ESRA 9:1 - PIPÏLIA

¹ Nyini kewanta kegh tïkuchï löwïr, kipkonchanïn kintöghoghï akïlö, “Melö kamala kegh pipö Israel nko tïsï nko pipö Lawi pipö punton ompö sïmnyontönengwa. Choni kï pipö Kanan nko Ititi nko Peris nko Yepusi nko Amon nko Moap nko Misri nko Amori.

ESRA 9:1 ပူးပေါင်းရင်းမြစ်များ

TOWUNÖT 15:16

Mïlonchot moneku koronete ato itïta pïnwöy angwan, ompöwölo tomönye kwitïta ghöyityo pipö Amori.”

1 PÖYTOGHÏ 11:1

Kicham Solomon kor cho le to cho chang, chepö Parao anka ompö koruchoni. Kwip nyinte tipö pipö Moap nko cho pö pipö Amon nko cho pö pipö Edom nko cho pö pipö Sidon nko cho kipkono koro pipö Ititi.

2 OTÖPTINO OSIS 33:2

Kigh Manase ngokï ompö tawu ECHOTYON, kïrïp otöptin cho ghach cho pö pipö punton cho kitulö ECHOTYON tawu pipö Israel.

2 OTÖPTINO OSIS 8:7

Pich löwïr nyu cho kidong cho melö ki pö pipö Israel pipö Ititi nko Amori nko Peris nko Ipiti nko Yepusi.

ESRA 10:2

Kïlenchï Syekania wero Yeiel nyo pö ara Elam Esra, “Kikepenyacha ngala Tororötïnyo otï kakipöcha tipi puntonichï möngöy koronï. Wölo kïrkegh kïlenyoni kïtö kïmi kikönötö Israel.

ESRA 10:8

Ato chi nyo mengwïnye ompö osis sömök, kechengo tïkuchi löwïr aketagha nyinte kïtöpö nko nyoryo pïchay kimïlisyeghö pïnotön.

NEEMIA 13:23

Kyasïwan ompö osiswechoni tïkwïl pipö Yaudi cho kip kor cho pö Asdod nko Amon nko Moap.

NEEMIA 4:3

Kïlö Topiya nyo kimi nko nyinte, “Lentöy kakïtek ne nya, kïgh nyo ato tyar ompö chepkonö, kïrul nayatungwa nyo lentöy kakïteka koghïn.”

NEEMIA 4:7

Wölo otini kilïm Sanpalat nko Topiya nko pipö Arapia nko cho pö Amon nko cho pö Asdod lö tösöy tagh tekata nayatu Yerusalem akemicha kekïnöy wölay kingatangat, kïnörekyö nyoman.

NEEMIA 9:2

Kïmala kegh pipö Israel pipö punton löwïr, kughyö chane akïkötö ngokikwa nko cho pö papotïnekwa.

TUMWÖY 106:35

Wölo kighömö nko chane akunet kegh otöptinekwa.

WUWÖT 13:5

Orip ichonï ompö arawanï otini kemïtokwa ECHOTYON ntat koro pipö Kanan nko Ititi nko Amori nko Ipiti nko Yepusi nyo kiwolwolchï papotïnekwa lö konokwa, kor nyo chang chö akïwow kumata.

WUWÖT 23:23

Ntöghoghwokwa malaykayantenyan ompö koro pipö Amori nko Ititi nko Peris nko Kanan nko Ipiti nko Yepusi, ayonan chane löwïr.

WUWÖT 33:16

Ompöwölo nkïtu pich lö ne lö, kechamaninyi nko piköku? Kïpoto ato iwenyi nko acha, atökesisitunacha nko pich walaka cho mi ngwïny.”

ISAYA 52:11

Angeta apegha yi! Angetena koro Papilon! Amaswany kïgh nyo kïkïröy. Apeghena kwenunyi atïlil kegh, akwa cho opöy kari Kö pö Tororöt.

YEREMIA 26:10

Nyini kilïm kintöghoghi Yuda ngalechoni kighisyö, kïpkana kö pö pöytoghin lawel akïtïpï ngöcherwekwa cho mi Kö pö Tororöt ompö Kuka nyo Rel.

YEREMIA 26:16

Atolapay, kïlenchï kintöghoghï nko pïchay löwïr tïsï nko werkoy, “Melö mïchini ketïgh chichï, ompöwölo köngölonwecha nyinte ompö kayna ECHOTYON Tororötïnyo.”

LAWIN 18:3

Magh le ato kighöy pipö Misri wölay kyomöngekwa anta agh le pipö Kanan wölini omïtokwa. Motöp ntarïp otöptinekwa cho ghach.

MALAKI 2:11

Melö tökï pich cho ghönote pipö Yuda ompö tawu Tororöt. Kegh chane tïkwïn cho ghach nyoman ompö kanasyanta Yerusalem nko koro Israel kïmïkul. Kesïmnyon Kö pö Tororöt* nyo pö saghat nyo chömo kegh nyinte, atolapay kwipchï kegh kor cho soghöy tororötino pipö punton.

KIYITUT 23:9

Osïwïyan nyinte ompö kutïngkot kimi to, otopönteghonan chane komos. Pich cho mi opïn, amelö kiyïtïtoy punton walaka!

KIYITUT 25:6

Kwipï chi pö Israel akong konyi korka nyo pö Midyan kïsïwïyi Musa nko pipö Israel löwïr ato kimi chane kïlokyegho kuka Ema nyo mi ECHOTYON.*

KINONO KIRURUT 18:9

“Nyini katakwa koronini konokwa ECHOTYON Tororötïnkwa, motöp lö kïrïpöy otöptin cho ghach cho pö punton cho möngöy wöloni.

KINONO KIRURUT 23:8

Muköy monekwa cho pö pïnta nyo pö sömök kïtuyö nko pipö ECHOTYON.

KINONO KIRURUT 7:1

“Mïtokwa ECHOTYON Tororötïnkwa ntat koronini opetekwa ochengöy. Yonöy nyinte puntonichï chang. Choni kï: pipö Ititi nko Kirkasyi nko Amori nko Kanan nko Peris nko Ipiti nko Yepusi. Owesöch puntonichoni le mut nko odeny kïtïlakwa.

YOSWÖ 23:12

Wölo ato omïlisyekwa löt aghömö ompö kïgh anka tïkwïl nko puntonichete kidong kwenunkwa apïsï monekwa kwip kegh nko chikwa,