7 “Oghan nyu kaynenyan nyo tïlil kunkïtu piköchan cho pö Israel chane. Melö tokönyan kemwoghöy kaynenyan nyo tïlil kokay, tökunkïtï puntonï lö, ochan ECHOTYON Tororöt pö Israel nyo Tïlil.
Sala ECHOTYON, söpontanyu wey! Kïgh anka tïkwïl ompö orinyan, kusa kaynenyi nyo tïlil!
“Mekur kaynata ECHOTYON Tororötïngu kwïle, ompöwölo yityini ECHOTYON ngokï chi nyo kuröy kaynatenyi kwïle.
Akwa cho omöngöy Sayon,* oteghyenö atum ompö ngörekyö! Ompöwölo wow Tororöt pö Israel nyo Tïlil.”
Ngo nyï imwoghenyi airoröchini? Ngo nyï isyolchinenyi kut akï ngo nyinte nyini ingwïryelenyi lenyoni? Ani Tororöt pö Israel nyo Tïlil!
Lentöy ECHOTYON Tororöt, sörunintenkwa, nyinte nyo Tïlil nyo pö Israel, “Oyontonan lïk nyo wetöy kïporyegho pipö Papilon atökesörwokwa. Ongongan ortïneko kanastinekwa atökïwaghaka pölöto pipö Papilonia kïlïkwï rira.
Ompöwölo ochan ECHOTYON Tororötïnkwa, Tororöt pö Israel nyo Tïlil nyo sörwokwa. Otötenan Misri tosïkökwa kityakat, otötenan tïkwïl Etopya nko Sepa ompö sörunötenkwa.
Lentöy ECHOTYON, Tororöt pö Israel nyo Tïlil Ighintenyi, nyo sötöy osis cho tökïpkonöy, “Motïngkwanye man atepanïn kïgh paraku monechan, anta omwowanïn kïgh nyo mïchini aghan!
Oghan pich cho wöchokwa kïpar kegh chane, tömesyegho chane pörchö le pich cho kagha dipay.* Nkïtu nyu ptangengmötin lö ochan ECHOTYON, nyo sörwokwa akutyokokwa akunkïtï lö, ochan Tororöt pö Israel nyo awes.”
Ikurenyi ye nyu koros cho menkïtönyinye, koros cho melö nkïtinyi akïryöwu kïsorinyi. Igho lenyoni akwompö ani ECHOTYON, Tororötïngu, Nyo Tïlil nyo pö Israel. Okonokwa konyït nko ororyö.”
Pkonöy pipö ara pïchoni reyinyi kïkïtïngö tawungu ompö konyït, kïpka cho kisösinyi kïkïtïng akïsagh ompö kelyeku. Kurinyi lö, ‘Kanasyanta ECHOTYON,’ ‘Sayon,* kanasyanta Tororöt pö Israel Nyo Tïlil.’
Melin choni cho rotuno koros cho lowöch, akuntöghoghchini melino Tarsis. Yoku kaw moneku cho pkono wölo low. Ipu chane silpa nko koltinekwa, atökïkonyït ECHOTYON Tororötïngu, akïsal Tororöt pö Israel Nyo Tïlil, ompöwölo keghakwa osïkö ororyö.
Wölo olulön kaynenyu tömösïch arasï ompö tawu punton cho kisïwïyi omïtunan chane ompö koro Misri.
Kïlenyona lentöy Echotyon TORORÖT, “Ape nyu, we pipö Israel asaghatena körkeyïntinekwo kokay ato moterwanïkwanye. Wölo itïtoy ato melö tosïmnyonekwa kaynenyan ompö ropöwekwa nko körkeyïntin.
Wölo olulön kaynenyan kegh, tamalïkwï arasï ompö kwenu puntonichï möngöy nko chane kïsïwïyi opunan pipö Israel kïpkana Misri.
Oporchinan kaynenyan nyï wow tïlil punton, nyï kyosïmnyonökwa ompö kwenungwa, tökunkïtï nyu chane lö ochan ECHOTYON. Mwoghöy Echotyon TORORÖT.
Kunkïtï nyu puntonï cho kingötï nko akwa lö ani ECHOTYON nyo katek wölay kile kïratis, apintit wölo kilïkwï siriron. Ani ECHOTYON nyo kamwagh aghan lenyini kamwaghan.”
Ingwïnanyi ipar piköchan Israel le polta nyo kelum ngwïny. Omïtunyi osiswechoni we Kok nyonö pokyinö korenyan tökunkïtwanïn puntonï otini oporuneninyi tïlilyenyan tökïsïwa chane.”
Kïlenyona oporunan owesyenyan nko tïlilyenyan aporchan kegh punton cho möngörï, kunkïtï nyu lö ochan ECHOTYON.”
Tökïtï nyu pipö Israel lö, ochan Echotyon Tororötïngwa kïngeta asisini kwegh tagh.
“Kïlenyona omwoghan ante Echotyon TORORÖT lö, omïtunan nyu pipö Yakopo kïpkana pïnotön asyonchan pipö Israel löwïr, alïkunan söstoghin ompö kaynenyan nyo tïlil.
Arosa kikwitïta akwitï ngalechï mwoghöy ECHOTYON Tororöt. Asista nyu nyete nyo kamwaghan.
Metötö montöngu kïlïkwï amöros nyo kïpelchini Molek, ompöwölo melö mïchininyi tönö arasï kaynata ECHOTYON Tororötïngu.