ESRA 1:2 - PIPÏLIA

² “Kamwa Sayras pöytoghinto Pasya lö, kikonanïn ECHOTYON Tororöt pö yïm apayta ngwïny kïmïkul, akïmwowanïn otekyan nyinte konyi ompö Yerusalem nyo mi koro Yuda.

ESRA 1:2 ပူးပေါင်းရင်းမြစ်များ

1 PÖYTOGHÏ 8:27

“Wölo, eimukenyi nyoman nya we Tororöt mönge ngwïny? Ato möghöminyinye mönge ompö nyini le yïm, kumuko nyu lö ne kïghaminyi Köyï kïmïnïng pö saghat kotekunyi?

2 OTÖPTINO OSIS 2:12

Kïmwa Uram ngat lö, “Soyönote ECHOTYON Tororöt pö Israel, nyo kigh yïm nko ngwïny, nyo kitö pöytoghin Daudi worö nyo chïrer, kikitö ngöghomnyö nko pköchin nyo tekyïni Tororöt kö akï tek nyenyi nyo pöytegho.

ESRA 1:5

Kïpa nyu poyi ortïna pipö Yuda nko cho pö Penchamen nko tïsï nko pipö Lawi nko pich walaka löwïr cho kigh Tororöt kïpa atökïtek ngat Kö pö ECHOTYON Tororöt ompö Yerusalem.

ESRA 3:7

Kutö pipö Israel ropïyen teki koghïn nko cho pö ket akutö pipö Tiro nko Sidon omisyewut nko tïkwïn cho kïgheghöy nko mwaghpa orolwö tökwipï tarakit ompö Lepanon kuwerï nanam ntökwit Yopa. Kikipï nyu lenyini kichömchï Sayras pöytoghinto Pasya chane.

ESRA 4:3

Wölo kïlenchï Serupapel nko Yoswö nko poyi ortïn chane, “Melö kïtïngecha kïgh akwa ompö teksyo Kö pö Tororötïncha,* kïtekyinecha achane ECHOTYON Tororötïncha lenyini kamwa Sayras pöytoghinto Pasya.”

ESRA 5:15

akïlenchï nyinte, “Achï karichï ipö aiwö itö Kö pö Tororöt nyo mi Yerusalem aikany ketek Kö pö Tororöt otini kimi.”

ESRA 6:10

Tökutötö amörostin cho chömöy Tororöt pö yïm, akïsoghchï pöytoghin nko werkachi.

ESRA 6:3

“Kimwatïta Sayras ompö könyi tagh nyo pö paytaghtanyi ketek ngat Kö pö Tororöt* ompö Yerusalem ato kitötegho ropöw nko amörostin cho kipelöy. Koghïntanyi kutoch nko töpesïntanyi kï miten 27.

NEEMIA 1:4

Otini kyalïman ngalechoni, otöpan ngwïny alok, asönön osis cho te, akïrur asoghöy Tororöt

NEEMIA 1:5

lö, “ECHOTYON Tororöt pö yïm, Tororöt nyo wow nyo wöghöy chi anka tïkwïl! Ikomönenyi mumengu, aitïng kisyonöt ompö chane cho chöminyi, airipöy kirurutköku.

TUMWÖY 136:26

Oyokyinö sörö Tororöt pö yïm, töpo chomnyenyi kokay.

TUMWÖY 85:2

Kilöstoghchinyi piköku lelutkökwa ailöstoghchï chane ngokikwa löwïr.

NGÖTÏNYÖ 21:1

Lenye mïkulöwu pöytoghin ara pögh nyo yintoy ompö mori ECHOTYON, muköy kïsat kughegh wölini kömököy.

ISAYA 41:2

“Ekï ngo nyini kimïtuna chi nyo awes kongasis, akwigh nyinte kïrïnta pungkachi ompö woptin löwïr? Ngo nyini töni nyinte owesyö nyo rïntegho pöytoghï nko pipö punton? Pöro chane chokenyi kïtïryalit le terïtyon. Toyegho chane kotichi le mopö cho kakut yomat.

ISAYA 44:26

Wölo atongor kïgh mötworintenyan, ato kayontan chi kïnganyta tötutköchan, oghan ngalechoni nko tötutkö kïpïntö nyo mötïny. Omwochinan ante Yerusalem lö, ‘Möngöy pich ngat oringu,’ amwochan kanastina Yuda lö, ‘Kïtekokwa ngat kïrkegh kö kyowïryekwa.’

ISAYA 44:28

Olenchinan pöytoghin Sayras, ‘Ichinyi mösöwontenyan nyo intöghoghchini piköchan, nyi nyo ilïtitöy möchutköchan löwïr. Ighenyi ketek ngat Yerusalem atöketor teksyo Kö pö Tororöt.’ ”*

ISAYA 45:1

Lenchini ECHOTYON Sayras nyo kikïl kïlïkwï pöytoghin, “Kokoninyi owesyö rïntena koros cho mi tawungu, ikwönteghonyi pöytoghï ngöcherwekwa pö paytagh. Oyotunyi ante ECHOTYON ortïna kanastinekwa.

ISAYA 66:1

Mwoghöy ECHOTYON lö, “Ngacharunyan wölnö le yïm akï kelto ngacharunyan ngwïnya. Kï kö nyo nen nyu nyo omukekwa otekwanïn? Akï yonö ato oghwanïkwa atamangan?

YEREMIA 10:11

Kïlenyona olenchinekwa pïchoni, “Wonyot lömïs körkeyïntinö cho melö kigh yïm nko ngwïny. Potyot lö weng ompö ngwïny nko ompö muyo yïm.”

YEREMIA 27:5

ani nyo kyagh ngwïny nko pich nko tyonkïn cho söpsot cho mi ngwïny kïmïkul ompö owesyenyan nyo wow, atöninan chi owesyö lenyini kachaman.

YEREMIA 29:10

“Lentöy ECHOTYON, opetekwa omöngöy koro Papilon könyis 70. Atomuchö, ongwïnchokwa atopuntö ayomis nyo kikyamwaghan lö ongwïnan oyokwokwa omïlisyeno korengwo nyete.

DANIEL 1:21

Kitöpö nyu Daniel kö pö kirwoko pöytoghin ntökurel könyi tagh nyo pö Sayras pöytoghinto Pasya nyo kingwïn kïpar Papilon akïpayta.

DANIEL 2:21

Wöghököy osis nko könyis. Ngeto pöytoghï ngöcher akutöni walaka, töni ngöghomnyö cho ngöghomöch kutöni chïreryö cho chïreröch.

DANIEL 2:28

Wölo mi Tororöt yïm nyo poru wïngut. Keporunyi ye nyu pöytoghin Nepukadnesa kïgh nyo igho ompö osis cho pkonöy. Omwowunyi ye nyu kirwotïtoghtö nko sïwïyaghtö nyo kisïwenyi ompö rïwon.

DANIEL 4:25

Kïyononinyi wölo mi pich wïyö töpenö wuw nko tyonkïn. Kighinyi ama sus le tany akïnaminyi royönto yïm könyis mut nko odeny ntökïtenö nkïtunö lö pöytoy Tororöt nyo Töror Tya pöyunötino pich, akutöni paytagh chi nyo kacham.

DANIEL 4:32

akeyoneninyi wölo möngöy pich wïyö töpenö wuw nko tyonkïn. Akeghinyi ama sus le tany könyis mut nko odeny ntökïtenö nkïtunönyi lö, Tororöt nyo Töror Tya nyo pöytoy pich akutöni paytagh chi nyo kacham.”

DANIEL 5:23

Kisïtönyi kegh yïm kïtïl ECHOTYON nyo pö yïm otini kakipunyi kari Kö pö Tororöt. Igheghsyeghenyi nko chönökopïrtineku nko koruku nko chemïnïngweniku, okwolökwa tororötin cho kikigha silpa nko koltin nko taghoy nko karïn nko ket nko koghi tororötin cho melö rosïtoy anta lïm kïgh anta nkït kïgh. Wölo kimekonyïtönyinye Tororöt nyo mi söpontöngu morichi nko ighisyewutköku löwïr.

DANIEL 6:25

Kukirchï nyu Daryas pich löwïr cho kimöngöy ngwïny kïlenchï, “Pöghisyö akwa!

YONA 1:9

Kïlenchï Yona chane, “Opoyan pipö Eprania, atechan ECHOTYON, Tororöt nyo pö yïm, nyo kigh nanam nko kor wölo tïyame.”