ISAYA 1:4 - PIPÏLIA

⁴ Heywey, mwokïyis pö punton, pich cho kösönöy nïkisïntino ngokï! Chutwokwa ngokikwo oröytenö ngwïny! Kataghakwa ECHOTYON, Tororöt pö Israel nyo Tïlil, apörchikwa nyinte pötoghwekwo.

ISAYA 1:4 ပူးပေါင်းရင်းမြစ်များ

TOWUNÖT 13:13

Ki ghach pich cho kimi Sodoma, kighchï ECHOTYON ngokï cho ghach.

2 PÖYTOGHÏ 21:22

Kipïstö nyinte ECHOTYON, Tororöt pö papotïnechi akïpeny kirurutkachi.

2 OTÖPTINO OSIS 12:1

Otini kikiketö Reopoam kïlïkwï pöytoghin akïchïchïm paytaghtanyi akïchïchïm nyinte kïpïstö nyinte nko pipö Israel kïmïkul kirurut pö Tororöt.

2 OTÖPTINO OSIS 27:2

Kigh Yotam nyo karam ompö tawu ECHOTYON le paponyi Usia, amöwönye kïlït Kö pö Tororöt, wölo kitas pich tagh kwigh ghöyityö.

NEEMIA 1:7

Kiketïpicha otöp nyo gha ompö tawungu amelö kitö keripöcha kirurutköku löwïr cho kimwochinyi Musa mötworintengu.

TUMWÖY 58:3

Kitosonchö pich cho ghach kïngata otini kikïsïch akïputï kïngeta otini kikïyï.

TUMWÖY 71:22

Osölinyi ompö pïkan, ompöwölo ichinyi ghanate, we Tororöt. Otumunyi sölut ompö pïkan, we Tororöt pö Israel nyo Tïlil.

TUMWÖY 78:40

Kipeny chane nyinte kïnyïl cho chang ompö surkwen akuchop kong nyinte ompö wölini.

TUMWÖY 78:41

Kïtyam Tororöt kïnomnyö, kïtapatap Tororöt pö Israel nyo Tïlil.

TUMWÖY 78:57

Kimostoy chane akïrïp otöptineko papotïnekwa cho kipuryö kighanat, kïchumponchö le kotöt nyo mörkel.

TUMWÖY 78:8

Atömökarkegh chane nko papotïnekwa cho kile penyï akï tighï, pïn nyo melö kitenat ompö mïkulöwekwa amelö kighanat Tororöt.

TUMWÖY 89:18

Ngwïno longencha ECHOTYON akungwïno pöytoghintencha Tororöt pö Israel nyo Tïlil.

WUWÖT 32:7

Kïlenchï ECHOTYON Musa, “Röytenö to, ompöwölo kikwigh ngokï piköku chay kimïtunenyi koro Misri.

ISAYA 1:23

Kalïkwï pöytoghiku pich cho kichumpön akïlïkwï kongoti chorï. Toköy chane tïpö pich akïcham kerop chane. Melö syonchini pönon ompö ka kirwok anta chömchï mïsïktin kwipchï chane lokekwa.

ISAYA 1:28

Wölo wuröy nyinte mwokïyis nko penyï löwïr nko chane tïkwïl cho pïstoy ECHOTYON.

ISAYA 10:6

Kayontan koro Asirya kïporyeghö punton cho menkïtcha Tororöt, pïch cho kighanïn anarek. Kayontan chane kïpa kïpörï tïkwïn akuritï akïtyakata pikö le norayon nyo mi arawet.”

ISAYA 12:6

Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”

ISAYA 14:20

Metuyonyinye nko chane ato kïtïpisïyi, ompöwölo kingamanyi korengu, keparanyi piköku. Möminye chi akonga nyo ighöy ghöyityö nyo pö arenkwa nyo kituköy.

ISAYA 29:19

Tösöy ngörekyengwa pich cho tölose nko cho le mey nyo töni ECHOTYON Tororöt pö Israel nyo Tïlil.

ISAYA 3:8

Ompöwölo kikerultö Yerusalem akengany Yuda! Ompöwölo tököy ECHOTYON kïgh anka tïkwïl nyo mwoghöy chane akwighöy nyo kigh chane kïtagh töroryenyi nyo kïlchini chane.

ISAYA 30:1

Lentöy ECHOTYON, “Heywey! Ochech pich cho pöytoy koro Yuda, ompöwölo kapeny chane ngalechan. Mito chane kïrïpöy tötut cho melö kyotönön chane, akwam mumos cho melö kyomwochan akïtosyï kegh ngokï kïchangit.

ISAYA 30:15

Ompöwölo mwoghöy Echotyon TORORÖT Kimuktoghin, Tororöt pö Israel nyo Tïlil nyo pö Israel pich lö, “Kïsörwokwa ato omïlonchekwa, aghananïn. Osïkekwa nyu owesyö atïpï ato tïghume.” Wölo ataghakwa agha lenyoni!

ISAYA 30:9

Chumpönöy chane nko Tororöt kïtenö osis, mïröy ngat putintön kïnomnyö akïtagh kïlïm kinetut pö ECHOTYON osis lapay.

ISAYA 31:2

Akwanyï ngöghom nyinte, ipu kiwurat amelö wöghököy ngalechi cho riru lö kichopöy kong mwokïyis nko pich löwïr cho körtoy chane.

ISAYA 37:23

Ngo nyï imwoghenyi airoröchini? Ngo nyï isyolchinenyi kut akï ngo nyinte nyini ingwïryelenyi lenyoni? Ani Tororöt pö Israel nyo Tïlil!

ISAYA 41:14

Mwoghöy ECHOTYON lö, “Kïrkegh kochikwa mïnkech we pipö Israel, wölo mowöghisyö, ongörokokwa. Ochan sörunintenkwa, Tororöt pö Israel nyo Tïlil.

ISAYA 41:16

Iwirchinenyi chane kwenu yomat atökïkutïta chepkiriri kïtoyö. Atolapay ingörökenyi ompö ECHOTYON, ainyorchï ororyö Tororöt pö Israel nyo Tïlil.

ISAYA 41:20

Tökïsïwa pich akunkïtï lö ani ECHOTYON nyo kagh choni. Nkïtu chane asïyech lö Tororöt pö Israel nyo Tïlil nyoni kegh choni kwighisyö.”

ISAYA 5:19

Omitekwa olentöy, “Akanya kungwïn ECHOTYON lawel atökwigh kini lentöy oghöy atökesïwenacha. Akanya kwigh Tororöt pö Israel nyo Tïlil machatenyi atökesïkunöcha.”

ISAYA 5:24

Kïlenyoni ye, kïle wölo peltoy lyopöto ma mopö nko wölo wonyot kïlïkwï suswö cho kikïyomö ompö lyopöto ma, kïlenyoni wölo nïntoy ighïnengwa, akekutïtoy tapïkengwa parak kïkarkegh nko terïtyon, ompöwölo köpïstö chane kiyomisut pö ECHOTYON Kimuktoghin akïsas ngölyonto Tororöt pö Israel nyo Tïlil.

ISAYA 57:17

Kyonörekyan chane ompö ngokikwa nko pïrchintöngwa, nka nyoni nyu kyachopan kong, achal chane. Wölo kighechön mötöwöy akïtas tagh kïrïp orengwa kegh.

ISAYA 58:2

Soghanïn chane kïtenö osis, akïmi kïlentöy kïtïng machat nyo wow kunkïtï ortïnechan akïrïp kirurutköchan. Mököy otönön chane kirurut cho tenote, akïmwoghöy lö kïngörokyini kïsoghanïn.”

ISAYA 65:11

“Wölo sisitu ompö akwa chona kataghanïn, chona osösöy Sayon,* kutïngtönyan nyo tïlil, apechï asagh Kad nko Meni cho le tororötino töpkotut nko rurïny.

ISAYA 65:3

Ighanïn chane anarek ompö tïkukwa cho ighöy cho pö arasï, tötoy amörostin cho kïpelöy ompö paren akïpelöy mankoy cho ngutoy nyo karam ompö ato sogho pipö punton.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

YEREMIA 15:6

Kataghanïkwa. Mwoghöy ECHOTYON. Kopörchanïkwa patagh. Nka nyoni nyu kosyolön ewunyu, amungokwa, ompöwölo kyaghakan osyonchekwa kïtenö osis.

YEREMIA 2:13

Ompöwölo kegh piköchan ngokï kïnyïl odeny, köpïstanïn nyo ochï kompö pögho söpon atolapay kwighchï kegh kösïmöyikwa, kösïmöy cho kikïkörerisyö möroröy pögh.

YEREMIA 2:17

Melö so keyörchinyi kegh ngalechoni löwïr? Kipïstaninyi nyo ochï ECHOTYON Tororötïngu, nyo ntöghoghchininyi ompö or!

YEREMIA 2:19

Ichömchömenyi ompö ngokiku kegh akurwokyininyi penyatengu. Mïchini nkïtunö lö gha nyoman ato ipïstaninyi nyo ochï ECHOTYON Tororötïngu amökïminye oringu kiwaghata ECHOTYON. Mwoghöy Echotyon TORORÖT Kimuktoghin.

YEREMIA 2:31

Akwa we pïnwöy, atere ngölyonto ECHOTYON! Ayo, okörakegh so nko kor nyo le surkwen ompö Israel, anta kor nyo kinyïghï tuwïn? Kwompö ne nyu tökïlentöy piköchan, ‘Kighecha le wölo kakïchamta amökepkonechanye kokay wölo imitenyi!’

YEREMIA 2:33

Ichinyi körom nyoman ompö rïpsetagh pö chaman! Imukenyi ompö tenet kor cho tïng otöptin cho ghach ortïneku.

YEREMIA 2:5

Lentöy ECHOTYON, “Ghöyïn ne nyo kisïwechanïn papotïnekwa, tökusïrar kegh akïsor kïsagh tororötin cho möle akïlïkwï chane kwïle nya?

YEREMIA 32:32

akwompö ngokï cho kigh pipö Israel nko Yuda kïmi tïkwïl pöytoghï nko kintöghoghï nko tïsï nko werkoykökwa.

YEREMIA 50:29

“Okurunö pich cho nkït kïwutïtoy kotï kïpka kïpar Papilon. Arika kanastinechi lö tïlkwïch ntömömi ompö akong nyo muköy kïchïwït. Otönö chane lenyini kisom, aghchï chane lenyini kighchï pikö walaka. Ompöwölo kïsasanyi ECHOTYON Tororöt pö Israel nyo Tïlil.

YEREMIA 51:5

Wölo mopïstenanye, pipö Israel nko Yuda. Ochan Tororötïngwa, ECHOTYON Kimuktoghin, kïrkegh kinyïghï ghöyityö koro Papilonia cho kegh ompö tawu Tororöt pö Israel nyo Tïlil.

YEREMIA 7:19

Wölo lenchini kegh so ngwonchinanïn choni? Ewo, möngwonchinanïnye ompö nyo le kite! Kepchï kegh chane pat ngwonïn nko arasï!

YEREMIA 7:26

wölo kimayangakwanye ater ngalechan, alïkukwa pich cho oghïghe mötöwö atolapay aghakwa cho ghach tya kïtïl papotïnekwa.

ESEKEL 14:5

Oghan lenyoni tökuyokwï kegh pipö Israel cho kïlowöchitu ompö ani akïsagh körkeyïntinekwa.

ESEKEL 16:33

Töni mïrön ropïyen cheporestin, wölo ketönönyi ropöw nyo le nyi pich cho ichömenyi, ompöwölo imökenyi chane kïpkana wop anka tïkwïl kïpkonchinyi.

ESEKEL 16:45

Ilatenyi chepto yongu, nyo reyöy pontenyi nko monechi. Ichinyi chepto ompö tipikwa cho kirey poyikwa nko monekwa. Yongu kï pö pipö Ititi, papongu kï pö pipö Amori.

DANIEL 9:11

Kikïpeny pipö Israel löwïr kirurutköku akïtagh kïlïm ngaleku, kamecha ye nyu chïpötonay kikikir kirurut pö Musa mötworintengu, ompöwölo kikewuchanyi ngokï.

SEPANIA 1:6

Onyoran pich cho yodo kegh löt amelö tökïrïpanïn. Onyoran löwïr cho melö pkonöy akïsomanïn ontöghoghchï chane.”

KIYITUT 32:14

Anyï ye kamachakwa arïpa ngaleko papotïnekwa, pïnï pö pich cho le mwokïyis cho mököy kwipchini nörekyo ECHOTYON pipö Israel ngat!

MATAYO 11:28

“Opkonchanïn pich löwïr cho osusöy kegh nko nïkisïntin atomunywok.

MATAYO 23:33

Heywey moroyut chï otïngetö ngwonö! Omukekwa ochïwïtyegho kirwoko mapa kokay lö ne nya?

MATAYO 3:7

Otini kisïwa Yoana Parisaytin* nko Sadukaytin* cho chang kïpkonchini nyinte atökepatisan, kïlenchï, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy?

RUMI 8:7

Ompöwölo chi nyo pöytoy kinonut pö por, kï punyonto Tororöt, ompöwölo mörïpönye kirurutyo Tororöt, akïmemukönye nyoman kïterchini.

1 KORINTO 10:22

Anta kïmökecha kwipenecha Echotyon sikong nya? Kichicha so owesöch kïtïl nyinte?

KINONO KIRURUT 29:25

Kiyokyini nyu pïchoni lö, ‘Kikighchï chane lenyoni ompöwölo kipeny muma ECHOTYON Tororöt pö papotïnekwa nyo kyam nko chane otini kimïtuna koro Misri.

KINONO KIRURUT 31:16

Kïlenchï ECHOTYON Musa, “Karich wïyönyi rïwö nko kukötineku, otini melö temitenönyi, wöghökisyot pïchï akïsagh tororötine walaka cho mi koronini karich kïlït. Pïstonanïn chane akïpeny mumenyan nyo kyaman nko chane.

KINONO KIRURUT 32:19

“Nyini kisïwa ECHOTYON lenyoni, kïnarek akïtagh monechi.

KINONO KIRURUT 32:5

Wölo kowöghökisyekwa amelö mïchini kekurenokwa pikachi ochikwa mwokïyis achï lïsï.

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

NGONGUT 18:5

Ompöwölo kakïchangit ngokichi tya akïpas kegh ntökwit yïm amöwutyeghonye Tororöt ghöyityenyi.

KIRWOKÏ 10:10

Kïlenyona kïrirchï pipö Israel ECHOTYON lö, “Kakiwucha nyi ngokï, ompöwölo kakïpïstecha nyi nyo ichï Tororötïncha akepa kesaghata Paaltin.”