ESRA 10:6 - PIPÏLIA

⁶ Kïlenyona kïngeta Esra tawu Kö pö Tororöt akïwö kö pö Yeoanan wero Elyasyip nyo mi körköru köyoni, wölo kiwö kïrï amelö kyam kïgh anta gha pögh. Kimi lok ompöwölo kïpïstö Tororöt pïchay kimïlisyeghö pïnotön.

ESRA 10:6 ပူးပေါင်းရင်းမြစ်များ

ESRA 10:1

Otini kitö kïmi Esra kisoghöy akïriröy akïkïtïngöy ompö tawu Kö pö Tororöt,* kighömïtyï kegh wölo mi nyinte söpïch nyo wow nyo pö mïrön nko kor nko monïng cho pö pipö Israel cho kiriryot ompö ngwonïn.

ESRA 10:7

Keyonta kut kïghömï koro Yuda nko Yerusalem, kemwochï pïchay kimïlisyeghö pïnotön löwïr kïpka Yerusalem.

ESRA 9:4

Atolapay otöpan ngwïny asönönön ntökïtenö ketötö ropöwo mönon. Kïghömïtyï kegh pich wölo omitan cho kyotyö ompö kïgh nyo kamwa Tororöt pö Israel ompö pïchay kimïlisyeghö pïnotön.

NEEMIA 12:10

Ki papoto Yoyakim Yoswö, ki papoto Elyasyip Yoyakim, ki papoto Yoyada Elyasyip

NEEMIA 12:22

Kikikir kaynötut pö kintöghoghi ortïna pipö Lawin nko cho pö tïsï ompö osiswo Elyasyip nko Yoyada nko Yoanan nko Yadua nyo kile tïsin ntökwit paytaghpa Daryas nyo pö Pasya.

NEEMIA 13:28

Ayonan ompö wölo omitan wero Yeoyada wero Elyasyip Tïsin nyo Wow* nyo le santa ka Sanpalat nyo kingwïno kanasyanta Pet Oron.

NEEMIA 13:5

Kichomchï nyinte Topiya kïmang kö pö ori nyo wow, wölo kikïrorchini ropöw nko tïkwïn cho ngutoy cho onyïn nko karïn cho kïpöghisyegho ompö Kö pö Tororöt nko kareranpa taman nyo pö pagh nko dipay* nko mwagh cho kikïkonï ketö pipö Lawi nko tumï nko ripi Kö pö Tororöt lenyini mwoghöy kirurut.

NEEMIA 3:1

Atolapay kïtek Elyasyip Tïsin nyo Wow* nko werkökwa tïsï akïtek Kuka Kechir akutïlil akutö tekech. Kutïlil nayatu ntökutomtö Pchöri Pokol nko Pchöri Ananel.

NEEMIA 3:20

Kïtek Paruk wero Sapay kareranta anka ntökwitïta kuka kö pö Elyasyip Tïsin nyo Wow.

AYUPU 23:12

Mamasteghanye kirurutkachi kokomönchan ngalechi mïkulöwunyan.

TUMWÖY 102:4

Kakïtyakanïn le sus cho kikïyomö. Melö totïngetan machat nyo pö omisyö.

WUWÖT 34:28

Kitöpö Musa wölini nko ECHOTYON ompö osis tömönut angwan nko nöngötuskökwa, kimamnye makatyan anta gha pögh. Kukirchï koghichay töpölöl ngalechay pö muma le kirurut taman.

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

DANIEL 9:3

Asaghan nyu Echotyon Tororöt, arirchini nyinte akïruröy, alakan sarankwachtin, atöpan aryon kuporï kötogh.

KINONO KIRURUT 9:18

Kyorïwön ngwïny tawu ECHOTYON osis tömönut angwan nangat nko pöghet, le atanya le tagh. Melö kyomisyan anta aghegh pögh ompöwölo kyoghchikwa ngokï ECHOTYON, otini kyaghakwa kïnarek nyinte.