IGHISYEWUT 2:10 - PIPÏLIA

¹⁰ Pkono walaka Prukia nko Pampulia nko Misri nko okumpö Lipya wölo lekïto Kurene akïmi kwenuncha to cho pkono Rumi akwompö pïchete mi cho le pipö Yaudi nko cho kikïcham kïrïp kighanata pipö Yaudi.

IGHISYEWUT 2:10 ပူးပေါင်းရင်းမြစ်များ

TOWUNÖT 12:10

Kimito kömöy osiswechoni koro Kanan. Kingwan nyoman kömöyunoni nyo kigh Apram kïröyto ngat kutang okumpö tagh ntökwit koro Misri tökumï kïmang wöloni osis cho te.

ESTA 8:17

Kingörekyö pipö Yaudi akïturonchö akwam akor ompö mikoa nko kanasyan anka tïkwïl wölo kikïlïma kiyomisöto pöytoghin akwigh kïlïkwï asis nyo wow nyo pö kimïny. Kwigh kegh piko koros cho chang kïlïkwï pipö Yaudi ompöwölo kiwagh chane pipö Yaudi.

YEREMIA 46:9

Kïlenyona akwa angoletino poryot, kepe nyu tagh! Nya kïchöghö yïm kighumötö nyo pö nkaritin cho pö lïk cho chutöy angoletinö! Nya kïpa tagh nyökon cho nkït kïnömöy longoy, nyökon cho pkono koro Etopya nko Lipya. Nko pipö Lud cho nkït kïporyeghö kotï.’ ”

ESEKEL 30:5

“Wonyot nyu lömïs Etopya nko Lipya nko Lud nko Arapia kïmïkul nko Lipya nko pich löwïr cho kinam kegh tïkwïl.”

DANIEL 11:43

chengöy nyinte kaplawachtina silpa nko koltin nko tïkwïn löwïr cho pö olyot cho pö Misri akïpar Lipya nko Etopya.

OSEA 11:1

Kyachaman Israel otini kile monïng, akurön nyinte kungwïna Misri.

SAKARIA 8:20

Lentöy ECHOTYON Kimuktoghin, “Itïtoy ato supuy kegh pipö kanastin cho chang kanasyanta Yerusalem.

SAKARIA 8:23

Lentöy ECHOTYON Kimuktoghin, “Pkonöy pipö punton cho le taman akïsïkwïr chi pö Yaudi akonga kïlenchini, ‘Kepe tïkwïl ompöwölo kakïlïmacha lö mi Tororöt nko nyi.’ ”

MATAYO 2:15

kumpur wöloni tökïtenö kïrapas Erode. Kighisyö ngalechoni lenyoni tökïlïkwï man ngölyonto Echotyon nyo kimwa kuwerï kuti werkoyon lö, “Kyokurön Werïnyu kungwïna Misri.”

MATAYO 23:15

“Heywey akwa koneti kirurut nko Parisaytin! Lïsï! Kapeghekwa nanamtin, aghyö koros löwïr lö tosïkö kighönin akonga akwotini konyorukwa aghakwa nyinte kunyara tya kïwö mapa kokay kïtïlakwa kïnyïl odeny!

MATAYO 27:32

Akwotini kimi kïpetöy, kïtuyeghö chi nyo kingwïno koro Kurene nyo kikïkuro Simon, kuchikyï nyinte kïkasan kimurtöwonto Yeso.

MARKO 15:21

Kuryam ompö araor nko chi nyo kikuro Simon, nyo kingwïno koro Kurene, kuchikyï nyinte kïkasan kimurtöwonto Yeso (chichoni kï ki papoto Aleksanda nko Rupo).

IGHISYEWUT 11:20

Wölo kïnget kighönï walaka, cho kipkono Kupro nko Kurene kutang Antiokia kïpa kwomchinotö pipö punton lapay, kïmwochï chane Lökoy cho Karamach cho pö Echotyon Yeso.

IGHISYEWUT 13:1

Akimito kanisa nyo kimi Antiokia werkoy nko konetï chane kï Parnapa nko Simion (nyo kikuro Lotuw) nko Lukio (nyo kingwïno Kurene) nko Manaen (nyo kinar nko pöytoghin Erode) nko Saulö.

IGHISYEWUT 13:13

Kiwö nyu Paulö nko pich cho kimi nko nyinte kïpegha meli kïngeta Papos ntökwit Perka kanasyan nyo mi Pampulia. Kïpïstö Yoana Marko chane ompö atoni akïwö kutang Yerusalem.

IGHISYEWUT 13:43

Kïkany kïngeta pïchay nyoryonay, kïrïp Paulö nko Parnapa pipö Yaudi cho chang nko pipö punton cho kikikïcham kighanata pipö Yaudi. Kïngölonchï Paulö nko Parnapa chane akukil kulet tagh kïmöngisyö ompö pöropcho Tororöt.

IGHISYEWUT 14:24

Kïkany kuwany kïpa kuwer koro Pisidia, kïpka ntökwitï Pampulia.

IGHISYEWUT 15:38

Wölo kilö Paulö merokonye, ompöwölo melö kitöpö nko chane ntökwit sörömu rutoghtöngwa, wölo kinya kïmïla akïpïsyï chane Pampulia.

IGHISYEWUT 16:6

Kirutö pïchoni kuwerata kor nyo kipesyö Prukia nko Kalatia, ompöwölo kimwochï chane Mïkulögh nyo Tïlil tömamta ompö okumpö Esya.

IGHISYEWUT 17:21

Kipöghisyeghö pipö Atene kïmïkul nko to cho kimi wöloni pöroyïn nyo wow kukoröy akïlïm lökoy cho relach.

IGHISYEWUT 18:2

Kïtuyeghö wöloni chi pö Yaudi nyo kikuro Akwila nyo kikïyichï Ponto, nyo kitökungwïno koro Talyan nko korkenyi Prisila, ompöwölo kimwa pöytoghintö Klaudio keyon pipö Yaudi löwïr kïpegha Rumi. Kiwö nyu Paulö kïrutochï chane

IGHISYEWUT 18:23

Kïkany kumpur wöloni osis cho te, kïwö kuwerata koro Kalatia nko Prukia, kukilotoy ompö wöloni kighönï lapay.

IGHISYEWUT 2:11

Mi walaka cho pkono Krete nko Arapia. Kakïlïmacha chane kïmwagha kutincha ighisyewut pö Tororöt cho echön!”

IGHISYEWUT 23:11

Kughyongö Echotyon oghononi ato kilekïto Paulö akïlenchï, “Inyakanitï! Ompöwölo kïle wölo kesöwintönchaninyi ompö yi le Yerusalem, kïmïchini söwintönchaninyi lenyoni ompö Rumi tïkwïl.”

IGHISYEWUT 27:5

Kyoghyecha nanampa Kilikia nko Pampulia, ketacha Mira nyo le kanasyanta Likia.

IGHISYEWUT 28:15

Kïkany kïlïm kighönï cho kimi Rumi lö kïpïnucha or, kïpka ntökwitï Donyo Apio nko Korïn Sömök cho pö To kïtorokecha. Nyini kïsïwa Paulö chane kïsal Tororöt akïsïch nyakanan.

IGHISYEWUT 6:5

Kuten ngölyotononi ompö pïchay lapay, kïlenyona kïkïl Stepano, chi nyo kinyïghitate kighanata nko Mïkulögh nyo Tïlil nko Pilipo nko Prokoro nko Nikanor nko Timon nko Parmena nko Nikola nyo pö Antiokia rwakana kighanata pipö Yaudi.

IGHISYEWUT 6:9

Wölo pikö walaka cho pö kö pö saghat* nyo kikïkuro pö, “Cho Tyokote,” nko pipö Yaudi cho kipkono Kurene nko Aleksandria nko walaka cho kipkono Kilikia nko Esya kumöl kegh nko Stepano.

RUMI 1:15

Nka nyï opïrchinan angwïn omwokwa tïkwïl Lökoy cho Karamach Rumi.

RUMI 1:7

Kakirwekwa nyu löwïr cho omitö Rumi cho chömok Tororöt akikïkurokwa alïkuna pikachi kegh: Nya kïkonokwa Tororöt Paponyo nko Echotyon Yeso Kristo pöropchö nko kalya.

2 TIMOTEO 1:17

wölo otini lawel kitï Rumi, kïmaranïn ntökïtenö kïnyorwanïn

NGONGUT 11:8

Ghömu nyu atoni mïntïruch ortïna kanasyantanoni wow, wölo kikïwudochï Echotyontengwa kimurtöwon. Kïkuro kaynata kanasyantanoni Sodoma, anta Misri ompö körkeyïn.