ISAYA 1:7 - PIPÏLIA

⁷ Kikepar korenkwa kïlïkwï kïratyan akepel kanastinekwa lömïs. Chengöy pïnotï parenikwa osïwïyekwa akwane akuwur kïgh anka tïkwïl.

ISAYA 1:7 ပူးပေါင်းရင်းမြစ်များ

2 OTÖPTINO OSIS 28:5

Kïlenyona kïpïstö ECHOTYON Tororötïnyi Aas kïpïsï pöytoghinto Sirya kunor, akïnam pikachi cho chang akuretö kutang Damaska. Kikïpïsï ngat Aas kunor pöytoghinto Israel, akepara pikachi cho chang nyoman.

TUMWÖY 107:34

Kigh nyïngwïtyan nyo akwagh kïlïkwï koro partin, akwompö ghöyityo pich cho kimöngöy wöloni.

TUMWÖY 107:39

Otini kingörïngit akereny, ompö pïrö nko kichopöto kong nko kiwongunöt,

TUMWÖY 109:11

Nya kïsara chi nyo ghoköy nyinte tïkuchi löwïr, akïngatar pich walaka tïkuko kighotichi!

ISAYA 1:8

Ngötu Sayon* onkït nyo kïmi keriköy, kikongityot nyinte nko pancha nyo mi para sapipun, akïkarkegh nko kö pö par nyo mi para mïnyanytin, kikongityot nko kanasyan nyo kïmi keriköy.

ISAYA 3:8

Ompöwölo kikerultö Yerusalem akengany Yuda! Ompöwölo tököy ECHOTYON kïgh anka tïkwïl nyo mwoghöy chane akwighöy nyo kigh chane kïtagh töroryenyi nyo kïlchini chane.

ISAYA 34:9

Wöghökisyot lalwatïna Edom kïlïku manka, akïwaghaka nyïngwïtyante kïlïkwï koghïn cho nöghsot. Akïwöghöko kore kïmïkul kïlïku manka nyo nöghöy.

ISAYA 49:19

“Nyo pö nyoman kikenyar korengu, wölo ye kikïmarikit tya, ntömelö tökïnyoru piköku cho mïlonchot wölo möngöy. Kilowito nyu wölo imitenyi pïchoni kinyarinyi.

ISAYA 5:17

Oketïyi nyu ato mi wara kechir le wölo koketïyi kïnomnyö, akwam to lödo kïpïstö.

ISAYA 5:9

Kalïman ECHOTYON Kimuktoghin ato lentöy, “Lïku kïratis korïn cho chang, cho echön cho pïchighöch.

ISAYA 6:11

Atepan lö, “Akïlïku nyoni nko oyï nya Echotyon?” Kuyokï lö, “Ntökïtenö kepar kanastin lömïs, ntökïtenö kepïstö korïn kïtïryolöchitu, ntökïtenö kïlïkwï kore nyinte kïmïkul surkwen.

ISAYA 60:15

“Melö tökewirtoninyi ngat anta ghöchin pich. Kanasyan nyo kikesurö akegh kïlïkwï kïratyan. Oghinyi yetune aipïchighitï, kanasyanta ngörekyö kokay nko kokay.

ISAYA 62:8

Kam ECHOTYON muma nyo ngwan, ay, kam nyinte muma ompö ewunyi nyo pö tagh lö, “Melö totönan ngat paghekwa kïlïkwï omisyö pungkökwa amelö tökïgheghöy pich cho le to dipaykakwa,* cho kyonyorukwa ompö kighotikwo.

ISAYA 64:10

Kalïkwï surkwen kanastineku cho tïlilöch, kalïkwï Sayon* surkwen kïlïkwï Yerusalem kïratyan.

ISAYA 9:18

Ompöwölo nöghöy ghöyityo pich le ma, nyo wuröy tapalak nko kato. Pelöy kïkarkegh nko ma nyo nögho wuw, nyo yumtoy kegh parak akuyen yïm le poltoy.

ISAYA 9:5

Kïpelo ma kwegh pö lïk lömïs, nko sïro cho kiperchï kisön.

YEREMIA 2:15

Köpororchï nyinte ngötunywö, köpororchï ompö kut nyo wow. Kegh korenyi kïlïkwï surkwen, kalïkwï kanastinechi kïratis cho puryö möngot.

YEREMIA 4:7

Köngetunö korenyi kiwurinto Yuda, lenye ngötïny nyo köngetunö wudanyi, ngwïnöy kunyoröy korenkwa, akwigh kanastinekwa kïlïkwï kïratis, cho puryö möngot.

YEREMIA 44:6

Kïlenyona kïyetï akula lakat nörekyenyan ntömökutuknye kanastina Yuda nko Yerusalem. Nka nyoni ye kinyar kïlïkwï kïratis cho otyegho pich nko nyete le ye ato sïwa.

YEREMIA 6:8

Nya kïlïkwï ngalechoni löwïr, we Yerusalem kinetut ompö nyi tömelima, anta manyona ocholinyi nyoman, aghan kanasyantengu kïlïkwï surkwen nyo puryö chi nyo möngöy.”

YEREMIA 7:34

Owongan kililïyöto ngörekyö nko roröt ompö kanastina Yuda nko kanasyanta Yerusalem, amakelïmönye ngörekyo kensyö ompöwölo lïku koro surkwen.

LOK 5:2

Kacheng pich walaka korencha nyo kikonechanyi kamang pich cho melö kinkïtöcha koricha.

ESEKEL 25:4

Kïlenyona otoninokwa pipö kongasis alïkuna chikwa. Teköy korikwa akïmang kwenunkwa. Omöy paghekwa akïlï chekökwa.

ESEKEL 30:12

Atolapay oghan lalwa Nile kïyam atönan kore mori mwokïyis aghan korononi kïlïkwï kïratyan nko kïgh anka tïkwïl nyo mi ori ompö mori pich cho le to. Ani ECHOTYON nyo kamwagh.

OSEA 7:9

kikïsara puntonï chane owesyengwa amelö pköchini chane. Kikïrumunö karwal mötöw amenkïtcha chane.

OSEA 8:7

Ompöwölo kikatkat yomat akwil pïchpïch melö yinöy paghekwa Amelö rïröy paghekwa ompö par wölo kïrkegh kïrïr kwomo chane pich walaka cho le to

LAWIN 26:33

Atolapay otoytoyokwa oghömunö ngwïny atöninan ngot kïrïpekwa, akïlïku korenkwa kïratyan anyaran kanastinekwa.

LAWIN 26:34

Kingörökyï nyu korö könyi Sapato otini kilïkwï kïratyan, ato kyomitekwa koro punkökwo,

MIKA 5:11

Anganyan kanastine ompö korenkwa arultö wölo oghetokwa kegh,

MIKA 6:13

Kïlenyona kyotorön omungokwa, owongokwa akwompö ngokikwa.

KINONO KIRURUT 28:33

Omöy piko punton walaka cho melö onkïtokwa paghekwa cho kyangorekwa kighotikwo, akuchopekwa kong kïtenö osis.

KINONO KIRURUT 28:43

“Owesöchitu tya pich cho le pïnot cho möngöy korenkwa, opechikwa onyörkölölitu tya.

KINONO KIRURUT 29:23

Lïku parenikwa ghatoy cho nöghyot le ngeset cho kilum paryan. Puryö kïgh nyo kïkötkötyini akïghya, melö pito ompö cho le ratok. Lïku korenkwa le kanastina Sodoma nko Komora nko Adma nko Sepoim, cho kinyar ECHOTYON kuwonyö ompö nörekyenyi nyo wow tya.