IGHISYEWUT 1:9 - PIPÏLIA

⁹ Kïkany kuwany kïngölonöy, kengwïsa nyinte tawungwa akep kïwö yïm kïsïwïyi chane ntökïtenö kïkarta polta.

IGHISYEWUT 1:9 ပူးပေါင်းရင်းမြစ်များ

TUMWÖY 68:18

Pusöy nyinte kutïng akumïtöy pich cho chang cho kikïnama lïkos akutöni penyï nyinte ropöw. Möngöy ECHOTYON wöloni.

WUWÖT 19:9

Kïlenchï ECHOTYON Musa, “Ongwïnchininyi ompö polta nyo tuw, atökïlïm pich tongölonan nko nyi, atökughaninyi kokay.” Kïmwochï Musa ECHOTYON ngal cho kimwa pich.

WUWÖT 34:5

Kïrökunö ECHOTYON polta akughyongö atoni nko nyinte akïkur kaynenyi lö, ECHOTYON.

ISAYA 19:1

Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

DANIEL 7:13

“Asïwan ompö sïwïyaghpa oghö, kungwïn ompö polta akong nyo lata ptangengmöt akïwö wölo mi nyinte nyo kisöpöy kïngata könyisyok kïtöpö tawunyi.

MARKO 16:19

Otini kiwany kïngölonöy Echotyon Yeso nko chane, kep nyinte kutang yïm akïtöpö okumpö tagh nyo pö Tororöt.

LUKA 21:27

Atolapay kïsïwa nyu chane Wero Chi kungwïno polta nko owesyö nko ororyö nyo wow.

YOANA 6:62

Ekïlïku nyu ne köny ato asïwekwa Wero Chi kïwetöy yïm wölini kingwïna otini le tagh?

IGHISYEWUT 1:11

akïlö, “Akwa pipö Kalilaya, ompö ne toghyongekwa arosöy yïm? Yeso nete kakimït kïwö yïm, kungwïnöy le nyete kasïwekwa kïwetöy yïm.”

IGHISYEWUT 1:2

ntökïtenö asisini kikimït kïwö yïm. Akwotini kitomö kïwö yïm, kurur ompö ara Mïkulögh nyo Tïlil pich cho kikikïlöwön kïlïkwï cho kiyoktoy.

1 TESALONIKE 4:17

Atolapay ketuyecha cho kïchï sötote atoni nko chane ompö poltoy atöketarocha Echotyon ompö mïröt atöketïpinö nyu kokay nko Echotyon.

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.

NGONGUT 11:12

Atolapay kïlïm werkoyichay le odeny kut nyo wow nyo kingwïna yïm nyo kilenchï chane, “Apusuna wölï!” Kïpa chane kïlïtöy yïm ompö polta kïmi pungkökwa kïtopönöy.

NGONGUT 14:4

Pich chane cho kikïrö kegh sïmnyontöno cheporesnan, ompöwölo ki kïltïte chane. Mi chane kïrïpöy Wawa Kech wop anka tïkwïl nyo wetöy. Kikïsörunö chane kwenu ptangengmötine walaka, akï chane cho kïnyoghöy keropchini Tororöt nko Wawa Kech.