ESEKEL 6:6 - PIPÏLIA

⁶ Lïku kanastinekwa löwïr ompö wölini omöngekwa kïratis nko wölo osoghokwa körkeyïntin akerultö ato kïpelo amöros nko körkeyïntine aketoytoyö ato kïpelo tïkwïn cho ngutoy cho onyïn akenyarnyar pöghisyewutkökwa löwïr.

ESEKEL 6:6 ပူးပေါင်းရင်းမြစ်များ

1 PÖYTOGHÏ 14:23

Kïtek chane wölo kïsogho tororötino putintön akïtek pchörino koghïn cho le körkeyïntino Asyera atökïsagha wölo le komos nko wölo mi rurwonoy pö ket.

TUMWÖY 115:8

Chane cho kitang kïkarkegh nko tïkuchoni kigh lenye nyoni tïkwïl cho twoytoy kegh tïkuchoni.

ISAYA 1:31

Kikongityot chi nyo awes atoni nko mopö cho pelöy koto kipiriti akong, wuröy nyu ighisyewutkökwa cho ghach pich cho owesöch lenyoni asïyech, amelö mito chi nyo muköy kïsörunö chane wïratanoni.

ISAYA 2:18

kiwongöy saghata körkeyïntin asisoni kokay.

ISAYA 2:20

Löstoy chane asisoni körkeyïntin cho pö koltin nko silpa cho kitang atökïsagh, kïlöstoghchini pungung nko reresoy.

ISAYA 27:9

Wölo kïlöstoghchini pipö Israel ngokikwa otini kewany chane kïngagh koghi tïsöwo pipö punton kïkarkegh nko pïsya amelö tökïmi ngat koghïn cho ngötu cho kïpelo tïsöw anta körkeyïntin cho pö tororötnay le karka kïkuro Asyera.*

ISAYA 6:11

Atepan lö, “Akïlïku nyoni nko oyï nya Echotyon?” Kuyokï lö, “Ntökïtenö kepar kanastin lömïs, ntökïtenö kepïstö korïn kïtïryolöchitu, ntökïtenö kïlïkwï kore nyinte kïmïkul surkwen.

ISAYA 64:10

Kalïkwï surkwen kanastineku cho tïlilöch, kalïkwï Sayon* surkwen kïlïkwï Yerusalem kïratyan.

YEREMIA 10:22

Atere! Achï lökoy cho ketï! Köchögh kighumötö nyo ngwïno okumpö löt. Achona pung, pkonöy kuwuröy kanastina Yuda kïlïkwï kïratis, lïku köponoti chepkonöw.”

YEREMIA 17:3

nko tömköy. Opïsyinan pungkökwa kïcheng tïkukwa nko ropïyeni atökutökï ngokichay kyaghakwa ompö korenkwa kïmïkul.

YEREMIA 2:15

Köpororchï nyinte ngötunywö, köpororchï ompö kut nyo wow. Kegh korenyi kïlïkwï surkwen, kalïkwï kanastinechi kïratis cho puryö möngot.

YEREMIA 34:22

Arosa! Kamwaghan ante ECHOTYON lö, oyoktenan kut kuyokwï kegh lïkononi pö pöytoghinto Papilon. Pkonöy kïporyegho kanasyantanete akïnam akïpela ma. Oghan kanastina Yuda kïlïkwï surkwen nyo puryö chi nyo möngöy.” Mwoghöy ECHOTYON.

YEREMIA 51:18

Tïkwïn cho le kwïle akï tïpö lïs, kiwongöy chane lömïs ato kïmungöy chane.

YEREMIA 9:10

Olan, “Orirchinan asönönchï kutïngkot, olokan ompö suswo kyak cho mi wuw cho köyomö, amökïminye chi nyo weröy wölini. Mökelïmonye wölini tany nyo ghïtöy, akïwï töritwö nko tïpö wudïn kïpechï kegh.”

YEREMIA 9:11

Lentöy ECHOTYON, “Oghan Yerusalem kïlïkwï kïratyan nyo tuw, lïku köpönoti chepkonöw. Oghan tïkwïl kanastina Yuda kïlïkwï surkwen nyo puryö chi nyo möngöy.”

YEREMIA 9:19

Kakïlïma sönönöt Sayon* nyo lentöy, “Kikewonyecha lökïr! Kinamecha arasï nyo mamïnïng! Kikepeghecha korenyo nyo mötïny, ompöwölo kikerultö koricha!”

ESEKEL 12:19

ailenchï pipö koronï löwïr lö, lentöy Echotyon TORORÖT, ompö pipö Yerusalem cho möngöy Israel, omisïyekwa ompö potana, aghegh pögh ompö mïghö. Kinyöngo korengwa tïku löwïr ompöwölo kikïlïkwï chelölos pich löwïr cho möngöy ori.

ESEKEL 16:39

Otöninyi morikwa akurultoy chane wölay kighonyi cheporesnan, aisagha körkeyïntin. Chengöy chane sïroköku nko kariku cho karamach akïpïstinyi kïchïrut.

ESEKEL 30:13

“Lentöy Echotyon TORORÖT, onyornyoran körkeyïntin ompö Mempis akupot pöytoghinto Misri, atolapay otönön körkoryö koro Misri.

ESEKEL 35:4

Oghan kanastineku kïlïkwï kwïle ailïkunyi kïratyan. Tenkïtunö lö ochan ECHOTYON.

ESEKEL 5:14

Oghinyi kungat Yerusalem lïkuna kïratyan akïroröchinyi puntonï cho kiwitinyi nko ompö könyi pich löwïr cho weröy.

ESEKEL 6:4

Lïku atay apelokwa amörostin akengongöy ato kïpelo tïkwïn cho ngutoy cho onyïn. Opöran pikökwa cho mi ori ompö tawu körkeyïntinekwa.

ESEKEL 6:7

Kïpöröy pich ompö kwenunkwa asïwenakwa atonkïtunö lö ochan ECHOTYON.

OSEA 10:2

Kinyïghï mïkuliskökwa putintön Nyo mïchini kuchen kegh ngongöy nyu Tororöt wölay kïpelö amörostin akuwur pchörinekwa.

OSEA 10:8

Kiwuröy wölo sogho pipö Israel körkeyïntin ompö Apen. Pito nyu sekut nko koto wölo kipelo amöros lenchini kutïngkot, “Akartecha.” Akïlenchï komos, “Orulchecha.”

LAWIN 26:30

Onyornyoran ato osoghokwa körkeyïntin atörotörön ato opelokwa tïkwïn cho ngutoy cho onyïn, awirchan mïntïruchkökwa wölo köchïnchï körkeyïntinekwa akïwöchokwa mïkulöwunyan.

LAWIN 26:31

Onyoran kanastinekwa arultan korikwa pö saghat. Amelö tökïnguchinanïn nyo karam tïkukwa chay onyïn.

MIKA 1:7

Kitïghotïghöy körkeyïntinechi löwïr kïlïkwï mïnchïran, akepel tïkwïn cho kitöni chepkarteni kö pö tororötïngwa. Kirïruköy körkeyïntinechi löwïr kïlïkwï samï. Kinyorchï Samaria tïkuchï ara cheporesnan, petöy nyu lenyoni ompö ara cheporesnan.

MIKA 3:12

Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.

MIKA 5:13

Anyarnyaran körkeyïntinekwa löwïr nko pchörine cho otïngetekwa tömokïtïngchinekwa ngat tïkwïn cho kaghakwa morikwo.

APAKUK 2:18

Nyiwu ne körkeyïn nyo kipötöy anta nyo kitongöy otini kakiwany kegh? Menetönye kïgh ighintenyi kïpoto putintön. Nyiwu ne ompö nyinte tökïlentöy oghönöy? Kïgh nyo le tororöt pö putintön nyo memuköy ompö ntökïngalan!

SEPANIA 1:18

Memukönye kïsörï chi silpa nko koltin asisoni pö ECHOTYON, ompöwölo nyoröy ECHOTYON ngwïny kïmïkul ompö nörekyenyi nyo ngwan akuwany lömïs pich cho möngöy ori.

SAKARIA 13:2

Ongongoghtenan asisoni kaynötut pö körkeyïntin cho soghöy pich kewutyeghö. Opuktenan pich cho ighöy kegh lö kïchï werkoy nko cho soghöy körkeyïntin kïpegha kor.

1 SAMWEL 5:4

Wölo nyini kinget asisto odeny ngat, kïlö kiros kichïnta Dakon kïköpïghtö mu ompö tawu Santuku Muma ECHOTYON akïmïtïkö möt nko ewunechi kïchïnchï ket pö kukat, kïngötï portö onkït kïchïrmet.