ESRA 9:6 - PIPÏLIA

⁶ alenchï, “We Tororötïnyu, ochan lalïyanate osyol tokochunyu kurosinyi, ompöwölo kitösisyö kïchangit ngokicha nyoman, teno ghöyityencha ngwïny nko yïm.

ESRA 9:6 ပူးပေါင်းရင်းမြစ်များ

NGONGUT 18:5

Ompöwölo kakïchangit ngokichi tya akïpas kegh ntökwit yïm amöwutyeghonye Tororöt ghöyityenyi.

TUMWÖY 38:4

Ketunganïn ngokichan, nïkisïn nyo momukanye osïtöy.

2 OTÖPTINO OSIS 28:9

Kimito werkoyonto ECHOTYON nyo kimöngöy Samaria nyo kikuro Oded, kiwö nyinte kïtarok lïk nyo kirotu kungwïnöy Samaria akïlenchï, “Kinörekyï ECHOTYON Tororöt papotïnekwa pipö Yuda nkanyoni ketö chane morikwa wölo kongïrökwa chane ompö kililat ntökwit ngölyontononi wölnö le yïm.

LUKA 15:21

Kïlenchï weri, ‘Papo, kyoghchan ngokï Tororöt, awunyi tïkwïl, amelö tökïmïchinanïn kekurenanïn werïngu.’

AYUPU 42:6

Kïlenyona kolïmchan kegh arasï ompö ngalechan, akötan ompö terïtyon nko aren.”

ESRA 9:15

Iponyi man, we ECHOTYON Tororöt pö Israel, wölo keghechanyi kesöpchenö, wölo rosa kakïngangtecha ye ngokicho ompö tawungu, ompöwölo melö mi chi nyo muköy ntökughyongö tawungu akwompö ngokï.”

RUMI 6:21

Ekï ne tösunötö nyo kyonyorukwa atanye ompö tïkuchoni köpköchokwa ye lö pö arasï nya? Ompöwölo sörömuto tïkuchoni kï meghat!

ESEKEL 16:63

Olöstewunyi lelutköku löwïr cho kighanyi, wölo otini kenananyi, nöminyi kïgh kut ompö arasï.” Mwoghöy Echotyon TORORÖT.

YEREMIA 31:19

Kikyopoton apïstö arengu, wölo kokötan Otini kinetaninyi osyonchan kegh, asöchan kegh arasï ompöwölo kirïpatanïn ngokichan cho kyaghan otini kyochan mïnïng.’

YEREMIA 8:12

Ayo, kisïwa chane arasï kwighöy tïkuchoni töghanïn kisön nya? Ewo! Kimanamnye arasï nyonikïny, ameporïnye ompö otyogh! Kïlenyona, rulsot chane le walaka cho kikïrulyö, akuwonsot lömïs otini komungön chane. Mwoghöy ECHOTYON.

YEREMIA 6:15

Ayo, kisïwa chane arasï otini kighöy tïkuchete töghanïn kisön nya? Ewo! Kimanamnye arasï nyonikïny, ameporïnye ompö otyogh. Kïlenyona rulsot chane le walaka cho kirulyö, akuwonsot lömïs otini komungön chane.” Mwoghöy ECHOTYON.

YEREMIA 3:3

Nka nyï kipot rop lö weng, amakïminye ropay pö sarngatat. Kïrkegh choni löwïr, kiyomö nyi konyïn le chepores nyinte, metïngönyinye arasï ompö nyo le kite.

ISAYA 59:12

“Chang ngokicha cho kakiwucha nyi, we ECHOTYON. Rwokyinecha ngokicho. Kinkïtöcha ngokichoni löwïr.

ISAYA 1:18

Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

AYUPU 40:4

“Rose, ochan kïgh nyo makes, oyokunyi ne? Kanaman kegh kut achïrïm.

ESRA 9:13

Kïpkonchecha ye nyu choni ompö otöptinecha cho ghach nko ngokicha, wölo nyi Tororöt melö kimungechanyi le otini kimïchini, wölo kepïstechanyi kesöpchenö.

TOWUNÖT 13:13

Ki ghach pich cho kimi Sodoma, kighchï ECHOTYON ngokï cho ghach.

LUKA 18:13

Wölo kughyongö kwöghintonay pö surï otinöna, akimemïnye ntökïsyol tokochunyi kuros yïm. Atolapay kïwira morichi takat kosyochï kegh akïlö, ‘Syonchante Tororöt, ochan mwokïyon.’ ”

1 PÖYTOGHÏ 8:47

iterchï piköku sowutkökwa. Atokötö chane ngokikwa ompö korononi, akïsaghinyi, akïnganyta ngokikwa nko ghöyityengwa, iterchï chane sowutkökwa, we ECHOTYON.

YEREMIA 51:9

Kilö pipö koros walaka cho kimöngöy Papilon, ‘Kikïlecha kesopö Papilon wölo kesïwecha lö memukonye. Mïchinecha ye nyu kepïstenö nyinte akïmïla chi anka tïkwïl korenyi. Ompöwölo kikurwokyï Tororöt nyinte akikutö sitöt nyo ngwan nyoman Nyo möngötunye koronete kokay!’ ”

WUWÖT 32:31

Kïmïla Musa wölo mi ECHOTYON akïlö, “We ECHOTYON kegh pïchï ngokï cho echön, keghchï kegh tororöt pö koltin.

LAWIN 26:40

“Wölo ato nganyta ngokikwa nko ngokiko papotïnekwa nko ghöyïn nyo kighwanïn, otini kipeny kirurutköchan

NEEMIA 1:6

Iterwante airosanïn otini osoghan pöghet nko nangat ompö mötworiku pipö Israel. Okötenan ngoki pipö Israel cho kiwunyi. Kyaghan ngokï tïkwïl nko papotïnechan.

TUMWÖY 38:5

Könïnö moyoköchan akïngutö, akwompö sölwontönenyan.

LOK 3:42

“Kakighacha ngokï akepeny ngaleku, we ECHOTYON, wölo tomönye löstewechanyi.