IGHISYEWUT 21:3 - PIPÏLIA

³ Kepkanecha meli ntökesïwa koro Kupro akemaltecha kemolchï ewu löt, keletacha tagh ntöket Sirya, kughyö melincha ompö Tiro, ompöwölo wöloni wölo kikirekuno tïku melincha.

IGHISYEWUT 21:3 ပူးပေါင်းရင်းမြစ်များ

2 SAMWEL 8:6

Kïtek Daudi möngenyi pö lïk Sirya nyo pö Damaska, kïlïkwï pipö Sirya mötwori Daudi akï kwöghchï nyinte surï. Kutö ECHOTYON Daudi rïntagh ompö wop anka tïkwïl wölo kiwö poryot.

TUMWÖY 45:12

Ipunyi ropöw pipö Tiro, pïrchini sïkön kïchömeninyi kegh.

TUMWÖY 87:4

Oyitan ompö pich cho nkïtanïn, Raap nko Papilon. Oyitan tïkwïl pipö Pilisti nko Tiro nko Etopya, le akonga ompö pipö Yerusalem.

ISAYA 7:2

Nyini kilïm pöytoghinto Yuda lö kikwitï pipö lïk cho pö Sirya koro Israel, kïmïgh tya nyinte nko pikachi ntökïkarkegh nko ket cho ketimtim yomat.

MATAYO 11:21

Kilenchï, “Heywey we, Korasin! Heywey ompö nyi Petsayda tïkwïl! Ompöwölo ntökikigha Tiro nko Sidon töngönchintin cho kikighwekwa, kitö kikïkötö köny chane akulach sarankwachtin akuchukö kegh aren.

MATAYO 4:24

Kïyasta ngalechi kïghömï koro Sirya kïmïkul. Kemïtyï nyinte pich löwïr cho kinam sömewut cho sisinchö nko cho kitïng nyörilwok cho sisinchö nko pich cho kipote oy cho ghach nko cho ki lïwöy kïgh nko cho kiyuyisyö porwöy, kusop Yeso pïchoni löwïr.

LUKA 10:13

“Heywey Korasin! Heywey Petsayda! Ompöwölo ntökikigh töngönchin ompö Tiro nko Sidon, le wölo kyaghan ompö kwenunkwa, kötökikuchukö kegh aryon piko kanastinechoni könyisyok, akulak sarankwachtin omö kiporunöt lö kipïstö chane ngokikwa.

LUKA 2:2

Kipö kiyitötononi tagh kekir atoni kipöytoy Kurenio koro Sirya.

IGHISYEWUT 11:19

Kitoyö nyu kïyasta kighönï ompö kichopata kong nyo kitï atoni kikïpar Stepano. Kïpa walaka ntökwit Poinike nko Kupro nko Antiokia, kwomchinotoy lökoyechay pipö Yaudi opïn.

IGHISYEWUT 12:20

Kïnörekyï Erode pipö Tiro nko Sidon nyoman, kïlenyona kïtuyö pïchay akïpa kïngalan nko Erode. Otini kinam kongot nko Plastas nyo kiripöy wölo kimönyöy pöytoghintö, kïwö wölo mi Erode akïtep kalya, ompöwölo kitigho kegh korengwa omisyö nyo ngwïno oreto pöytoghintononi.

IGHISYEWUT 13:4

Akwotini kökikuyoktö Mïkulögh nyo Tïlil Parnapa nko Saulö, kïpa kïröytö Seleukia, kïpegha meli ntökwit Kupro.

IGHISYEWUT 15:23

Kutö chane kwip palalyantanï lentöy, “Acha chete kiyoktoghï nko poy akechï kighönï le akwa, kakïkonucha takwes kungwïn wölo omitekwa cho melö ochï pipö Yaudi cho omöngöy kanasyanta Antiokia nko koro Sirya nko Kilikia.

IGHISYEWUT 15:39

Kutorö tiyogh nyo wöw kwenungwa ntökïtenö kïpesyö chane. Kumït Parnapa Marko akïpegha meli kutang Kupro,

IGHISYEWUT 15:41

Kiwö kuwerata sirya nko Kilikia, kukilotoy kighöni ompö kanisen kïchïchïm ompö kighanatengwa.

IGHISYEWUT 18:18

Kïkany kïmala ngalechona, kïtöpö Paulö Korinto nko kighönï osis cho chang, atolapay kïpïstö chane akïweghö meli nko Prisila nko Akwila kutang Sirya. Kirwach Paulö mötïnyi kïtomö kïweghö kanasyanta Kenkrea ompö muma nyo kyam ompö tawu Tororöt.

IGHISYEWUT 21:16

Kïnomnyotö nko acha kinetanka walaka cho pö Kaysaria, akumïtecha kepa kempurö kö pö Mnason, nyo pö Kupro, nyo kile akonga ompö pich cho kökikughan ato kikoghit.

IGHISYEWUT 21:2

Kenyorucha ompö atoni meli nyo kiwetöy Poinike, kelangacha akepeghecha.

IGHISYEWUT 21:7

Keletacha tagh nko pantanyo kïngeta Tiro ntöketï Tolomay ketakwesacha kighönï ompö atoni akempuröcha nko chane asakonga.

IGHISYEWUT 27:4

Kengetecha atoni ompö meli kepa keghöpunö kegh Kupro ompöwölo kikutuno tawuncha yomat.

IGHISYEWUT 4:36

Kïnget Yosep nyo kikurö kiyoktoghï Parnapa (nyo ato kïwaghach kï, “Chi nyo kilöy pich”), ki chi pö Lawi nyinte, nyo kingwïna Kupro.

KIRWOKÏ 10:6

Kwigh pipö Israel ngokï ngat ompö tawu ECHOTYON otini kisagh Paaltin* nko Astarotin* nko tororötino pipö Sirya nko pipö Sidon nko pipö Moap nko pipö Amon nko pipö Pilisti. Kïpïstö chane kïsagh ECHOTYON.