ESRA 9:9 - PIPÏLIA

⁹ Kikïchicha sekey, wölo melö kipïsyecha Tororötïnyo sekeynön. Kisyonchechanyi ompö tawu pöytoghinto Pasya nyo kichömwecha kesöpchenö atöketeka Kö pö Tororötïnyo* ngat akïkonecha kemanga koro Yudea nko Yerusalem nyo ripote.

ESRA 9:9 ပူးပေါင်းရင်းမြစ်များ

ESRA 2:68

Nyini kitomï pïnotchay Kö pö Tororöt ompö Yerusalem, kutötö poyi ortïn ropöw cho pö chamat töketeka Kö pö Tororöt ngat ompö atay kimi nyay pö köny.

ESRA 7:6

Ki kikirin Esra nyo ngöghom ompö kirurut pö Musa cho kikonï ECHOTYON Tororöt nyo pö Israel. Kighchï pöytoghintö nyinte kïgh anka tïkwïl nyo kisom, ompöwölo ki mi ECHOTYON Tororötïnyi nko nyinte.

ESRA 7:8

Kitor kungwïna Papilonia asisini tagh ompö arawa tagh akwitïta Yerusalem ato tenö nyini ompö arawa mut, ompöwölo ki mi Tororötïnyi nko nyinte.

ESRA 9:10

“Akï ye Tororötïnyo, kïlentecha ne ompö chï? Kikïpïstecha kirurutköku

NEEMIA 2:17

Wölo omwochan chane lö, “Osïwïyekwa nyarïlnï kïmitö ye nya? Kalïkwï ne tökï kïratyan Yerusalem le nyï nko kukotichi chï kikïpel? Apkana nyu ateka nayatu Yerusalem tömökiwongwï ompö arasï.”

NEEMIA 9:17

Kitagh chane kïterunyi ngaleku, amökïyangcha töngönchintinechanya kighanyi ompö kwenungwa. Wölo kwigh chane mötöwekwa kwoghïghitu atolapay kïkïl kintöghoghintengwa, kuyoda chane kutang sekeynön ngat ompö koro Misri. Wölo ichinyi Tororöt nyo pö lastagh nko pöropchö nko kisyonchin. Melö inörekenyi lawel wölo wow chomnyengu nyo pö kokay nko nyoni melö kipïstenyi chane.

TUMWÖY 109:12

Nya kupot chi nyo syonchini nyinte anta pagh monechi cho le pönon.

TUMWÖY 138:7

Ato witanïn kömpölelut, imitenyi iripanïn. Iripenaninyi köromnyeto pungköchan aisörunenanïn owesyengu.

ISAYA 14:3

Otini ketö ECHOTYON pipö Israel kimïny ompö kichopata kong nko nyarïltangwa nko sekeynönenkwa,

ISAYA 5:2

Kïngas chichay paranay akïwösï koghïn cho kimi pare, akïkatkat sapipun cho pïchighöch. Akïtek kïtar nyo ripsyegho, akïpel wölo kitïgho akweko sapipun. Atolapay kïköngisyö ntökïrïr sapipunechay, wölo kïlö achamcham kïngwonöchitu akwechay.

ISAYA 5:5

“Anyï nyu kïgh nyo oghchinan paranï pö sapipun. Ongongan karatu kïtïryalit angany nayatu nyo körtoy tökwam tïpö wudïn akïtïkatïk.

ISAYA 61:4

Teköy chane ngat kanastin cho kökilïkwï kïratis könyisyok, pintitöy ngat kanastin cho kirulyö, ompö kinyarat nyo pö pïnwöy cho chang.

ESEKEL 11:16

Kïlenyona lenchinö chona le pïnot, lentöy Echotyon TORORÖT, ‘Kïrkegh kyopön chane koros cho lowöch, atoytoychï wölini, tomitan nyete le ye nko chane ompö koroswechoni kipa chane.’

DANIEL 9:25

Kïlenyona nkïtunö akïpköchin lö lïku könyis mut nko odeny kïnyïl mut nko odeny kïngata otini kakïmwowï ketek ngat Yerusalem ntökïtenö kungwïn pöytoghintö nyo kikengot. Kïteköy Yerusalem nko ortïne nko nïyetkö ompö könyis 62 kïnyïl mut nko odeny, wölo osiswo kömpölelyö choni.

AKAY 1:9

“ ‘Kyokönekwa lö kilöy pagh cho chang, wölo olökwa cho ngörï. Kïkany paghechini kyopukwa kaw, akutïtan kïpa lö weng. Ompö ne taghan lenyoni? Ompöwölo kirul Konyan le nyï, kïmi chi anka tïkwïl ompö akwa kïsïngo konyi.

SAKARIA 2:5

Ompöwölo lentöy ECHOTYON, ‘Olïkunan ante nayatu ma nyo witöy Yerusalem. Otöponan orinyi alïkwï ororyenyi.’ ”