ESTA 7:4 - PIPÏLIA

⁴ Ompöwölo kikyaltanïn nko piköchan kewurecha akeparecha kewangecha lömïs ompö ngwïny. Ntökile nyo kikyaltecha pat le sekey cho le mïrön nko kor, kötosisyinan kegh, ompöwölo melö kölïku man osusön pöytoghin.”

ESTA 7:4 ပူးပေါင်းရင်းမြစ်များ

NEEMIA 5:5

Kïchï so melö akonga kisönköcha nko chikwa? Anta mökörönye kegh so monekwa nko chicha? Akwanyï kakighacha monecho kïlïkwï sekey. Akikyaltecha tipicho walaka kïlïkwï sekey. Kikewongucha, ompöwölo kicheng pich walaka pareni nko pareni sapipun.”

ESTA 3:13

Kikipö palaltinechoni ewuno pich cho kile kighyongtoghï kïghömï koros löwïr cho pö pöytoghin kemwatïta kewany pipö Yaudi lömïs ompö asis akonga akwasisoni kï asispa taman nko sömök nyo pö arawa Adar. Kïpöröy asisoni pipö Yaudi löwïr cho mïnkech nko poy, kor nko monïng. Kïmutö chane kotwon kïpuryö kisyonöt akeritö chane tïkukwa kïlïkwï pöröw.

ESTA 3:9

Nyo ato ichömenyi, imwatïta kepar chane löwïr. Ato ighanyi lenyoni, otïngetan man nyo okïniniot lö omukan okonu kilen cho tïlöy 340,000 cho pö silpa cho kïrorchini kaplawachpa pöytoghin.”

ESTA 7:5

Kïtep pöytoghintö Aasuero Esta lö, “Ngo nyinte nya? Akïmi onö chi nyo melö wöghöy kwighöy kïgh nyo lata nyoni?”

ESTA 7:6

Kuyokyï Esta lö, “Mwokïyontonete le Aman chichoni. Punyontencha nyo kenyarilecha kong nyinte.” Kïtopön Aman pöytoghin nko Esta akïmïgh lö chïrïm.

ESTA 8:11

Kichomchï pöytoghintö ompö palaltinechoni pipö Yaudi ompö kanastin löwïr kïtuyö atökïghet kegh, atö kuwur akïpar akuwany pung löwïr cho lentöy kïporyegho chane nko monekwa, ompö koros löwïr. Kipöröy pipö Yaudi chane akïsara tïkukwa.

ESTA 8:6

Ompöwölo omukan lö ne omïkukönöy osïwïyan kungwïnchini piköcha kiwurata nyo teno nyoni? Anta omukan lö ne asis otini kïmi kewongöy piko orencha?”

ESTA 9:25

Wölo otini kinkïtï pöytoghintö ngaleko wökononi, kukirta palalyan nyo kikar rïmononi gha ompö pipö Yaudi kimwowï Aman akïmwatïta kewudochï Aman ket nko werkachi.

DANIEL 6:2

Atolapay kïkïl pich walaka sömök kïmi nko Daniel cho kighyongchini chane atömenyorisyö ngala pöytoghin.

YOEL 3:6

Kyopökwa pipö Yuda nko Yerusalem oltochï pipö Krik anategha kïlowöchitunö korengwa.

AMOS 2:6

Lentöy ECHOTYON, “Melö oyodeghonan sitöt Israel ompöwölo kalta pipö man kïlïkwï sekey akwalta pönon kwegh.

LUKA 12:45

Wölo ato lenchï kegh mötworintonay, ‘Mengwïnönye kaw lawel echotyontenyan,’ atolapay kïmuny mötwori walaka cho le mïrön nko tïpïn, akïnget kwomisyö akïgheghsyö ntökïtamas,

KINONO KIRURUT 28:68

Yodonokwa ECHOTYON koro Misri ngat ompö melin, kïrkegh kimwowokwa lö, ‘Melö topetekwa wölini ngat.’ Opetekwa olchini kegh punkökwo ompö wöloni atalïkuna sekeyikwa, wölo puryö chi nyo mököy kwolokwa.”

YOSWÖ 9:23

Kïlenyona ye ochikwa chïpote alïkunekwa sekey kokay cho opösöy kwen apetöy pögh cho pö Kö pö Tororötïnyan.”

1 SAMWEL 22:23

Mpurö nko ani amewöghisyö, ompöwölo chi nyo yöröy söpontönyan kïyöröy nyengu tïkwïl, ato iminyi nko ani ichinyi ripote.”