IGHISYEWUT 4:1 - PIPÏLIA

¹ Akwotini kimi Yoana nko Petro kïngölochini pich kurelï tïsï nko wowïn nyo kighyongchini pich cho kiripöy Kö pö Tororöt* nko Sadukaytin* wölo mi chane,

IGHISYEWUT 4:1 ပူးပေါင်းရင်းမြစ်များ

MATAYO 16:12

Atolapay kunkïtï kinetankachi lö melö kirirchini nyinte chane lö orip kegh mumar cho kïpöghisyegho ompö makatin, wölo kimököy chane kïripo kegh kinetut pö Parisaytin nko Sadukaytin.

MATAYO 22:16

Kïlenyona, kïyonta kinetankakwa nko pich cho rïpanpa Erode kïpa kïtep nyinte lö, “Konetin, kinkïtöcha lö ingölonenyi ngala man ainetenyi kunkïtï chi lö ne nyo möko Tororöt nyinte. Amewöghenyinye chi, ompöwölo meyongenyinye wowïn pö pich.

MATAYO 27:20

Kïkïnkïn tïsï cho echön nko poy söpïchini lö, “Atepa Pilato kutyak Parapas tökïkonï Yeso kepar.”

MATAYO 27:41

Kukworyö tïsï cho echön ngalechoni nko koneti kirurut tïkwïl, kïlö,

MATAYO 3:7

Otini kisïwa Yoana Parisaytin* nko Sadukaytin* cho chang kïpkonchini nyinte atökepatisan, kïlenchï, “Heywey moroyutchï! Ngo nyï kömwowokwa lö, omukekwa ochïwïtone sito Tororöt nyo ngwïnöy?

LUKA 20:1

Asistanka ato kimi Yeso kuneto pich Kö pö Tororöt* akwomchini chane Lökoy cho Karamach, kïpkonchï tïsï cho echön nko koneti kirurut nko poy.

LUKA 22:4

Kïlenyona, kïwö Yudas kïngalan nko tïsï cho echön nko yetïntino ripi Kö pö Tororöt,* kingölonöy or nyo kimuköy Yudas kwipchï Yeso chane.

YOANA 15:20

Anana ngölyontonay kyomwowokwa lö, ‘Möminye mötworintö nyo wow kïsir echotyontenyi.’ Ato kichopanïn chane kong, kuchopokwa kong tïkwïl, ntökiter chane ngölyontenyan, kötöteröy nyinkwa tïkwïl.

YOANA 18:3

Kïwö nyu Yudas kutang paranoni, kimi nyinte nko söpïch pö soch nko askarin cho kiripöy Kö pö Tororöt* cho kiyonï tïsï cho echön nko Parisaytin,* kitïng chane karikwa, akipöy tatïn nko tapayaw.

IGHISYEWUT 4:6

Kïtuyö nko Anas nyo kile Tïsin nyo Wow* nko Kayapa nko Yoana nko Aleksanda nko walaka cho kipö ara Tïsin nyo Wow.

IGHISYEWUT 5:17

Atolapay kïnget Tïsin nyo Wow* nko kongotichi cho kile pipö Sadukaytin* kwipö sikong kiyoktoghï. Kïlenyona kïmach kwighchï chane kïgh nyo gha.

IGHISYEWUT 5:24

Nyini kilïm ngalechoni yetïn pö ripi Kö pö Tororöt nko tïsï cho echön, kïtöngönchï lö ne kïtö nyini kegha.

IGHISYEWUT 5:26

Kïwö nyu yetïnay nko askarinechi kumïtï kiyoktoghï, amelö ompö kichiköt ompöwölo kiwagh lö, wiro pich chane koghïn.

IGHISYEWUT 6:12

Kumï ompö aranoni kutö sirmoy pich nko poy nko koneti kirurut, kïpka wölo mi Stepano akïnam akumïtyï tawu Kokwö.*

IGHISYEWUT 6:7

Kïlenyona kulet tagh ngölyonto Tororöt kïyasta akïtösisyö nyoman ompö Yerusalem kiyitöto kighönï, kughan tuyot nyo wow nyo pö tïsï tïkwïl kighanatanoni.