ESEKEL 5:6 - PIPÏLIA

⁶ Wölo kipeny pipö Yerusalem kiyomisut kïtïl pipö punton akïpeny kiyomisutköchan kïtïl koros cho kiwit nyinte, otinö kitagh kirurutköchan akïtagh kïrip kiyomisutköchan.

ESEKEL 5:6 ပူးပေါင်းရင်းမြစ်များ

2 PÖYTOGHÏ 21:11

“Ompöwölo kegh pöytoghintö Manase ngokï cho ghach tya, ngokï cho ghach kïtïl cho kigh pipö Kanan akwigh pipö Yuda kïsagh körkeyïntinechi le nyinte.

2 PÖYTOGHÏ 21:9

Wölo kitagh pipö Yuda kïterchï ECHOTYON. Kintöghoghchï Manase chane kwigh ngokï cho ghach tya kïtïl cho kigh pipö punton cho kiyona ECHOTYON koroswechoni akutö chane.

NEEMIA 9:34

Melö kirïp kirurutköku pöytoghicha nko kintöghoghicha nko tïsicha nko papotïnecha. Melö ompö kiyang chane ngaleku nko chilatengu.

NEEMIA 9:35

Kitönönyi chane paytagh aitö kor nyo akwagh akï pöro ompö köromnyengu, wölo melö kipöghisyeghunyi anta pïstö ighisyewutkökwa cho ghach.

TUMWÖY 106:20

kukera ororyo Tororöt körkeyïn pö tany nyo omöy sus.

TUMWÖY 78:10

Melö kirïp mumengwa nko Tororöt akïtagh kïrïp kirurutyenyi.

WUWÖT 16:28

Kïlenchï ECHOTYON Musa, “Töghöy piköku nko oyï kïrïpöy ngalechan nko kirurutköchan?

YEREMIA 11:10

Keyokyï kegh kwigh tïkwïn cho ghach le cho kigh papotïnekwa ato kitagh kïter kutinyan akïpa kïsagh tororötin walak. Kikïpeny pipö Yuda nko cho pö Israel muma nyo kyaman nko papotïnekwa.

YEREMIA 5:3

Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.

YEREMIA 8:5

Kwompö ne nyu tökïpïstö pïchï arenyan, akïtagh kuyokï kegh kïrïp arenyan? Kösïkwïr chane tororötino putintön, akïtagh kuyokï kegh wölo omitan!

YEREMIA 9:6

Körïmisyö akï rïmisyö, kïlïsisyö akï lïsisyö, akïtagh kunkïtwanïn chane.” Mwoghöy ECHOTYON.

ESEKEL 11:12

Ato onkïtunökwa lö ochan ECHOTYON ompö melö kyarïpakwa kirurutköchan anta agh kiyomisutköchan, kyaghakwa kïrïp kegh nko kiyomisut pö puntonichï kiwitekwa.”

ESEKEL 16:51

“Meghnye Samaria ompö nïsu ngokï cho keghanyi, keghanyi ngokï cho ghach tya kïtïl chane. Aighanyi chane kïpöyit man ompö tïkwïn cho ghach löwïr cho keghanyi.

DANIEL 9:15

“We Echotyon Tororötïnyo, kiporunyi owesyengu otini kimïtunenyi piköku koro Misri atökenonöy owesyengu nko ye. Kakighecha ngokï nko ghöyityö.

DANIEL 9:5

“Kikeghacha ngokï akelel akeghacha nyo gha akepeny kirurutköku löwïr akemastecha kareran.

DANIEL 9:8

Kiketönöcha kegh arasï, we ECHOTYON, cho kakighucha nyi nko pöytoghicha nko yetïntinecha nko papotïnecha löwïr ompö ngokï.

SAKARIA 7:11

“Wölo melö kiterwanïn piköchan. Kilïkwï tighï akïkar yitikwa tömalïm ngalechan.

1 KORINTO 5:1

Mi man, lö mi kwenunkwa ngala cheporesanan, akï cheporesnan nyo gha nyo tomönye ompö kelïmchï pich cho menkït Tororöt. Kakemwowanïn lö mi chi akong ompö akwa nyo katakalan nko korketo kwanta!

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.