IGHISYEWUT 2:4 - PIPÏLIA

⁴ Kungwïnchï chane löwïr Mïkulögh nyo Tïlil, akutor kïngalana kutïw walaka le wölo kitöntö Mïkulögh chane kïngalan.

IGHISYEWUT 2:4 ပူးပေါင်းရင်းမြစ်များ

2 SAMWEL 23:2

Ngölonöy Mïkulöwu ECHOTYON kuwerwanïn, ongölonenan ngölyontenyi nyo mwowanïn.

ISAYA 28:11

Wölo atomalïmakwanye ngalechan, kïpöghisyegho Tororöt puntoni walaka kunetokwa ompö kutïw cho molïmekwanye.

ISAYA 59:21

Atolapay aman mumanï* nko akwa: Töpo nko akwa kokay, Mïkulöwunyan nyo mi nko akwa, nko ngalechan cho kotönön kutïwekwa. Töpisot tïkwïl nko monekwa nka monekwa, kïngeta ye kutang tagh, kokay nko kokay.”

YEREMIA 6:11

Kinyïghitanïn nörekyo ECHOTYON ompö chane, amomukanye okörchini orinyan. Kïlenchanïn nyu ECHOTYON, “Mïlchinö nörekyononi monïng ompö kanasyan, mïlchinö tïkwïl tuyoghtino chumwak nko pich löwïr. Kïrongöy mïrön nko kor nko ompö poy cho kiyositu lö ngo.

ESEKEL 3:11

Atolapay iwö wölo mi pikökwa cho mi pïnotön aimwochï lenyini kamwaghan ante Echotyon TORORÖT, kalïm anta makïlïm.”

MIKA 3:8

Wölo nyo le ani otïngetan owesyö Tororöt nko mïkulöwu ECHOTYON nko man nko owesyö ato mwochan pipö Israel ngokikwa.

MATAYO 10:19

Otini kemïtyokwa chane wöloni le ka kirwok, mosus kegh lö, ekemwoghöy ne anta kïmwoytoy onö, konokwa Tororöt ngölyon nyo omwoghekwa.

MARKO 16:17

Rïpotoy möcheywechï pïchona ghönöy, tulöy oy ompö kaynenyan akïngölonöy kutïw walaka.

LUKA 1:15

Ororitu nyinte nyoman ompö tawu Echotyon amögheghönye dipay* anta kumïn. Kinyïghitöy nyinte Mïkulögh nyo Tïlil kïngeta kïmi mu.

LUKA 1:41

Kïkany kïlïm Elisapet takwespa Marya, kïpirön mönïng ompö muyenyi. Kungwïnchï Elisapet Mïkulögh nyo Tïlil,

LUKA 1:67

Kikinyïghit Sakaria papoto Yoana Mïkulögh nyo Tïlil, kïngorsyö lö,

LUKA 12:12

Ompöwölo porwokwa Mïkulögh nyo Tïlil atoni ngölyon nyo mïchini amwaghakwa.”

LUKA 21:15

Ompöwölo okonokwa ante kuti nko ngöghomnye nyo memukönye pungkökwa kuyokwï kïgh amemukönye kumöl.

LUKA 4:1

Kinyïghitate Mïkulögh nyo Tïlil Yeso otini kimïlegha Yordan. Kuntöghoghchï Mïkulögh kïwö surkwen,

YOANA 14:26

wölo ato itï Kingörokintö, nyinte kï Mïkulögh nyo Tïlil nyo yonu Paponyan ompö kaynenyan, kunetakwa kïgh anka tïkwïl akunonwokwa ngalechoni löwïr kökomwowokwa.

YOANA 20:22

Kikany kïmwa lenyoni, kumunchï chane akïlö, “Atacha Mïkulögh nyo Tïlil.

IGHISYEWUT 1:5

Kipatisan Yoana pich ompö pögh, wölo kipötisönokwa ompö Mïkulögh nyo Tïlil ato lekït.”

IGHISYEWUT 1:8

Wölo onyorunekwa owesyö otini körökyokwa Mïkulögh nyo Tïlil alïkukwa nyu söwichan ompö Yerusalem nko koro Yudea kïmïkul nko Samaria, ntökwïtïta sörömu ngwïny.”

IGHISYEWUT 10:46

Ompöwölo kilïm chane kïngalana kutïw walaka akïpechï kïsölisyö lö, wow Tororöt tya. Kïngalan Petro lö,

IGHISYEWUT 10:47

“Kakïnyorï pïchï ye nyu Mïkulögh nyo Tïlil, kïle wölanye kikïnyoruntecha. Mi chi nyo tögho chane kepatisana pöghï?”

IGHISYEWUT 11:15

Kïkany otorön angalan, kïrökunö yïm Mïkulögh nyo Tïlil kïrökyï chane le wölanye kirökyecha otini le towunöt.

IGHISYEWUT 11:24

Ki chi nyo karam nyinte, akïnyïghitate Mïkulögh nyo Tïlil nko kighanat tïkwïl. Pich cho chang kughan Echotyon.

IGHISYEWUT 13:52

Akingörekyote nyoman kighönï cho kimi Antiokia akïnyïghitate Mïkulögh nyo Tïlil chane nyoman.

IGHISYEWUT 13:9

Atolapay kuchirchï kong Saulö, nyo kikuro Paulö nyo kinyïghï Mïkulögh nyo Tïlil, ponintonay

IGHISYEWUT 15:8

Akakuporchï pïchoni Tororöt, nyo nkït kinonut pö pich chamatenyi otini kitö chane Mïkulögh nyo Tïlil le wölo kikonecha tïkwïl.

IGHISYEWUT 19:6

Nyini kikana Paulö ewunechi parakungwa, kungwïnchï Mïkulögh nyo Tïlil, kïngalana kutïw cho sis akïngor ngal cho pkono wölo mi Tororöt,

IGHISYEWUT 2:11

Mi walaka cho pkono Krete nko Arapia. Kakïlïmacha chane kïmwagha kutincha ighisyewut pö Tororöt cho echön!”

IGHISYEWUT 2:3

Atolapay kuchumï tïkwïn cho lata lyopötino ma, akïrökyï chi anka tïkwïl ompö chane.

IGHISYEWUT 4:31

Nyini kuwany kïsoghöy, kïpotan atoni kinyoryeghö chane. Kenyïghit chane Mïkulögh nyo Tïlil, akïngalan ngölyonto Tororöt ompö nyakanat.

IGHISYEWUT 4:8

Kuyokyï Petro ompö owesyo Mïkulögh nyo Tïlil pïchay lö, “Akwa kintöghoghï nko poy:

IGHISYEWUT 6:3

Kïlenyona tupchenichu, akïla ompö kwenunkwa pich mut nko odeny cho kinkït lö ghönote, akï nyïghitote Mïkulögh nyo Tïlil nko ngöghomnyö atöketönö chane kughyongchï pöghisyonï.

IGHISYEWUT 6:5

Kuten ngölyotononi ompö pïchay lapay, kïlenyona kïkïl Stepano, chi nyo kinyïghitate kighanata nko Mïkulögh nyo Tïlil nko Pilipo nko Prokoro nko Nikanor nko Timon nko Parmena nko Nikola nyo pö Antiokia rwakana kighanata pipö Yaudi.

IGHISYEWUT 6:8

Stepano, kï chi nyo kinyïghitate pöropchö nko owesyö nyo kigho töngönchin cho echön ompö kwenu pich.

IGHISYEWUT 7:55

Wölo kinyïghitate Mïkulögh nyo Tïlil Stepano, kuros yïm akïsïwa ororyo Tororöt nko Yeso nyo kighyongo ewu tagh nyo pö Tororöt.

IGHISYEWUT 8:17

Atolapay kukana ewunekwa parakungwa, kïtak chane nyu Mïkulögh nyo Tïlil.

IGHISYEWUT 9:17

Kïlenyona kïwö Anania, kïlït kö, akukanagh ewunechi Saulö. Kïlenchï, “Tupchenyu Saulö, köyonwanïn Echotyon Yeso, nyoni kichumchinyi ompö or otini kengwïnenyi yi. Köyonwanïn angwïn wölo imitenyi atemuka rosïtena ngat, akenyïghitïn Mïkulögh nyo Tïlil.”

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

1 KORINTO 12:10

Kutö chitö anka owesyö nyo igho töngönchin kutö chitö anka owesyö nyo omtoy ngölyonto Tororöt kutö anka owesyö nyo nkïtuno sisïn nyo mi kwenu konut cho pkono Mïkulöwu Tororöt nko cho möpkonocha kutö anka konut nyo ngölonöy ngala pich cho le to, kutö anka owesyö nyo wöghököy ngalechoni.

1 KORINTO 13:1

Kïrkegh angalanan ngala pich anta cho pö malayken amotïngetanye chomnyogh alatan pat kwïrkwïryon nyo chöghöy anta kadöngöt.

1 KORINTO 13:8

Mötïngnye chomnyogh söröm. Weröy ropöwo amtagh akuwonyot ropöwo ngölyep cho sis akuweröy ngöghomnyö.

1 KORINTO 14:18

Oyokyinan Tororöt sörö ompöwölo ongölonan kutïw cho sis kïtïlakwa löwïr.

1 KORINTO 14:5

Omökan ongölonekwa kut nyo sis, wölo kötomökan tya osïkekwa ropöwon nyo pö amtaghata ngölyonto Tororöt, ompöwölo tïng kinyiwut tya chi nyo omtoy ngölyonto Tororöt, kïtïl chi nyo ngölonöy kut nyo sis, kïpoto ato mi chi nyo wöghöku ngalechoni mwoghöy nyinte, atökukil kanisa.

EPESO 3:19

Ankïtï chomnyo Kristo nyo molu chïreryö anka tïkwïl, akenyïghitak kipuntowut pö Tororöt löwïr kuwachta.

EPESO 5:18

Motömesyeghö kumïn, ompöwölo wonyokwa, wölo akanya kenyïghitak Mïkulögh nyo Tïlil.

EPESO 6:18

Asagha kïnomnyö ompö owesyo Mïkulögh nyo Tïlil. Osomö Tororöt kingarakat. Osyepisyenö moghochö, osoghchinö pipö Tororöt löwïr kïtenö osis

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.

2 PETRO 1:21

Ompöwölo möminye ngölyonto werkoyon nyo le ompö akonga nyo kingwïna machata ptangengmöt, wölo kingalan pich ngölyon nyo kingwïna wölo mi Tororöt otini kintöghoghchini chane Mïkulögh nyo Tïlil.

1 SAMWEL 1:14

Kïlenchï Eli nyinte, “Itömösenyi nko oyï? Pïstenö dipay!”*

1 SAMWEL 10:10

Otini kit chane Kipea, kuryam nko söpïch pö werkoy kungwïnchï mïkulöwu ECHOTYON nyinte ompö owesyö nyo wow, kïngorsyö ompö kwenungwa.