ESRA 1:7 - PIPÏLIA

⁷ Kïkonï Sayras tïkwïl kari Kö pö Tororöt cho kicheng pöytoghintö Nepukadnesa ompö Yerusalem akïwö kutö koto tororötinechi kegh.

ESRA 1:7 ပူးပေါင်းရင်းမြစ်များ

2 PÖYTOGHÏ 24:13

akïcheng kïgh anka tïkwïl nyo kimi kaplawachpa Kö pö Tororöt* nko cho kimi kö pö paytagh akwip kutang Papilon kïrïp kegh nko ngölyonto ECHOTYON nyo kimwa akïtörotör kari koltin cho kigh pöytoghintö Solomon atökepöghisyeghö ompö Kö pö Tororöt.

2 OTÖPTINO OSIS 36:10

Nyini kiwonyö könyï, kuyoktö Nepukadnesa pich kïpa kurewï Yeoyakin kungwïn kerötyï Papilon nko kari Kö pö Tororöt cho pö olyot nyo wow, akwigh Sedekia werto ompö Yeoyakin kïpayta Yuda nko Yerusalem.

2 OTÖPTINO OSIS 36:18

Kurit kari Kö pö Tororöt löwïr cho echön nko cho mïnkech nko tïpö Kö pö Tororöt cho pö olyot nyo wow nko cho pö pöytoghin nko rïpaniskachi. Kurit tïkuchete löwïr kïpa Papilon.

2 OTÖPTINO OSIS 36:7

Kurit Nepukadnesa kari Kö pö Tororöt walak kutang Papilon akïwö kutö konyi nyo pö paytagh ompö Papilon.

ESRA 5:14

Keyokwï karichay pö koltin nko cho pö silpa cho kichenga Nepukadnesa Kö pö Tororöt ompö Yerusalem akwip kutö kö pö tororötïnyi ompö Papilon. Kichengwï tïkuchoni Sayras akutö chi nyo kïkuro Syespasar nyo kigh kïlïkwï yetïn pö Yuda

ESRA 6:5

Akany keyoda kari koltin nko cho pö silpa kutang Kö pö Tororöt ompö Yerusalem, chay kip Nepukadnesa Papilon.”

YEREMIA 51:44

Omungan Pel, tororöt pö Papilon otöpan kungungï kïgh anka tïkwïl nyo kinïkugh. Melö tökïsoröy koroswö akïsagh nyinte ngat. Kikïrulyö nïyet pö kanastina Papilon.

DANIEL 1:2

Kutö nyu Echotyon Yeoyada pöytoghinto Yuda mori Nepukadnesa akïpïsyï kïcheng kari Kö pö Tororöt.* Kip nyu kutang koro Papilonia akutö kaplawachpa kö pö tororötïnyi.

DANIEL 5:23

Kisïtönyi kegh yïm kïtïl ECHOTYON nyo pö yïm otini kakipunyi kari Kö pö Tororöt. Igheghsyeghenyi nko chönökopïrtineku nko koruku nko chemïnïngweniku, okwolökwa tororötin cho kikigha silpa nko koltin nko taghoy nko karïn nko ket nko koghi tororötin cho melö rosïtoy anta lïm kïgh anta nkït kïgh. Wölo kimekonyïtönyinye Tororöt nyo mi söpontöngu morichi nko ighisyewutköku löwïr.