ISAYA 1:16 - PIPÏLIA

¹⁶ Owunö kegh atotïlilitunö, awirteghena wölo omitan ghöyityö,

ISAYA 1:16 ပူးပေါင်းရင်းမြစ်များ

2 PÖYTOGHÏ 17:13

Kökirirchï ECHOTYON pikachi pipö Israel nko Yuda ompö werkoy nko ngorï lö, “Opïstenö ortïnekwa cho ghach, arïp kirurutköchan löwïr lenyini kyomwochan papotïnekwa kuwerï mötworichan werkoy cho kyoyokwan.”

TUMWÖY 26:6

Omwötan morichu, we ECHOTYON, motïngetanye lelut. Oriman ato kïpelo amörostöngu,

TUMWÖY 34:14

Lowitunö ompö ghöyityö aigh nyo karam, yara kalya aipïrpïr ompö mïkulöwungu kïmïkul.

TUMWÖY 37:27

Pïstenö ghöyityö aigh nyo karam, atengötunö kokay,

TUMWÖY 51:2

Iwunante lasiny ompö ghöyityenyan aitïlilante ompö ngokichan.

NGÖTÏNYÖ 21:3

Chömöy ECHOTYON kegh ngala man nko kitenat, kïtïl amöros nyo kitötoy.

NGÖTÏNYÖ 4:27

Memasta itang ewu tagh anta nyo pö löt, imala kegh ghöyityö.

ISAYA 52:11

Angeta apegha yi! Angetena koro Papilon! Amaswany kïgh nyo kïkïröy. Apeghena kwenunyi atïlil kegh, akwa cho opöy kari Kö pö Tororöt.

YEREMIA 18:11

Kïlenyona nyu, mwochinö pipö Yuda nko cho möngöy Yerusalem lö kamwaghan ante ECHOTYON lö, ‘Otötwokwa onyorunö nyarïl. Lïku nyoni sitenkwa atomopïstekwanye ortïnekwo cho ghach. Omïlisyenö apïstö ortïnekwa choni ghach. Mïchini asitakwa ortïnekwo nko ighisyewutkökwo kuten.’

YEREMIA 25:5

Kipkonöy werkoychoni kïmwowokwa lö, ‘Pïstenö chi anka tïkwïl orengu nyo gha nko ighisyewut cho ghach. Ato aghakwa lenyoni, omöngekwa koronï kikonokwa ECHOTYON nko papotïnekwa kingeta kösnyisyok.

YEREMIA 26:3

Töptoy lïmöy ana akïpïstö chi anka tïkwïl orenyi nyo gha. Ato igh lenyoni kumuko achalan opchï chane meghat nyo kyatatan lö opchini chane akwompö ighisyewutkökwa löwïr cho ghach.

YEREMIA 35:15

Kyoyokwokwa mötworichan werkoy kïnyïl cho chang cho kipka kïmwowokwa lö opïstenö ortïnekwo cho ghach atolapay owöghökisyö agh man. Kimwowokwa lö orip kegh masagh amopöghisyechï tororötin walaka. Nyo ntökyarïpakwa ngalechoni kitomöngekwa kokay koronete kokonokwa atö tïkwïl papotïnekwa. Wölo nyu melö kyateranïkwa amelö kyayangakwa kïgh nyo kyamwaghan.

YEREMIA 4:14

Nyi we Yerusalem, wuntenö ngokï ompö mïkulöwungu, tenyorunö sörunöt. Töpïsot nko oyï kinonut cho ghach oringunyi nya?

AMOS 5:15

Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

YONA 3:8

Wölo akanya kulach chi anka tïkwïl nko kyak sarankwachtin, atolapay kïrirchï Tororöt nyoman. Ipïstö chi anka tïkwïl ortïneku cho ghach nko ghöyïntöngu.

SAKARIA 13:1

Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.

SAKARIA 7:7

Nka chete ngal cho kïwow mökosyo kanasyanta Yerusalem akïchang pich cho kimöngöy. Kichang tïkwïl osiswechoni pich cho kimang kanastin cho kilekïtino Yerusalem, kumporö nko ta nko okumpö koro Nekep* nko tömköyi Syepela.’ ”

MATAYO 3:8

Agha nyu tïkwïn cho poru lö kyokötekwa ngokikwo

IGHISYEWUT 22:16

Akï yeo, ne nyo iköngenyi? Ngeta kepatisanïn atökemwötun ngokiku otini ikurenyi kaynata Echotyon.’

RUMI 12:9

Ochomnyö ompö chomnyogh nyo puryö lïs. Atagha kïgh anka tïkwïl nyo gha achama kegh kiyon karam.

2 KORINTO 7:1

Kïlenyona nyu, werköcho, otï kakekonecha kiyomisutchï löwïr, ketïlilö nyu kegh akewirta kïgh anka tïkwïl nyo muköy kusïmnyonöy por nko mïkulögh atökelïkuna pich cho tïlilöch lasiny ompö techata Tororöt.

YAKOPO 4:8

Arika wölo mi Tororöt atökïrikakwa nyinte. Owunö ewunekwo akwa mwokïyischï! Amwata mïkuliskökwo, akwa lïsichï!

1 PETRO 2:1

Opïstenö nyu ghöyïn anka tïkwïl nko lïsa nko nyonyintön nko kiswomöt.

1 PETRO 3:11

Mïchini kulowitö kegh ghöyityö akwigh cho karamach, mïchini kïmara kong kalya akïpïrpïr ompö mïkulöwunyi kïmïkul.

NGONGUT 7:14

Olenchan, “Monkïtönye echotyon, nyi nyo inkït.” Kïlenchanïn, “Pïchï chay kiwer kiwongunöt nyo ngwan. Kimwata chane sïrokökwa kisön pö Wawa Kech kïrelachitu.