ESEKEL 47:9 - PIPÏLIA

⁹ Wölini kewerata pögh kïsöp kïgh anka tïkwïl nyo möngöy ori akïchangit kaghagh nyoman. Petöy pöghechï kugheghöy wölini tökïkaramachitu pögho nanampa Paryan. Kïlenyona möngöy kïgh anka tïkwïl wölini kewer lalwa.

ESEKEL 47:9 ပူးပေါင်းရင်းမြစ်များ

TUMWÖY 103:3

Löstoghwanïn ngokichu löwïr akusopöy sömewutköchan löwïr.

TUMWÖY 78:16

Kigh champilwoy kïpkana ghat, akwigh kuyinta le lalwatïn.

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

ISAYA 12:3

Orömonekwa pögho ngörekyö, kori pöghoni sörunöto ECHOTYON.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

ISAYA 55:1

Mwoghöy ECHOTYON lö, “Nyonö chi anka tïkwïl nyo omin maral, achï pöghe ghegha! Nyonö nyo chopöy ropïyen, nyonö ala aiyomisyö! Nyonö ala dipay* nko chö! Melö mito kïgh nyo itötonyi akï puryö olyot!

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

YOANA 14:19

Melö tökïsïwïyanïn ngwïnyinï ngat ato lekït, wölo osïwïyanïkwa, akwompöwölo ochan satate, osöpchokwa tïkwïl.

YOANA 14:6

Kïlenchï Yeso, “Ochan ore nko man nko söpon, möminye chi nyo wetöy wölo mi Papo kïpoto ato werwanïn.

YOANA 3:16

Ompöwölo kicham Tororöt ngwïny nyoman ntökutö Werïnyi nyo le akonga, atömepot chi anka tïkwïl nyo ghönöy nyinte, wölo tökïsïch söpon pö kokay.

YOANA 4:14

wölo anka tïkwïl nyo gheghöy pögh cho otönan kïlïku ompö orinyi kongpa pögh cho pö söpon, akutöni pöghechoni nyinte söpon pö kokay.”

YOANA 5:25

Amwowokwa nyoman lö, ngwïnöy asis akikungwïn asisoni ato lïmöy pich cho kimeghö kuti Wero Tororöt, akïsöpchöt chane cho lïmöy kutinoni.

YOANA 6:63

Kïgh nyo konu söpon kï Mïkulöwu Tororöt, menyiwunye kïgh ptangengmöt onkït. Ngalechoni komwowokwa kï Mïkulögh akï söpon.

IGHISYEWUT 2:41

Kïlenyona, kepatisan chane cho kicham ngölyontenyi pich cho ngata 3,000, kïtösisyö pich asisoni.

IGHISYEWUT 2:47

kisölöy Tororöt, akingörökyï pich löwïr chane. Kïtösini Echotyon asis anka tïkwïl nyoryengwa pich cho kikïsöru.

IGHISYEWUT 21:20

Nyini kïlïm chane kïsal Tororöt. Atolapay kïlenchï Paulö, “Isïwïyenyi wölo lata ngala ompö Yerusalem, tupchenyo. Mi pipö Yaudi cho le elpun cho makïrar cho le kighönï, akïrïpöy chane löwïr kirurut.

IGHISYEWUT 4:4

Wölo kighan pich cho chang cho kilïm ngölyontonay, kitïta kiyitöto pïchoni mïrön 5,000.

IGHISYEWUT 5:14

Kitösisyö kïtösisyot tya kighönï cho chang ompö nyoryononi, cho le mïrön nko kor cho kighan Echotyon.

IGHISYEWUT 6:7

Kïlenyona kulet tagh ngölyonto Tororöt kïyasta akïtösisyö nyoman ompö Yerusalem kiyitöto kighönï, kughan tuyot nyo wow nyo pö tïsï tïkwïl kighanatanoni.

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

1 KORINTO 15:45

Ompöwölo lentöy Kikirut, “Kilïkwï Adam nyo pö tagh chi nyo söpote,” wölo kïlïkwï Adamto söröm Mïkulögh nyo töni pich söpon.