ESRA 9:7 - PIPÏLIA

⁷ Kïngata osiswo papotïnecha nko ye, kikelelacha nko pöytoghicho nko tïsicho aketönecha mori pöytoghi pipö punton akwompö ngokicha, keparecha akechengenecha tïku akerangecha kelïkuna pïnot, kenyerecha akeroröchecha ompö arasï nko nyete le ye.

ESRA 9:7 ပူးပေါင်းရင်းမြစ်များ

1 PÖYTOGHÏ 8:47

iterchï piköku sowutkökwa. Atokötö chane ngokikwa ompö korononi, akïsaghinyi, akïnganyta ngokikwa nko ghöyityengwa, iterchï chane sowutkökwa, we ECHOTYON.

2 OTÖPTINO OSIS 29:6

“Ompöwölo kilel papotïnecho akwigh ngokï ompö tawu ECHOTYON Tororötïnyo, kipïstö chane nyinte, akïkany kuros konyikwa kareran, akïpörtochï pötogh möngo Tororöt.

2 OTÖPTINO OSIS 30:7

Malïkwï papotïnekwo nko werkökwo cho kimeghancha ECHOTYON Tororöto papotïnekwa, tökïtenö kïpïstö kïnyörïlyö chane le wölo asïwïyekwa.

2 OTÖPTINO OSIS 34:24

mwoghöy ECHOTYON lö, ‘Oyonchinan kïgh nyo gha Yerusalem nko pich cho möngöy wöloni, pkonöy chïputchay löwïr kikikirchi kitapunay kikisomönö tawu pöytoghinto Yuda.

ESRA 9:13

Kïpkonchecha ye nyu choni ompö otöptinecha cho ghach nko ngokicha, wölo nyi Tororöt melö kimungechanyi le otini kimïchini, wölo kepïstechanyi kesöpchenö.

NEEMIA 9:30

Kimïkukönönyi könyis cho chang ompö chane airirchinyi ompö Mïkulöwungu kuwerï werkoyköku, wölo kimöterchïcha chane kïlenyona itönönyi mori pipö punton.

ISAYA 64:4

Möminye chi nyo le ompö akonga nyo kikïsïwa anta lïm Tororöt nyo kikongityot nko nyi, nyo ighchini tïkwïn cho pö töngönchin pich cho köninyi.

YEREMIA 25:18

Cho pö tagh kïgha kï kanasyanta Yerusalem nko kanastina Yuda nko pöytoghikwa nko kintöghoghikwa. Lïku nyu koroschoni surkwen akï nyo atosïwa pich kwotyö. Kïpöghisyegho kaynengwa ompö chïpö nko nyete le ye.

YEREMIA 3:25

Kïlenyona mïchinecha kewirchinö kegh ngwïny ompö arasnï kanamecha. Nya kulumecha kiratatenyo ompöwölo, kïngeta kechicha mïnkech, kikighchicha nko papotïnecha ngokï ECHOTYON Tororötïncha, atökeghchinecha nko ompö nyete le ye. Melö ompö kitöketeracha kuti ECHOTYON Tororötïncha.”

YEREMIA 32:23

Kipka chane kïmang lenyoni akïcheng kïlïkwï nyingwa. Wölo nyu melö kiter ngaleku amelö kirïp kirurutköku. Melö ompö kigh lenyini kimwochinyi chane. Nka nyu nyoni kipïsinyi kïnyorï nyarïl nyo tenö nyï.

YEREMIA 32:32

akwompö ngokï cho kigh pipö Israel nko Yuda kïmi tïkwïl pöytoghï nko kintöghoghï nko tïsï nko werkoykökwa.

YEREMIA 44:22

Akwompöwölo kilil ECHOTYON ngokikwa choni kyaghakwa ntömakïkamaghnye, lïku yenyu korenkwa kïratyan nyo puryö chi nyo möngöy akï nyo otyot pich ato sïwa. Kïpöghisyegho kaynenkwa ompö chïpö.

YEREMIA 44:9

Kowutyeghökwa so ngokï cho kigh papotïnekwa nko pöytoghi Yuda nko korukwa ompö koro Yuda nko kanasyanta Yerusalem?

LOK 5:7

Kigh ngokï papotïnecha amelö tökïmi ye nko acha, wölo kïmicha ye kewongu ompö ngokikwa.

ESEKEL 11:9

Otulenokwa ori, atönokwa mori pipö sany tökurwokwekwa kirwoko meghat.

ESEKEL 39:23

Tökunkïtï puntonï lö kipa pipö Israel pïnotön akwompö ngokikwa ompöwölo kighwanïn ngal cho kïkïröy. Opörtochinan chane patagh atolapay opïsyan chane pungkökwa, tökuwany chane löwïr ompö chok.

KIYITUT 32:14

Anyï ye kamachakwa arïpa ngaleko papotïnekwa, pïnï pö pich cho le mwokïyis cho mököy kwipchini nörekyo ECHOTYON pipö Israel ngat!

1 SAMWEL 12:15

Wölo atomoterchikwanye ECHOTYON kirurutkachi, kïkonokwa ECHOTYON sitöt le papotïnekwa.