ESEKEL 3:20 - PIPÏLIA

²⁰ “Napo, ato pïstö chi pö man mantanyi akwigh ngokï, atönön mïsïk tawunyi, meghöy nyinte. Meghöy lenyoni ompöwölo meteghchinyinye akwompö ngokichi, amökeyitönye ighisyewutkachi löwïr cho karamach cho kigh. Wölo oghokeninyi kisönkachi.

ESEKEL 3:20 ပူးပေါင်းရင်းမြစ်များ

2 OTÖPTINO OSIS 24:2

Kigh Yoas nyo karam ompö tawu ECHOTYON otinö kitö kïsöpöy tïsin Yeoyada.

2 OTÖPTINO OSIS 25:15

Kïnarek ECHOTYON kïnörekyï Amasya, atolapay kïyonta werkoyon kïwö wölo mi nyinte. Kïlenchï werkoyontonay nyinte, “Ompö ne tetwaytena kegh tororötino pich walak cho memïcha ompö tökïsörï pikachi kegh kïsörunö moriku.”

TUMWÖY 119:165

Tïngeto kalya pich cho chömöy kirurutköku, möminye kïgh nyo ighöy chane kwotyö.

TUMWÖY 125:5

Wölo iwany pich cho kichumponchö, iwany mwokïyis lömïs. Kalya ompö Israel! Tum pö saghat ompö rutogh pö Yerusalem.

TUMWÖY 36:3

Pö putintön nko ghöyityö ngalechi löwïr, melö tökïmöko kïgh ngöghomnyö anta köromnyö.

NGÖTÏNYÖ 25:12

Kiteghchin nyo ngöghom ompö chi nyo teröy ngal, kïlenye kaymorïsya koltin anta tïkwïn cho kikïmina koltin cho pïchighöch.

ISAYA 64:6

Kïchicha löwïr mwokïyis, kïrkegh keghacha tïkwïn cho kakïsïwïyi lö karamach, ki ghach tïkwïl! Kïlatecha sökö cho silonchot akïkutïta yomat akwompö ngokicha.

ISAYA 8:14

Lïku nyinte wölo tïlil, wölo karkegh nko kogh nyo kwötöy pich akïlïkwï ghat nyo pïtyegho koro Israel kwodeny, akïlïkwï ngöghöp nyo nömöy pich cho möngöy Yerusalem.

YEREMIA 34:16

Wölo kowöghökisyökwa ngat apa oyokwï sekeyichay asïmnyonökwa kaynenyan.

YEREMIA 6:21

Kïlenyona kamwaghan ante ECHOTYON lö, ‘Otöninan kwötöw ara pïchete kïkwat chane. Wonyot papotïnö nko monekwa cho le wor, wonyot tïkwïl pöröris nko kongot.’ ”

ESEKEL 14:3

“Wero chi, kikutö pïchï mïkulöwekwa körkeyïntin kïpayta akuntöghoghchï chane kwigh ngokï, pkonöy nyu lö ne kïtepenanïn ngal?

ESEKEL 18:24

“Ato pïstö chi pö man mantanyi akwigh ngokï nko sïmnyonton cho ighöy mwokïyon kïmeghöy nyo mötïny, möminye ighisyewutkachi cho pö man cho kinonöy. Meghöy ompö ngokichi nko ghöyïntanyi nyo kigh.

ESEKEL 18:26

Ato pïstö chi pö man mantanyi akwigh ngokï kïmeghöy ompö ngokichi cho kegh.

ESEKEL 3:18

Ato olenchan chemwokïyon imeghenyi nyo mötïny amewenyi irirchï nyinte anta ingölonchï iteghchï nyinte kïpïstö ortïnechi cho ghach atö manyïl kïsörï kegh, oghokeninyi kisönkachi ato ma.

ESEKEL 33:18

Ato pïstö chi pö man mantanyi akwigh ngokï, kï meghöy nyo motïny.

ESEKEL 33:6

Wölo ato sïwa ripin pung kïpkonöy amakut konti kuteghchï pich kïpïsyï pung kipka kipar pich. Meghöy chichini kakïpar ompö ngokichi wölo omöy kisönkachi ripintonay.

ESEKEL 7:19

Lösyini ropïyenikwa ortïna kanasyan, akïkarkegh koltinekwa nko kïgh nyo le sïmnyon. Ompöwölo memukönye ropïyenikwa nko koltinekwa tökïsörï chane ompö asispa nörekyo ECHOTYON amemukönye tökwam kïpïghyö mutïnekwa nyonikïny, ompöwölo kilïkwï ngokikwa mïsïk ompö chane.

DANIEL 9:18

Terwante we Tororötïnyu. Rosa nyörilwoköcha, airos wölo kiwongwï kanasyantengu, nyo kïkurtegho kaynengu melö kisoghecha nyi ompöwölo kïchicha pipö man, wölo ompöwölo itïngönyi kisyonchin.

LAWIN 19:17

“Merey werïngwo ompö mïkulöwungu, wölo asata ngalekwo nko nyinte atömamïn ngokï.

SEPANIA 1:6

Onyoran pich cho yodo kegh löt amelö tökïrïpanïn. Onyoran löwïr cho melö pkonöy akïsomanïn ontöghoghchï chane.”

MATAYO 18:15

“Ato lelun werïngwo, iwö imwochï nyinte lelutyenyi ompö sison akwa opïn. Ato terunyi, kï kesörunyi werïngwo.

LUKA 2:34

Kusoyön Simion chane akïlenchï Marya, yoto monïng, “Rose, kikïl Tororöt mönïngï kïlïkwï macheypa kipotöt nko sörunöto pich cho chang ompö Israel. Lïku nyinte kiporunöt nyo ngwïno wölo mi Tororöt nyo mölomölo kegh pich cho chang,

LUKA 8:15

Kïnyïl kösïghechay kichïnchï nyïngwïtyan nyo akwagh kï pich cho lïmöy ngölyonto Tororöt akïkomönchï mïkulögh nyo ghanat, akï nyo karam, akïmïkukön ntökïyï akwa.

RUMI 11:9

Akïmwoghöy Daudi lö, “Nya kïlïkwï omisyewutkökwa matankïl nko ngöghöp nya kupïtyö chane akechop kong.

1 KORINTO 1:23

wölo kyomtonecha Kristo nyo kikïwudochï kimurtöwon, ngölyon nyo le kimwagh ompö pipö Yaudi, akï sölwontön ompö pipö punton,

KINONO KIRURUT 13:3

mater ngalechi. Ompöwölo työmokwa ECHOTYON Tororötïnkwa, atökunkïtï lö, ochömekwa nyinte ompö mïkuliskökwo kïmïkul nko ompö söpontönkwa kïmïkul anta ewo.

EPRANIA 10:38

Wölo möngöy mötworintenyan nyo tïlil ompö kighanat, wölo ato mïla nyinte löt, kïmongörökyinanye nyonikïny.”

EPRANIA 13:17

Oterchinö kintöghoghikwa arïp kiyomisutkökwa. Ripokwa chane kïnomnyö akï chane cho porchini asïyech Tororöt wölo kida chane ighisyengwa. Ighöy chane ighisyengwa ompö kwïskwïsyö ato oterchikwa chane anta mölenye nyoni kwigho nyarïl akï möminye kinyiwutyö nyo osïkonekwa ngalechoni.

1 PETRO 2:8

Akïmwoghöy Kikirutkö walaka lö, “Anyï kogh nyo kwötöy pich akï ghat nyo pïtyegho pich.” Pïtyot chane ompöwölo kimeghancha ngölyontononi. Lata nyoni wölo kikikïtat Tororöt lö igho ompö chane.

1 YOANA 2:19

Kipïstecha pïchoni kïpechï kegh wölo kimelö ki pich cho kimi akonga nko acha. Nyo ntö kimi nko acha, kiteletöy, kïtïpisot nko acha. Wölo kipïstecha chane atökïrumtö nyoman lö kimöminye nyo le ompö akonga nyo kile nyincha.