ESEKEL 40:44 - PIPÏLIA

⁴⁴ Atolapay kwipanïn olïtön köyay okumpö ori. Kimi ori korïn odeny cho mïnkech. Kipörtoy kuke nyo pö köyoni akonga okumpö tagh kïpörtoy nyo pö anka okumpö löt.

ESEKEL 40:44 ပူးပေါင်းရင်းမြစ်များ

ESEKEL 40:10

Kikarkegh korichï kimi wop anka tïkwïl ompö ato kïlïtöy aki karkegh nïyetwe cho kimuryö chane.

ESEKEL 40:17

Kwipanïn chichay olït kïrurutyonay orel okumpö sany. Kikilokyï karïn tömönut sömök nayatunay mi okumpö sany. Kimi tawungwa kiroryo nyo kikiputa koghïn kiwit.

ESEKEL 40:23

Kimi or kokwö antakwagh okumpö löt nyo kïlïtöy okumpö ori tökepa kokwö nyo mi okumpö ori le nyay mi okumpö kongasis. Kupim chichay miten tömönut mut kïngeta or ntökwit are anka.

ESEKEL 40:27

Mi yete tïkwïl or nyo lïtöy kokwe nyo mi ori, kupim chichay apukenay kïlïkwï miten tömönut mut.

ESEKEL 40:29

Kïkarkegh korichay kikïngar löwïr nko wölo kïlïto nko nïyetwe nko nïyetwo okumpö ori nko chay pö apuketinechay walaka, ki miten 25 ompö koghïn akï miten taman nko odeny nko nïsï ompö töpesïn.

ESEKEL 40:38

Kimi okumpö sany nayat nyo kituyö nko apuke ompö okumpö löt nyo lïtöy kö nyo wow nyoman. Kikiwunö wölini ropöw cho kïpelöy.

ESEKEL 40:43

Kikinama akodetis cho kiwit, cho kile milimiten 75 ompö töpesïn, kikikönoghöy mesanete panye löwïr cho le amörostin.

ESEKEL 40:7

Ompö or nyo kiweröy kwen, kimi kori ripï cho le sömök ewu tagh nko ewu löt. Ki karkegh koghïn nko töpesïn pö korichoni aki miten sömök anka tïkwïl, aki miten odeny nko nïsï nyïkiryo nïyetkö. Kimi ato kilïtöy ompö korichay yona, nyo le miten sömök ompö koghïn, kitongoy kö nyo wow nyo portoy Kö pö Tororöt.

EPESO 5:19

Otinö ongölonchinekwa kegh opöghisyeghö ngala sölut nko tumwöy nko tumwöyi mïkulögh. Otumchinö Echotyon tum nyo rïröy ompö mïkuliskökwo.

KOLOSAY 3:16

Akanya kïtöpö orinkwa ngölyonto Kristo kïmïchï. Aneta kegh, arur kegh ompö ngöghomnyö anka tïkwïl. Otumö sölut nko tumwöyi mïkulögh cho kïtumchini Tororöt, ayokyï nyinte sörö.