ESTA 7:3 - PIPÏLIA

³ Kuyokyï Esta lö, “Ato konyorwan chömchin ompö tawungu, we pöytoghin, mekany keparanïn amekany kepar piköcha. Nyoni nyo le somötenyan.

ESTA 7:3 ပူးပေါင်းရင်းမြစ်များ

1 PÖYTOGHÏ 20:31

Kïlenchï mötworichi, “Kakïlïmacha lö, tïng kisyonöt nyo wow pöytoghi Israel. Nyo mïchini kelakacha sarankwachtin akerötyï pörköy kotwonicho akepa wölo mi pöytoghinto Israel. Töptoy syonchininyi akïsörunyi.”

2 PÖYTOGHÏ 1:13

Kïyonta ngat pöytoghintonay yetïntö anka nko askarin tömönut mut. Kïpusta kutïngay akupïtyï tawu Eliya akïsagh nyinte lö, “We, chi pö Tororöt, syonchante nko pikachu wey, sörunö söponwecha!

ESTA 4:8

Kutö tïkwïl Mordekay Atak palalyan nyo kikitö ompö Susa nyo kimwowï kewany pipö Yaudi. Kïmwochï Mordekay nyinte kwipchï Esta palalyantanini akïmwochï ntökïpköchï ngalechini kikir atökïwö Esta kïsagh pöytoghin kusyonchï pikökwa.

ESTA 5:8

“Ato konyorwan chömchin ompö pöytoghin, akwoto kesïwenyi pöytoghintö lö, karam konaninyi kini osoman, omökan apkanakwa nko Aman ngat olïkune toyechan asïyech ompö omisyö anka nyo oghwokwa. Atoni nyu ato omwowunyi kini omökan.”

ESTA 7:7

Kïngeta pöytoghintö konyi ompö nörekyö, kïpïstö dipaykachi akïwö kutang par nyo mi kiroryo ka pöytoghin. Wölo otini kïpköchï Aman lö kikïmut pöytoghintö kwighchï nyinte kïgh nyo gha, kudong löt atökïrirchï Esta kïsörï söpontanyi.

ESTA 8:5

“Ato ichömenyi, we pöytoghin, akwoto iyanganinyi akwoto isïwïyenyi lö tenate ompö nyi, ikany kekirta palaltin cho wöghököy palaltin cho kikir Aman wero Amedata nyo pö ara Akak ompö chïreryö lö tökewang pipö Yaudi cho mi koros pö pöytoghin löwïr.

AYUPU 2:4

Kuyokyï Onyötö ECHOTYON lö, “Pïstoy chi kïgh anka tïkwïl nyo tïng ompö söpontanyi.

YEREMIA 38:26

Ilenchï chane, ‘Komitan osoghöy pöytoghin tömeyodanïn ngat owö chela nyo mi ka Yonatan atömomeghchï wölini.’ ”