ESEKEL 31:3 - PIPÏLIA

³ Okörkeyïnteninyi törokwo Lepanon, nyo tïng morïn cho pïchighöch nko rurwö nyo pïchigh, akï kogh nyoman.

ESEKEL 31:3 ပူးပေါင်းရင်းမြစ်များ

TUMWÖY 92:12

Pitöy pipö man le keti sostin akïpöyitu le tarakitpa Lepanon!

ISAYA 37:24

Kesasanyi Echotyon kuwerï mötworiku aimenönyi lö, Ompö nkarinechan cho chang, karïntan Lepanon, ntowongwï kutïngkot löwïr cho koghöch. Kotörön keti tarakitkachi cho koghöch akïlchan kegh keti saypras cho pïchighöch. Kolïtön ompö wudö wölnö kidïrö.

YEREMIA 17:8

Karkegh chi nyo lata nyoni nko ket nyo kipita lalwa kamas, nyo tortoy sikin kïröytö wölo mi pögh. Mewöghönye osiswo kilayat, ompöwölo nyörilöch sökechi kïtenö osis. Motyönye osiswo pekat akuyinöy akwa ompö osiswechi.

YEREMIA 50:18

Kïlenyona, kamwaghan nyu ante ECHOTYON Kimuktoghin, Tororöt nyo pö Israel lö, omungan pöytoghinto Papilon nko pikachi le wölo kyomungön pöytoghinto Asirya.

ESEKEL 17:22

Lentöy Echotyon TORORÖT ante kegh nyo achengöy walisanyi tarakit cho koghöch. Atolapay okötkötyan kutïng nyo kogh.

ESEKEL 19:11

Kilïkwï ketïnyi nyo anger, lïpö pöytoghin, kikoghit tya ompö ket walaka, kikïtopönöy kurelunö ket nko morichi cho chang.

ESEKEL 31:10

“Kïlenyona lentöy Echotyon TORORÖT kïrkegh kïlö ochï kogh nyo kinam poltoy, akïkwol kegh mïkulöwunyi ompö koghïntanyi.

ESEKEL 31:16

Oghan punton kïpotonchö otini kalïm kïrul nyinte. Otini kowirchan ngwen kïröytö nko chane cho petöy parsïkon. Ngörechot keti Eden löwïr nko keti Lepanon löwïr cho pïchighöch nko ket löwïr ompö ngwïny cho gheghöy pögh ori.

ESEKEL 31:17

Röytoy chane tïkwïl ngwen nko nyinte wölini mi cho kikepar ompö pipö punton.

ESEKEL 31:5

Kïlenyona kïpit kikoghit nyoman kïtïl ket löwïr ompö wuw kudrö akïkoghöchitu mori, ompö pögh cho ghegho ighinkachi.

ESEKEL 31:6

Kitek töritwo löwïr korikwa morichi, kïyichï tïpö wudïn ghït pö ketichoni akuwurö puntoni ngwïny kïmïkul.

ESEKEL 31:8

Möminye tarakit cho mi para Tororöt cho kimuko kekongityö tïkwïl, anta makany cho kidïrö morichi kïtïl ketoni. Amelö mi ket para Tororöt nyo kipïchigh le ketoni.

ESEKEL 32:22

“Kiwit pïrïmpoti pich cho kimeghö Asirya nko pikachi pö lïk cho kikïpar löwïr kuwonyö.

DANIEL 4:10

“Otini kyorïwan poröy asïwan ompö sïwïyagh ket nyo wow ompö ngwïny, nyo kogh nyoman.

DANIEL 4:12

Kipïchighöch sökechi akïchang akwechi, ki omisyo pich nko tyonkïn löwïr. Kipkonöy tïpö wudïn kuwuro. Akïpka töritwö kïmang morichi akwam pich löwïr akwechi.

DANIEL 4:7

Kïpka nyu chemöwostin nko ponï nko pipö Papilonia cho ngöghomöch nko pich cho rosöy kokel. Omwochan chane kirwotïtoghnay wölo kipöl kïmwowanïn waghakatenyi.

SEPANIA 2:13

Nyoröy ompö owesyenyi koro Asirya nyo mi okumpö löt. Ighöy nyinte kanasyanta Ninawi kïlïkwï kïratyan, lïku surkwen nyo puryö pögh,

SAKARIA 11:1

Yata kukotiku we Lepanon, atökïpel ma tarakitköku lömïs!

SAKARIA 11:2

Akwa saypras, olokyenö asönön! Ompöwölo kikerul keti tarakit! Kikenyar ketichay pö tösunöt nyo wow! Akwa keti apeta cho omi koro Pasyan, oriryenö! Ompöwölo kiketör ket kuwonyö ompö wuw nyo kidïrö.

KIRWOKÏ 9:15

Kïlenchï ketay pö kato ketichay, ‘Ato omökekwa nyo nyoman oyilanïn alïkwan pöytoghintenkwa, apkan owurö rurwenyan, wölo atomölenye nyona, nya kungwïna ma ket pö kato akïpel tarakitpa Lepanon!’ ”