ESEKEL 38:8 - PIPÏLIA

⁸ Weröy osiswö cho te, kekurinyi napa kegh, akï ompö könyis cho pkonöy iwetenyi poryegho kor nyo kösöpö poryot, kor nyo kighamïtyï kegh pich akïpa kutïngkoti Israel cho kikilïkwï kïratis, kikipï pich kïpkana punton kïpka kïmöngisyö löwïr ompö kalya.

ESEKEL 38:8 ပူးပေါင်းရင်းမြစ်များ

TOWUNÖT 49:1

Atolapay kïkur Yakopo werkachi akïlenchï, “Aghamïta kegh tomwowok kïgh nyo igho osis cho pkonöy ompö akwa.

WUWÖT 20:5

Mesagh tïkuchoni anta ipöghisyechï, ompöwölo ochan ECHOTYON Tororötïngu nyo le söstoghin ompö tororötin walaka. Otökonan monïng ghöyïntino papotïnekwa pïnta nyo pö sömök nko nyo pö angwan, chona reyanïn.

ISAYA 24:22

Tuyot Tororöt chane löwïr ompö pïrïm le mampustin. Körchini chane chela ntökwitïta asistangwa nyo pö kichopat.

ISAYA 29:6

Sörunyi ECHOTYON Kimuktoghin ompö tïlöto ilat nko potanata ngwïny nko chöghöt nyo wow nko chepkiriri nko lyopöto ma nyo wuröy kor.

ISAYA 8:9

Aghamïta kegh, pipö punton ompö nyökoryö! Atera, akwa koroswo ngwïny cho lowöch. Anapa kegh ompö poryot, wölo omïghyö! Owöy anapa kegh, wölo omïghyö!

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

YEREMIA 30:18

Lentöy ECHOTYON, “Oyokunan piköchan kïpka korengwa. Osyonchinan möngot anka tïkwïl nyo le nyingwa, kïteköy ngat kanasyanta Yerusalem, ketekyini pöryontenyi nyo kikunyara. Kïteköy tïkwïl kö pö pöytoghin otini kimi tagh.

YEREMIA 30:3

ompöwölo itu osiswö cho oyokyinan piköchan Israel nko Yuda tïkukwa. Oyokunan chane kïmïlisyö kor nyo kyotönön papotïnekwa akïchengöy ngat kïlïkwï nyingwa.” Mwoghöy ECHOTYON.

YEREMIA 32:37

Oghömïtunan piköchan kïpkana woptin tïkwïl cho kyotoytoychan chane ompö nörekyenyan nko sïngiryenyan nyo wow. Oyokunan chane kïpka kïmang akïtïpï koronete ompö kalya.

YEREMIA 32:5

Atolapay kumït pöyoghinto Papilon Sedekia kïwö Papilon. Töpo Sedekia wölini ntökïtenö amwaghan ante. Kïrkegh oporyeghenö pipö Papilonia mokönyekwanye.” Mwoghöy ECHOTYON.

YEREMIA 33:16

Kïsöru pipö Yuda nko Yerusalem kïtïpï ompö kalya akïsïköy kanasyantanoni kaynat nyo kïlentöy, ‘ECHOTYON nyo le sörunintencha.’

YEREMIA 48:47

Wölo kamwaghan ante ECHOTYON lö ompö osis cho pkonöy, osoyönan Moap kïnyorï tïkwïn ngat le nyo kipö tagh.” Teno choni ngala kirwok nyo nyoru pipö Moap.

YEREMIA 49:39

“Wölo ompö osis cho pkonöy ongwïnan oyokyini Elam tïkuchi lenyini kimi tagh. Kamwaghan ante ECHOTYON lenyoni.”

LOK 4:22

Kikemuny Sayon ompö ngokichi akikumuchö melö tökerongecha ngat kepe pïnotön wölo melö lenyoni ompö nyi we Edom, tökïsis kïmunginyi ECHOTYON ngongu nyinte ngokiku kipka sany.

ESEKEL 28:26

Möngisïyi nyu ompö kalya akïtek korikwa akïngorsyö. Omungan pöröriskökwa löwïr cho kichop kong chane atökunkïtï lö ochan ECHOTYON Tororötïngwa.”

ESEKEL 34:13

Owetan omïtuno chane punton aghamïtuna koros kïpka korengwa kegh. Oyokwïyan chane kutïngkoti Israel aghegh kori pöghon, akïghömï wölo möngöy pich.

ESEKEL 38:14

Kïlenyona wero chi ngora ailenchï Kok lentöy Echotyon TORORÖT, “Asisini möngisïyi piköchan Israel ompö kalya inapanyi kegh.

ESEKEL 38:16

Ingwïnanyi ipar piköchan Israel le polta nyo kelum ngwïny. Omïtunyi osiswechoni we Kok nyonö pokyinö korenyan tökunkïtwanïn puntonï otini oporuneninyi tïlilyenyan tökïsïwa chane.”

ESEKEL 39:26

Wutyegho arasingwa nko tïkwïn löwïr cho kïkïröy cho kighwanïn otini kimöngisyö ompö kalya ompö korengwa nyo mötïnye kwotyeghö chi.

APAKUK 2:3

Ompöwölo tökïköngöy ngongutyononi osiswechi cho kikïtat. Wölo kelu asisoni lawel akungwïnöy kïyoni oporunyi kïlïku man. Kïkany ato lentöy chi keropï, wölo kanganyi itu nyo mötïny, meropunye.

KIYITUT 24:14

“Kïlenyona rosa, kamïlan ye nyu korenyu, wölo tera omwowun kïgh nyo ighchini pïchï piköku ompö osis cho pkonöy.”

KINONO KIRURUT 4:30

Kïkany ato omitekwa nyarïl akïpkonchokwa tïkuchoni löwïr, oyokyï kegh ECHOTYON Tororötïngwo ompö osisweku cho pö löt ater ngalechi.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.