUT 22:5

Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.