ISAYA 1:31 - PIPÏLIA

³¹ Kikongityot chi nyo awes atoni nko mopö cho pelöy koto kipiriti akong, wuröy nyu ighisyewutkökwa cho ghach pich cho owesöch lenyoni asïyech, amelö mito chi nyo muköy kïsörunö chane wïratanoni.

ISAYA 1:31 ပူးပေါင်းရင်းမြစ်များ

ISAYA 24:6

Nka nyoni köchïp Tororöt ngwïny. Akunka nyoni kewongwï pïchoni möngöy orinyi, akïngötï cho ngörï.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 27:4

Melö tonörekyinan ngat pareto sapipunechu, kötö karam ntökömi kato nko takalaw, kötö oporyeghonan chane akötö opelan chane lömïs.

ISAYA 33:11

Kopechikwa atat tötut cho puryö tösunöt. Ighöy tötutchoni kïgh anka tïkwïl nyo oghekwa kïlïkwï kwïle. Karkegh mïkulöwunyan nko ma nyo nöghöy, nyo wonyokwa.

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

ISAYA 4:4

Rwokyini Echotyon akutïlil piko kanasyantenyi akuwun sïmnyonto Yerusalem nko kisön cho kikïmïltegha orinyi.

ISAYA 43:17

Kintöghoghchï lïk nyo awes kïpa kïpörisyö, lïk nyo kitïng nkaritin nko angoletin. Rusot löwïr ngwïny amökïngetöcha ngat, potyot chane akemis le kitampi!

ISAYA 5:24

Kïlenyoni ye, kïle wölo peltoy lyopöto ma mopö nko wölo wonyot kïlïkwï suswö cho kikïyomö ompö lyopöto ma, kïlenyoni wölo nïntoy ighïnengwa, akekutïtoy tapïkengwa parak kïkarkegh nko terïtyon, ompöwölo köpïstö chane kiyomisut pö ECHOTYON Kimuktoghin akïsas ngölyonto Tororöt pö Israel nyo Tïlil.

ISAYA 50:11

Wölo akwa cho ochömöy onoghe mot, cho olentöy tökewangena pikö walaka, wonyokwa lömïs mangwo nyoni. Nyinte ECHOTYON nyo lïtitöy choni, awongunekwa nyu ompö nyarïl nyo wow.

ISAYA 66:17

Mwoghöy lö, “Karik sörömu pich cho tïlilo kegh sowut pö pipö punton akïsagh, pich cho tuyot akutïlil kegh atökïpa paren, akwam panya nkïruwen nko mïr nko tïku walaka cho kïkïröy.

ISAYA 66:24

“Sïwïyi chane otini petöy mïntïruch pö pich cho kipeny ngalechan. Mömeghsocha mökukwa kokay, amemisonye ma nyo pelöy chane. Ghöchini chane pipö ngwïny löwïr.”

ISAYA 9:19

Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

YEREMIA 21:12

“Akwa pïchï pö ara Daudi, atere! Kamwaghan ante ECHOTYON lö, Agha man kïngeta nyini kayech, asörï pich cho mi nyarïl ompö mori pich cho nyörilöy chane Akwato maghakwa lenyoni kwighanïn tïkuchï ghach oghekwa anarek, angwanitï le ma nyo nöghöy, amönukonye.

ESEKEL 32:21

Ngölono nyu kintöghoghï cho kyowesöch pipö Misri nko kingörokichi ompö ngwen, kïpka kïrökï ngwen kïruyö lasay nko pich cho mapa tum.

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

MATAYO 3:10

Kimi oywö kïpsach nyo töröy ighin pö ket. Kïtöröy ket anka tïkwïl nyo meyinönye akwa cho karamach akewirchï ma.

MATAYO 3:12

Tïng seröwontenyi nyo sero paghechi akïghömïtyini paghe töpotenyi, wölo pelo morïre ma nyo memisonye.”

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

NGONGUT 20:10

Atolapay kewirchï Onyöt nyo kilïs pich nanampa ma nyo ngwan lakat, mapa koghïn cho nöghsot. Kikïwirchï wöloni tïkwïl tyonyay nko werkoyontonay pö putintön. Nyörïlyegho chane wöloni pöghet nko nangat, kokay nko kokay.

KIRWOKÏ 15:14

Nyini kitïta Lei, kïpölyö pipö Pilisti kwam sirmoy otini kisïwa Samson. Akïtökïnyini kungwïnchï Mïkulöwu ECHOTYON Samson ompö owesyö. Kïngötiy pörköyichay kikïrata ewunechi le iwak nyo kiyam.