ESEKEL 38:9 - PIPÏLIA

⁹ Ipokunenyi nko lïkengu kïmïkul le mirtino pögh, le polta nyo keyentö ngwïny.’ ”

ESEKEL 38:9 ပူးပေါင်းရင်းမြစ်များ

ISAYA 25:4

Köryöwï meyï nko pönon wölo imitenyi akïchïwïtyö chane ompö osiswo kömpölelut. Ikörteghonyi chane chepkiriri aitö rurwö nyo wuro ompö kilayat nyo ngwan, ompöwölo ngwan poryo pkatis le pïchpïch nyo ngongöy korïn,

ISAYA 28:2

Akwanyï tïng ECHOTYON chitö anka nyo le nyakan akwawes, nyo mito kïpsach kïporyeghö chane, chi nyo ngwïnöy le takarïstin, nyo lata rop nyo ipu chepkiriri, nyo lata puseryon nyo awes nyo kighömï kor kïmïkul.

ISAYA 5:28

Ngötipöch kotikwa, akukichote kïwantinekwa tïkwïl. Ongeröch putïlöyiko kelyeko angoletinekwa le koghïn cho ongeröch tya.

YEREMIA 4:13

Arose! Kechumï punyon le polta. Ghumotoy nkarinechï cho pö poryot le pïchpïch, pïrtït angoletinechi kïtïl sichtin, heywey wechï kakiwonyö!

ESEKEL 13:11

Nyo lenchinö chane rulöy nayatunkwa nyo motïny. Anyona ilat nyo ropönöy takarïs nko yomat nyo wiröy nayatunkwa.

ESEKEL 30:18

Tuwitu koro Teapnees otini kaparan pöyunöto Misri akuwonyö kwolötenyi pö owesyenyi, tïpoy nyinte poltoy akerang pikö kïpa pïnotön.

ESEKEL 38:16

Ingwïnanyi ipar piköchan Israel le polta nyo kelum ngwïny. Omïtunyi osiswechoni we Kok nyonö pokyinö korenyan tökunkïtwanïn puntonï otini oporuneninyi tïlilyenyan tökïsïwa chane.”

DANIEL 11:40

“Otini ketïta osiswo söröm kupokyï pöytoghinto Misri pöytoghinto Sirya, wölo nyu ryöpöy pöytoghinto Sirya nyinte le pïchpïch ompö nkarinechi nko pich cho pegho angoletin nko melin cho chang. Lïtu nyinte kor akïmölöl le puseryon akuwer.

YOEL 2:2

Asispa tuwïn nko wurönöt, asispa kapuret nko tuwïn nyo wow. Lenye ighot nyo kakikörkorchï kutïngkot parak, söpïch pö pich cho köromöch nyoman. Möminye kïgh nyo lenye nyoni nyo kikwigha astanka. Amökwighonye ngat ompö könyis nko pïnwöy löwïr.

NGONGUT 20:9

Kiyasta chane kïghömï ngwïny kïmïkul akuwitwit kanasyantanay chömöy Tororöt, kanasyan nyo kimöngöy pikachi. Wölo ketyorunö ma yïm nyo kiwany chane.