ESEKEL 41:4 - PIPÏLIA

⁴ Kupim köyay ori kïlïkwï miten taman wop anka tïkwïl koghïnto nko töpesïntö, kimi köyï köyay mi kwen wölona. Atolapay kïlenchanïn, “Köyete kï Wölo Tïlil Tya.”*

ESEKEL 41:4 ပူးပေါင်းရင်းမြစ်များ

1 PÖYTOGHÏ 6:16

Akuluma mpawtina tarakit kot nyo kimi lötu Kö pö Tororöt, nyo kikïkuro Wölo Tïlil Tya.* Ki ngata koghïntanyi miten mut nko angwan, akeluma mpawtina tarakit kïngeta ngwïny ntökwit monchök.

1 PÖYTOGHÏ 6:20

Ki miten mut nko angwan koghïnto köyoni pö ori, kï miten mut nko angwan töpesïntanyi, kï miten mut nko angwan kutok. Kikiluma koltin cho pïchighöch kot kïmïkul, akïteka tarakit ato kïpelo amöros.

1 PÖYTOGHÏ 6:5

Aketek kori walaka cho kiwit parakuto köyoni, kuwit nayatu köyoni kïnamata kegh nko nïyetweko kot ompö woptin löwïr ompö Kö pö Tororöt nko kot nyo pö ori, aketek kori walaka cho mi köyoni wölo le sany ompö woptine löwïr.

1 PÖYTOGHÏ 7:50

nko kikompen nko makasin nko otupöy cho mïnkech nko mïkong nko kïsakeni koltin cho pïchighöch nko pateni koltin cho pïchighöch nko kukoti kö nyo pö ori, nyoni kï Wölo Tïlil Tya* nko kukotiko kot nyo pö ori nyoni kï Kö pö Tororöt.

1 PÖYTOGHÏ 8:6

Kïsït nyu tïsï Santuku Muma ECHOTYON ntökwit Kö pö Tororöt, atolapay kutö Wölo Tïlil Tya,* ngwïnyi köpepoy pö kerupimtin.*

2 OTÖPTINO OSIS 3:8

Kitek Wölo Tïlil Tya,* kïkarkegh töpesïntanyi nko nyo pö kot nyay le miten mut nko angwan akekartegha nyu koltin cho pïchighöch cho kitöy nïkisyenyi tantin tömönut odeny.

2 OTÖPTINO OSIS 5:7

Kwipï nyu tïsï Santuku Muma ECHOTYON Kö pö Tororöt akutö Wölo Tïlil Tya,* ngwïnyu kapepayi kerupimtin.*

ESEKEL 41:23

Kimi tekechonta sörömu apukenay lïtöy kutöngöy Wölo Tïlil nko wölo lïtöy Wölo Tïlil Tya.

NGONGUT 21:16

Kiwit kanasyantanoni nïyet angwan cho kikarkegh koghïntö nko töpesïntö. Kupima malaykayantanay kanasyantanay lïkïnyi akïnyorï lö kit kilomiten 2,400 ompö koghïn nyo kikarkegh nko töpesïn nko kepus parak.