IGHISYEWUT 1:8 - PIPÏLIA

⁸ Wölo onyorunekwa owesyö otini körökyokwa Mïkulögh nyo Tïlil alïkukwa nyu söwichan ompö Yerusalem nko koro Yudea kïmïkul nko Samaria, ntökwïtïta sörömu ngwïny.”

IGHISYEWUT 1:8 ပူးပေါင်းရင်းမြစ်များ

TUMWÖY 22:27

Nonöy puntonï löwïr ECHOTYON akïparta wölo mi nyinte, soghöy nyinte pipö ngwïny löwïr.

TUMWÖY 98:3

Kenan nyinte chomnyenyi nyo pö kokay ompö pipö Israel nko otöptanyi nyo ghanate. Kasïwa ngwïnya kïmïkul, rïntaghpa echotyon Tororötïncha.

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 66:19

akunkïtï lö ani nyo kachop kong chane. “Wölo otukan walaka ompö chane atayontan kïpa wölo mi puntonï cho lowöch, cho tomöcha kïlïm kaynatenyan anta sïwa wowïntönyan nko owesyenyan, petöy koro Tarsis nko Lipya nko Lud kïmi nko pich cho nkït kïwutïtoy kotï, akïpa ntökwit Tupal nko Akaya. Mwotïtoy pïchoni walaka wowïntönyan.

YEREMIA 16:19

Nyi we ECHOTYON, nyo ichï owesyenyan, owïngenan kegh wölo imitenyi asorunyi manamanïn nyarïl. Ghömïtyininyi puntoni ngwïny cho pkono wop anka tïkwïl. Pkonöy kïmwoghöy lö, “Kimötïngnye papotïnecha kïgh nyonikïny kïpoto tororötino putintön cho le kwïle.

MIKA 3:8

Wölo nyo le ani otïngetan owesyö Tororöt nko mïkulöwu ECHOTYON nko man nko owesyö ato mwochan pipö Israel ngokikwa.

SAKARIA 4:6

Kimwowanïn malaykayan lö, “Ipchinö Serupapel ngölyonto ECHOTYON nyo lentöy Irïntonenyi kïgh anka tïkwïl amelö ompö owesyo lïk anta owesyengu kegh wölo ompö owesyo mïkulöwunyan. Kamwa ECHOTYON Kimuktoghin.

MATAYO 24:14

Wölo kyomchini Lökoy cho Karamach pö Pöyunöto Tororöt ngwïny kïmïkul tökïlïkwï söwintön ompö pipö Punton löwïr kwitï nyu sörömu ngwïny.

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

MARKO 16:15

Kïlenchï, “Ape ngwïny kïmïkul amtatena Lökoy Karamach kwityï pich lapay.

LUKA 1:35

Kuyokyï malaykayantanay lö, “Ngwïnchininyi Mïkulögh nyo Tïlil akuwuro owesyo Tororöt nyo Töror Tya parakungu, kïlenyona monïngoni iyiyenyi kekuro nyo tïlil, Wero Tororöt.

LUKA 10:19

Kokonokwa owesyö atïkatena moroyut nko tokolonoy nko owesyö nyo orïntegho punyontonay le Onyöt akï möminye kïgh nyo atomelö chomnyenyan ompö akwa nyo muköy ntökïswangakwa.

LUKA 24:29

Wölo kïmir chane nyinte akïlenchï, “Mpurö nko acha, ompöwölo ki kwimön akikungwïn tuwïn.” Kïlenyona, kïlït kanasyantanay akïtöpö nko chane.

YOANA 15:27

Osöwintönchinanïkwa tïkwïl, ompöwölo kyomitekwa nko ani kïngeta otini le towunöt.

IGHISYEWUT 1:22

kutorö kipatisanata Yoana, ntökwit asisanya kikimït Yeso kïwö yïm. Lïku akong ompö pïchoni söwin nko acha nyo pö kitutunöto Yeso.”

IGHISYEWUT 1:5

Kipatisan Yoana pich ompö pögh, wölo kipötisönokwa ompö Mïkulögh nyo Tïlil ato lekït.”

IGHISYEWUT 13:31

Akïsïwa nyinte ompö osis cho chang pich cho kipusuna Kalilaya nko nyinte kïpka Yerusalem. Akï chane cho le söwichi ye ompö pipö Israel.

IGHISYEWUT 2:32

“Kigh Tororöt Yeso nete, kututunö ngwen, akechicha löwïr söwi.

IGHISYEWUT 22:15

Ompöwölo ilïkunenyi söwintenyi nyo imwochini pich löwïr kini kesïwenyi ailïm.

IGHISYEWUT 3:15

Aparakwa kitorinto söpon, wölo kigh Tororöt nyinte kututï akechicha söwi.

IGHISYEWUT 4:33

Kitötö kiyoktoghï söwintön ompö owesyö nyo wow lö, kitutï Echotyon Yeso, ketö chane pöropchö nyo wow.

IGHISYEWUT 5:32

Akechicha söwiko ngalechete acha nko Mïkulögh nyo Tïlil, nyo kikonï Tororöt kutö pich cho ghönöy nyinte.”

IGHISYEWUT 6:8

Stepano, kï chi nyo kinyïghitate pöropchö nko owesyö nyo kigho töngönchin cho echön ompö kwenu pich.

IGHISYEWUT 8:1

Aki akonga Saulö ompö pïchoni kicham kïma nyinte. Asisoni kanisa nyo kimi Yerusalem. Kichopata kong kïlïtï Kïtoyö Pich kighönï, kïghömï Yudea nko Samaria, kïpoto kiyoktoghï.

RUMI 10:18

Wölo nya tepan lö, kitomöcha so kïlïm chane ngölyontononi? Kikïlïm lö chïs! Ompöwölo mwoghöy Kikirut lö, “Kighömï kutïwekwa koros lapay akwitïta ngalekwa söremwok pö ngwïny.”

RUMI 15:19

nko ompö owesyo kiporut nko töngönchintin nko ompö owesyo Mïkulögh nyo Tïlil. Kïlenyona ompö westoghtanyan kïngeta Yerusalem ntökwit Iluriko. Kyamtan Lökoyechoni Karamach pö Kristo.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.