ESTA 6:9 - PIPÏLIA

⁹ Atolapay itö chi akonga ompö piköku nyo konyïtote tya, kulokyï chichoni sïro akumït nyinte kïwö kïlany angolenay akumït kïkarempan kanasyan kwen. Aikany kïmwatïta chichini konyïtote tya kïmwaghata otini wetöy, ‘Asïwena wölo idoy pöytoghintö chi nyo ngörökyini akïmököy kïkonyïtöy!’ ”

ESTA 6:9 ပူးပေါင်းရင်းမြစ်များ

TOWUNÖT 41:43

akïchömchï Yosep kïweghö nkarinyi nyo pö odeny nyo pö angoletin. Kintöghoghchini nyinte askarin cho le ripï cho kiteghyot ompö kut nyo wow lö, “Okïtïngö!” Kïlenyona kutö Parao Yosep paytagh nyo pö koro Misri kïmïkul.

ESTA 6:10

Kïmwochï nyu pöytoghintö Aman lö, “Wïyö lawel aip sïrokö nko angoletö lenyini kemwaghanyi aiwö ighchï Mordekay, chi pö Yaudi nyo töpo kuka pöytoghin tïkuchoni pö konyït, amepakachta kïgh nyo le ompö akonga ompö tïkuchoni kemwaghanyi.”

ESTA 6:6

Kïlenyona kïlït Aman köyay, kïlenchï pöytoghintö, “Kighchini ne nyo mökoy pöytoghinto kikonyïtöy nyoman?” Kimi Aman kilenchini kegh, “Ngo anka nyo ngörokyini pöytoghintö akïkonyït kïtïlanïn?”

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!