ESRA 3:7 - PIPÏLIA

⁷ Kutö pipö Israel ropïyen teki koghïn nko cho pö ket akutö pipö Tiro nko Sidon omisyewut nko tïkwïn cho kïgheghöy nko mwaghpa orolwö tökwipï tarakit ompö Lepanon kuwerï nanam ntökwit Yopa. Kikipï nyu lenyini kichömchï Sayras pöytoghinto Pasya chane.

ESRA 3:7 ပူးပေါင်းရင်းမြစ်များ

2 SAMWEL 5:11

Kuyoktö Iram pöytoghinto Tiro pich wölo mi Daudi cho kipöy tarakit nko pich cho le teki korïn, atökïtekyï Daudi katanyi.

1 PÖYTOGHÏ 5:6

Kïlenyona yontena piköku kïpa Lepanon atökïtörwanïn tarakit. Ighöy chane ighisyononi nko piköchan, oghokinan piköku ropïyen cho kemwowunyi. Ompöwölo inkïtönyi lö menkïtcha piköchan kïtöröy ket le akwa pipö Sidon.”

2 PÖYTOGHÏ 12:10

Ato sïwa chane lö kichangit ropïyenichoni, kungwïn nyu kikirinto pöytoghin nko Tïsin nyo Wow* atökuyityï akïrötyï mïlot ropïyenichoni kakïnyorchï Kö pö Tororöt.

2 PÖYTOGHÏ 12:13

Wölo melö kikïpöghisyeghö ropïyenichoni kikipï Kö pö Tororöt le röpöw kyala kikompeni taghoy anta tïwanayi taghoy anta kontin anta karïn walaka tïkwïl cho pö koltin anta cho pö kasawat.

2 OTÖPTINO OSIS 34:10

Kutötö ropïyeni kutö pich cho kighyongchini ngala teksyo Kö pö Tororöt nko pich cho kighöy ighisyo Kö pö Tororöt kwigha köyoni wölo kinyara akwigh kïköchï le ato kimi tagh.

ESRA 3:6

Kitor pich kutö ECHOTYON amörostin cho kïpelöy asisini tagh ompö arawa mut nko odeny, kïrkegh kökitomönye ketor ketek Kö pö Tororöt.*

ESEKEL 27:17

Ki mïnchïrïsyontengu Yuda nko koro Israel kikigho mïnchïrïsnöne nkanuna Minit nko panagh nko mwowöy nko kumot nko mwoghwöyi sos.

YONA 1:3

Wölo kuperta Yona kutang Tarsis ompö tawu ECHOTYON, akïwö kïröytö Yopa, akinyorï meli nyo kiwetöy Tarsis. Kilït melinay akutötö ropïyen cho kiweghö, akïwö nko chane kutang Tarsis kurïpö ECHOTYON.

IGHISYEWUT 12:20

Kïnörekyï Erode pipö Tiro nko Sidon nyoman, kïlenyona kïtuyö pïchay akïpa kïngalan nko Erode. Otini kinam kongot nko Plastas nyo kiripöy wölo kimönyöy pöytoghintö, kïwö wölo mi Erode akïtep kalya, ompöwölo kitigho kegh korengwa omisyö nyo ngwïno oreto pöytoghintononi.

IGHISYEWUT 9:36

Kimito korka akong Yopa nyo kikuro Tapita, nyo kighanate. (Kikuro kaynenyi ompö ngala Krik Dorkas, nyo ato kïwaghach kï chemïl.) Kighchini pich nyo karam akungöroköy mey.

IGHISYEWUT 9:38

Ompöwölo ki lekïto Yopa Lida, otini kïlïm kighönï lö, mi Petro Lida, kïyonta pich odeny kïpa kïkur nyinte lö, “Ngwangwa nyonchech lawel.”

IGHISYEWUT 9:43

Kïtöpö Petro Yopa osis cho chang nko ighinto angwoy nyo kikuro Simon.