ESEKEL 5:17 - PIPÏLIA

¹⁷ Okonokwa pekat nko tyonkïn kwamenekwa monïng. Wonyokwa amal nko rïmö nko chok. Ani ECHOTYON nyo kamwagh.”

ESEKEL 5:17 ပူးပေါင်းရင်းမြစ်များ

2 PÖYTOGHÏ 17:25

Otini kitor chane kimang wöloni melö kisagh ECHOTYON, kïlenyona kïyonchï ECHOTYON chane ngötuny cho kiwany pïchoni walaka.

WUWÖT 23:29

Moyonanye chane löwïr ompö köny akonga, ompöwölo lïku kore surkwen akïtösisyö tyom pö wudïn.

YEREMIA 15:3

“Kamwaghan ante ECHOTYON lö otyorunan tïkwïn angwan cho ipu kinyarat. Otyorunan ngot nyo pörokwa nko kukïdin cho chutöy porwöyikwa nko töritwo yïm cho omöy porwöyikwa nko tïpö wudïn cho pkonöy kuwontoy panye cho köngötï.

ESEKEL 14:15

“Anta otorwan tïpö wudïn kïpka kïpesta akwam pich, takïlïkwï korö kïratyan tömökïmi chi nyo westegho akwompö tyonkïn

ESEKEL 14:19

“Anta otorchan amal kor kïtïgh pich nko kyak ompö nörekyenyan.

ESEKEL 14:21

Kïlenyona lentöy Echotyon TORORÖT, “Tökïne anka ato kyotorchan Yerusalem tïkwïn angwan cho ngwonöch cho komungan kor, chok nko kömöy nko tïpö wudïn nko amal nyo wongöy pich nko kyakikwa tïkwïl.

ESEKEL 17:21

Wonsot pikachi pö lïk lömïs ompö chok ketoytoyö ngötunönkö kïghömï ngwïny atö onkïtunö lö ani ECHOTYON nyo kamwagh.”

ESEKEL 17:24

Kunkïtï keti löwïr ompö wuw lö ochan ECHOTYON. Oghan ket cho töngoghöch kïpit kïkoghöchitu, aghan ket cho nyorilöch kïyomö, aghan cho kiyomö kïnyörilöchitu. Kamwaghan ante Echotyon TORORÖT lenyoni, aghan kïgh nyo kamwagh lö oghöy.

ESEKEL 21:3

lentöy ECHOTYON, ochan punyon ompö akwa. Ongwïsunan chokenyan aparekwa lömïs cho karamach nko cho ghach.

ESEKEL 21:32

Wonyekwa ma. Akemïltegho kisönkökwa korenkwa, amöminye chi nyo tökunonokwa kokay.’ ” Mwoghöy ECHOTYON.

ESEKEL 22:14

Tetïngetenönyi nyakanat nya anta tetïngetenönyi owesyö nyo iporyot ompö asisini koporyegheninyi? Ani ECHOTYON nyo kamwagh, aghan lenyini.

ESEKEL 23:47

Akanya kïwira söpïchoni chane koghïn akïtörotörö chokon akïpar monekwa akïpela kori.

ESEKEL 26:14

Atolapay aghekwa alïkuna ghat nyo tïryal, wölo moyo pich netin, amelö töketeköy kanastinekwa kokay.” Mwoghöy Echotyon TORORÖT.

ESEKEL 28:23

Otyorchinan chane amal, akuyinta kisön ompö ortïnekwa, ompö porsyö nyo kiwit chane wop löwïr. Nkïtu nyu chane lö ochan ECHOTYON.’ ”

ESEKEL 30:12

Atolapay oghan lalwa Nile kïyam atönan kore mori mwokïyis aghan korononi kïlïkwï kïratyan nko kïgh anka tïkwïl nyo mi ori ompö mori pich cho le to. Ani ECHOTYON nyo kamwagh.

ESEKEL 33:27

Mwochinö chane lö lentöy Echotyon TORORÖT le ato osopan wonyot pich löwïr cho möngöy kïratis ompö chok, atönan tyompö wuw kwam chi anka tïkwïl ompö ompölyon, kwam amal cho mi wölo aghïgh nko cho mi köpönot.

ESEKEL 37:14

Otöninan mïkulöwunyan kïtöpö nko akwa, tosöpchenö atönokwa korengwo, onkïtukwa nyu lö ani ECHOTYON nyo kamwagh, aghan lenyini.” Mwoghöy ECHOTYON.

ESEKEL 38:22

Omungenan nyinte nko pipö lïkenyi nko koros cho ngöroköy nyinte amal nko mïltaghpa kisön. Oropönchinan takarïs nko ngeset nko ma.

ESEKEL 5:15

“Oghinyi le kïgh nyo pö arasï nko sasat akïtöngönchï puntonï cho kiwitinyi, otini korwokunyi ompö nörekyö nko sïngiryö nyo gha amunginyi. Ani ECHOTYON nyo kamwagh.

ESEKEL 5:16

Otini koyotwokwa möronkinyan nyo mi koti pekat, owonyekwa. Otösan okenwokwa pekatis kïnomnyö kuwangekwa, akaran kuwonyö kaplawachtina omisyewutkökwa.

ESEKEL 6:1

Kungwïnchanïn ngölyonto ECHOTYON kïlentöy,

ESEKEL 6:12

Meghöy nyo low ompö amal kïmegha nyo lekït chok akïma nyo kedongö ompö kikar. Lenye nyoni nyu nörekyenyan ompö chane.

LAWIN 26:22

Opïsunan tïpö wudïn cho köromöch kwam monekwa nko twakwa akwighakwa ongörïngitunö ompö kor amökïmicha pich cho pestegho ortïnekwa.

MATAYO 24:35

Weröy yïmö nko ngwïny, wölo meweröcha nyonikïny ngalechan.

KINONO KIRURUT 32:24

Tïghöy chane kömöy, akuwonyö ompö kilayat, wonyegho sömewut cho ghach. Oyonchinan tïpö wudïn kwam nko moroyut cho ghach kïsïr chane.

NGONGUT 6:8

Asïwan, kungwïn angole nyo tolelyo, nyo kikötöy chi nyo kikuro kaynenyi Meghat, akimi ngwen kïrïpu lötunyi. Kikitö chane owesyö kïpayta kareran akonga ompö angwan nyo pö ngwïny tökïpara pich chok nko kömöy nko sömewut nko tïpö wudïn.