ESEKEL 7:19 - PIPÏLIA

¹⁹ Lösyini ropïyenikwa ortïna kanasyan, akïkarkegh koltinekwa nko kïgh nyo le sïmnyon. Ompöwölo memukönye ropïyenikwa nko koltinekwa tökïsörï chane ompö asispa nörekyo ECHOTYON amemukönye tökwam kïpïghyö mutïnekwa nyonikïny, ompöwölo kilïkwï ngokikwa mïsïk ompö chane.

ESEKEL 7:19 ပူးပေါင်းရင်းမြစ်များ

2 PÖYTOGHÏ 7:15

Kïrïp pïchay ntökwit lalwa Yordan, akwotini kipetöy, kïnyorchï arawet sïro nko karïn cho kilasta pipö Sirya otini kimi kïryoghöy. Kïmïlisyö pïchay kikïyonta akïpa kïmwochï pöytoghin.

NGÖTÏNYÖ 10:2

Menyiwunye kïgh tïkwïn cho kïnyoru ompö ortïn cho ghach, wölo söru man chi ompö meghat.

NGÖTÏNYÖ 11:4

Melö nyiwu kïgh mökosyö ompö asispa kirwok, wölo söru man, chi ompö meghat.

OMTOGHIN 5:10

Ato chama kegh chi ropïyen, kïmelö pïghyongi, möminye chi nyo pïghyongi ropïyen, kïkany ato mach chi kïlïkwï sïkön, kïmönyorunye tïkwïn löwïr cho mököy. Kwïle choni tïkwïl.

ISAYA 2:20

Löstoy chane asisoni körkeyïntin cho pö koltin nko silpa cho kitang atökïsagh, kïlöstoghchini pungung nko reresoy.

ISAYA 30:22

Ichengenyi körkeyïntin cho kikïmala silpa nko koltin, aiwirtenyi tïkuchoni le tïkwïn cho le sïmnyon, aitegh lö, “Angetena tawunyan!”

ISAYA 55:2

Ompö ne topöghisyeghenö ropïyen ompö tïkwïn cho metöni chi pïghyöny? Ompö ne tasïngena tïkwïn cho mesöy pich? Atere lasiny ngalechan tama cho karamach, angörökyï cho okwoghöch.

LOK 4:1

Melö tökukwörkwersot koltinecha le nyo kipö tagh! Kötoyechï koghïn cho pö olyot nyo wow ortïna kanasyan karkegh nko koghi Kö pö Tororöt* atanya kirul.

ESEKEL 13:5

Melö kip kïrïp adoketis cho ponkos anta tek nïyet cho kirulyö tökïgheta kegh pich ato ngwïn poryot ompö asis ECHOTYON.

ESEKEL 14:7

“Ato ngot kegh chi anka tïkwïl nyo pö pipö Israel anta pïnotyon anta ton ompö Israel, akutö mïkulöwunyi körkeyïn kïpayta akuntöghoghchï kwigh ngokï akïlö owechini werkoyon, memwochï kïgh, ani ECHOTYON nyo oyokyini.

ESEKEL 30:3

Kilekïtit asisoni, kikïrikï asispa ECHOTYON. Lïku asisoni asispa kïruntï, asispa pörcho pipö koros.

ESEKEL 44:12

Kyomchan muma chane, omöy nyarïl ompöwölo kirïp chane körkeyïntinekwa, akïlïkwï tömölöwonto ngokï ompö pipö Israel. Mwoghöy Echotyon TORORÖT.

SEPANIA 1:18

Memukönye kïsörï chi silpa nko koltin asisoni pö ECHOTYON, ompöwölo nyoröy ECHOTYON ngwïny kïmïkul ompö nörekyenyi nyo ngwan akuwany lömïs pich cho möngöy ori.

SEPANIA 1:3

onyoran pich nko tyonkïn nko törit, awangan kaghagh ompö nanam. Orïntenan mwokïyis, awangan pich lömïs ompö ngwïny. Mwoghöy ECHOTYON.

MATAYO 16:26

Ompöwölo tïng chi kinyiwut ne ato nyorï ngwïny kïmïkul akupotö söpon? Möminye kïgh nyonikïny nyo muköy chi ntökwala söpontanyi.

RUMI 11:9

Akïmwoghöy Daudi lö, “Nya kïlïkwï omisyewutkökwa matankïl nko ngöghöp nya kupïtyö chane akechop kong.